ຮອງລັດຖະມົນຕີກະຊວງອຸດສາຫະກຳ ແລະ ການຄ້າລາວ, ທ່ານ ນາງ ຈັນສຸກ ແສງພະຈັນ ກ່າວວ່າ: ປະຈຸບັນນີ້ກະຊວງໄດ້ສົມທົບກັບກະຊວງແຜນການ ແລະ ການລົງທືນຂອງ ລາວ ເພື່ອຊຸກຍູ້ໃຫ້ນັກທຸລະກິດຢູ່ລາວ ຂາຍບັນດາຜະລິດຕະພັນສິນຄ້າທີ່ຜະລິດພາຍໃນປະເທດ ແທນທີ່ຈະເປັນສິນຄ້ານໍາເຂົ້າ. ກະຊວງອຸດສາຫະກຳ ແລະ ການຄ້າ ຈະຮ່ວມມືກັບກະຊວງກະສິກຳ ແລະ ປ່າໄມ້ ເພື່ອຄວບຄຸມການນຳເຂົ້າສິນຄ້າທີ່ປະເທດ ລາວສາມາດຜະລິດໄດ້. ສອງກະຊວງກໍ່ເອກະພາບຫຼຸດຜ່ອນການສົ່ງອອກວັດຖຸດິບ ແລະ ຈັດແບ່ງແຫຼ່ງໃຫ້ບັນດາອຸດສາຫະກຳພາຍໃນປະເທດເພື່ອໜູນຊ່ວຍການສົ່ງອອກບັນດາລາຍການສິນຄ້າທີ່ມີມູນຄ່າສູງ.
 |
ອາຫານທີ່ຂາຍຢູ່ຕະຫຼາດຊຳເໜືອ, ແຂວງຫົວພັນ, ປະເທດລາວ. |
ນອກນີ້, ບັນດາກະຊວງ, ຂະແໜງການພ້ອມກັບອຳນາດການປົກຄອງທ້ອງຖິ່ນຂອງປະເທດລາວ ກໍ່ຈະວາງແຜນການຈັດງານຕະຫຼາດນັດ ເພື່ອແນໃສ່ຄຳໝັ້ນສັນຍາສ້າງແຜນການເຄື່ອນໄຫວລວມ.
ທ່ານນາງ ຈັນສຸກ ໃຫ້ຮູ້ວ່າ: ເພື່ອໜູນຊ່ວຍໃຫ້ຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ຂະໜາດກາງ (MSME) ຕື່ມອີກນັ້ນ, ກະຊວງອຸດສາຫະກຳ ແລະ ການຄ້າຂອງລາວ ຈະສະໜອງບ້ວງເງິນກູ້ຢືມບຸລິມະສິດດ້ວຍອັດຕາດອກເບ້ຍຕໍ່າ ແລະ ການຊ່ວຍເຫຼືອດ້ານເຕັກນິກ ເພື່ອຊ່ວຍໃຫ້ວິສາຫະກິດ MSME ຍົກສູງຄຸນນະພາບການຜະລິດ. ສິ່ງນີ້ຈະເຮັດໃຫ້ວິສາຫະກິດພາຍໃນປະເທດມີຄວາມອາດສາມາດແກ່ງແຍ່ງຢູ່ທັງຕະຫຼາດພາຍໃນປະເທດ ແລະ ສາກົນ, ຍ້ອນວ່າປັດຈຸບັນ ສປປ ລາວ ມີທະນາຄານການຄ້າ 8 ແຫ່ງ, ສະຖາບັນການເງິນຈຸລະພາກ 11 ແຫ່ງ ແລະ ກອງທຶນຮ່ວມມືຕາມສັນຍາ 2 ແຫ່ງ ເພື່ອສະໜອງເງິນກູ້ຢຶມໃຫ້ແກ່ MSME.
ພິເສດ, ກະຊວງອຸດສາຫະກຳ ແລະ ການຄ້າ ລາວ ຈະເພີ່ມທະວີການຮ່ວມມືກັບທະນາຄານແຫ່ງລັດ ລາວ ເພື່ອຈົດທະບຽນບັນດາວິສາຫະກິດນຳເຂົ້າ ແລະ ສົ່ງອອກທັງໝົດພາຍໃນ 6 ເດືອນຕໍ່ໜ້າ ແລະ ພັດທະນາພື້ນຖານຂໍ້ມູນສັງລວມກ່ຽວກັບຂ່າວສານນີ້ ເພື່ອສາມາດດັດສົມການຄ້າສອງສົ້ນພາຍໃນສອງສົ້ນໃຫ້ດີຂຶ້ນໃນອະນາຄົດ.
ດີງເລື້ອງ
