ສື່ມວນຊົນຈີນ ຕີລາຄາສູງການຢ້ຽມຢາມຂອງ ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ

00:00 | 26/07/2023

ຍສໝ - ຕາມສື່ມວນຊົນຈີນແລ້ວ, ການຢ້ຽມຢາມຈີນຢ່າງເປັນທາງການ ແລະ ການເຂົ້າຮ່ວມກອງປະຊຸມປະຈຳປີ ຄັ້ງທີ 14 ເວທີປາໄສເສດຖະກິດໂລກ (WEF) ຂອງທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ຈະປະກອບສ່ວນເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ ລະຫວ່າງສອງປະເທດ, ເພີ່ມທະວີການຮ່ວມມື ແລະ ການເຊື່ອມໂຍງເສດຖະກິດຢູ່ພາກພື້ນ, ນຳການພົວພັນລະຫວ່າງສອງປະເທດເຂົ້າສູ່ລວງເລິກ ແລະ ແທດຈິງ. Báo chí Trung Quốc đánh giá, chuyến thăm chính thức Trung Quốc và dự Hội nghị thường niên các nhà tiên phong lần thứ 14 của Diễn đàn Kinh tế Thế giới (WEF) của Thủ tướng Chính phủ Phạm Minh Chính sẽ góp phần củng cố sự tin cậy chính trị giữa hai nước, đẩy mạnh hội nhập kinh tế ở khu vực, đưa quan hệ hai nước đi vào chiều sâu, thiết thực.

	ທ່ານນາຍົກລັດຖະມົນຕີ ຟ້າມມິງຈິງ ໄດ້ໄປຢ້ຽມຢາມຈີນ ເພື່ອເຂົ້າຮ່ວມກອງປະຊຸມປະຈຳປີ ເວທີປາໄສເສດຖະກິດໂລກ (WEF)
	ຈີນຕີລາຄາສູງບົດບາດເປັນປະທານອາຊຽນຂອງຫວຽດນາມ

ເວັບໄຊ China Daily ໄດ້ລົງພິມບົດຄວາມທີ່ມີຫົວຂໍ້ວ່າ "ການຢ້ຽມຢາມຈີນ ຂອງ ທ່ານນາຍົກລັດຖະມົນຕີຫວຽດນາມ: ສືບຕໍ່ທ່ວງທ່າພັດທະນາທີ່ດີຂອງການພົວພັນລະຫວ່າງສອງປະເທດ, ນຳການຮ່ວມມືຍຸດທະສາດຮອບດ້ານເຂົ້າສູ່ລວງເລິກ ແລະ ແທດຈິງ", ເນັ້ນໜັກວ່າ ນີ້ແມ່ນການຢ້ຽມຢາມຈີນຢ່າງເປັນທາງການຄັ້ງທຳອິດ ຂອງທ່ານນາຍົກລັດຖະມົນຕີ ຟ້າມມິງຈິງ ແລະ ກໍ່ແມ່ນການຢ້ຽມຢາມຈີນຢ່າງເປັນທາງການຄັ້ງທຳອິດຂອງທ່ານນາຍົກລັດຖະມົນຕີ ຫວຽດນາມ ໃນຮອບ 7 ປີຜ່ານມາ, ສືບທອດການພົບປະແລກປ່ຽນຢ່າງເປັນປະຈຳລະຫວ່າງການນຳຂັ້ນສູງຂອງ 2 ພັກ ແລະ 2 ລັດ.

ບົດຂຽນໄດ້ຄັດສະເໜີຄຳເຫັນຂອງໂຄສົກກະຊວງການຕ່າງປະເທດຈີນ ທ່ານ ນາງ ໝາວໜິງ ຖືວ່າ: ຫວຽດນາມແມ່ນປະເທດບ້ານໃກ້ເຮືອນຄຽງສັງຄົມນິຍົມຂອງຈີນ, ໝາກຜົນຂອງການຢ້ຽມຢາມຈີນຢ່າງເປັນທາງການຂອງທ່ານເລຂາທິການໃຫຍ່ ຫງວຽນຟູ໋ຈ້ອງ ໃນທ້າຍປີກາຍນີ້ ໄດ້ເປີດໜ້າໃໝ່ໃຫ້ແກ່ການພົວພັນຄູ່ຮ່ວມມືຍຸດທະສາດຢ່າງຮອບດ້ານ ຈີນ-ຫວຽດນາມ ໃນຍຸກສະໄໝໃໝ່.

ສື່ມວນຊົນຈີນ ຕີລາຄາສູງການຢ້ຽມຢາມຂອງ ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ

ໜັງສືພິມ Shangguan (Shanghai Observer) ໄດ້ລົງພິມບົດຄວາມວິເຄາະຄວາມໝາຍຂອງການຢ້ຽມຢາມຈີນ ແລະ ການເຂົ້າຮ່ວມ WEF ຂອງທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ນາຍົກລັດຖະມົນຕີ 3 ປະເທດ, ຄື: Barbados, ມົງໂກລີ ແລະ ນິວຊີແລນ; ທ່ານກ່າວວ່າ ການຢ້ຽມຢາມຂອງການນຳລັດຖະບານ 4 ປະເທດໄດ້ສຸມໃສ່ຫົວຂໍ້ “ການພັດທະນາ” ໃນສະພາບການຟື້ນຕົວຂອງເສດຖະກິດໂລກຊັກຊ້າ, ເພື່ອແນໃສ່ຊອກຫາທິດທາງທີ່ເໝາະສົມໃນການຄຸ້ມຄອງບໍລິຫານເສດຖະກິດໂລກ, ນຳມາໃຫ້ໂລກເຊິ່ງຄວາມໝັ້ນແກ່ນ ໃນສະພາບທີ່ເຕັມໄປດ້ວຍຄວາມບໍ່ສະຫງົບ.

ກ່ຽວກັບການຢ້ຽມຢາມຂອງ ທ່ານນາຍົກລັດຖະມົນຕີ ຟ້າມມິງຈິງ, ໜັງສືພິມຫວຽດນາມ ແມ່ນປະເທດບ້ານໃກ້ເຮືອນຄຽງສັງຄົມນິຍົມຂອງຈີນ. ພາຍຫຼັງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 20 ຂອງພັກກອມມູນິດຈີນ, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟູ໋ຈ້ອງ ແມ່ນການນຳຕ່າງປະເທດຜູ້ທຳອິດທີ່ມາຢ້ຽມຢາມຈີນ.

ກ່ຽວກັບການເຂົ້າຮ່ວມກອງປະຊຸມປະຈຳປີຄັ້ງທີ 14 WEF (ຫຼືເອີ້ນວ່າເວທີປາໄສ ລະດູຮ້ອນ Davos), ນັກຊ່ຽວຊານຈີນກ່າວວ່າ ຫວຽດນາມ ແລະ Barbados, ມົງໂກລີ ແລະ ນິວຊີແລນ ສ່ວນຫຼາຍແມ່ນປະເທດຕັ້ງຢູ່ພາກພື້ນອາຊີ - ປາຊີຟິກ. ການເຂົ້າຮ່ວມຂອງການນຳລັດຖະບານບັນດາປະເທດອາຊີ-ປາຊີຟິກ ທີ່ແມ່ນພາກພື້ນແຖວໜ້າໃນການຟື້ນຟູເສດຖະກິດໃນປະຈຸບັນ, ການເຂົ້າຮ່ວມເວທີປາໄສ Davos ລະດູຮ້ອນ ຈະປະກອບສ່ວນຊອກຫາເສັ້ນທາງພັດທະນາເສດຖະກິດໃນຍຸກຫຼັງໂລກລະບາດ Covid-19, ຫັນປ່ຽນຄືນກຳລັງຜັກດັນການຂະຫຍາຍຕົວ, ສ້າງຄວາມຍືນຍົງ ແລະ ພະລັງງານຢ່າງຕັ້ງໜ້າໃຫ້ແກ່ພື້ນຖາານເສດຖະກິດທົ່ວໂລກ.