 |
ອ່າວຮ້າລອງ. (ພາບ: anninhthudo)
ພາລະກິດຂອງ ເຄື່ອງໝາຍ ມໍລະດົກໂລກ ທີ່ອົງການ UNESCO ຢັ້ງຢືນໃຫ້ແມ່ນເພື່ອກຳນົດ, ປົກປ້ອງ ແລະ ປົກປັກຮັກສາ ບັນດາມໍລະດົກທາງວັດທະນະທຳ ແລະ ທຳມະຊາດອັນມີຄຸນຄ່າຂອງໂລກ. ນັບແຕ່ມໍລະດົກ ທຳອິດໄດ້ຮັບການຢັ້ງຢືນ ບັນດາລາຍຊື່ສະຖານທີ່ທ່ອງທ່ຽວທາງທຳມະຊາດທີ່ຕ້ອງການ-ການປົກປ້ອງຈາກອົງການດັ່ງກ່າວນີ້ເພີ່ມຂື້ນເຖິງ 1.000 ແຫ່ງ.
ປະເທດອິດຕາລີ ແມ່ນປະເທດທີ່ມີມໍລະດົກທາງທຳມະຊາດ ທີ່ໄດ້ຮັບການຢັ້ງຢືນຈາກອົງການ UNESCO ຫຼາຍກວ່າໝູ່ ເຊິ່ງມີເຖິງ 54 ແຫ່ງ , ຮອງມາແມ່ນ ປະເທດຈີນມີ 53 ແຫ່ງ ແລະ ອັນດັບທີ 3 ແມ່ນ ປະເທດ ເອດສະປາຍ ມີ 47 ແຫ່ງ.
ລາຍຊື່ດັ່ງການຍັງຄົງສືບຕໍ່ເພີ່ມຂື້ນ ດ້ວຍບັນດາ ສະຖານທີ່ໃໝ່ໆ ທີ່ໄດ້ຮັບການຍອມຮັບຈາກ ອົງການ UNESCO ເຊິ່ງປະກອບມີ: ສາຍພູ Barberton Makhonjwa ຢູ່ ປະເທດ ອາບພະລິກກາໃຕ້ ແລະ Fanjingshan ຢູ່ປະເທດຈີນ.
ໃນຊຸມປີທີ່ຜ່ານມາ ການກໍ່ການຮ້າຍແລະ ບັນຫາກ່ຽວກັບສະພາບແວດລ້ອມ ໄດ້ນາບຄູ່ຕໍ່ສະຖານທີ່-ທີ່ເປັນມໍລະດົກໂລກ ສິ່ງດັ່ງກ່າວຮຽກຮ້ອງໃຫ້ຕ້ອງໄດ້ຈັດຕັ້ງປະຕິບັດມາດຕະການ ທີ່ສະຫຼາດສ່ອງໃສ ເພື່ອປົກປັກຮັກສາ ແລະ ບູລະນະ ປະຕິສັງຂອນ ສະຖານທີ່-ທີ່ເປັນມໍລະດົກດັ່ງກ່າວ.
ໃນລາຍຊື່ອັນຄົບຖ້ວນສົມບູນຂອງ ຢູເນດສະໂກ້ ປະກອບມີບັນດາດິນແດນທີ່ມີຊື່ສຽງ, ອາຄານ ແລະ ທັດສະນີຍະພາບ ອັນຮຸ່ງເຮືອງເຫຼືອງເຫຼື້ອມ. ສຳນັກຂ່າວ ຂອງອາເມລິກາໃນມໍ່ໆມານີ້ໄດ້ ປະກາດທ໋ອບ 100 ມໍລະດົກໂລກທີ່ງາມທີ່ສຸດໃນໂລກທີ່ ຢູເນດສະໂກ້ ຮັບຮອງປະກອບມີ ບັນດາ ສິ່ງມະຫະສະຈັນທາງທຳມະຊາດ ແລະ ຄົນສ້າງຂື້ນແຕ່ທົ່ວສາລະທິດຂອງໂລກ.
ດິນແດນທີ່ມີຊື່ສຽງ 3 ແຫ່ງ ອັນດັບຕົ້ນແມ່ນ : ອັງກໍວັດ ຢູ່ປະເທດ ກຳປູເຈຍ, ຮອງມາ ແມ່ນ ວຽນ, ອິດຕາລີ ແລະ ເກາະປະກາລັງ Great Barrier ຂອງ ປະເທດ ອ໋ອດສະເຕເລຍ.
ຫະລ໋ອງເບ ຫຼືວ່າ ອ່າວຫະລ໋ອງ ຂອງຫວຽດນາມ ແມ່ນຕິດຢູ່ໃນອັນດັບ ທີ 14 . ອີງຕາມແຫຼ່ງຂ່າວ News Week ຫະລ໋ອງ ນອນໃນອ່າວພາກເໜືອ ຫວຽດນາມ ປະກອບມີ: 1.600 ເກາະໃຫຍ່ນ້ອຍ ເສກສັນປັ້ນແຕ່ງມາເປັນທີວທັດທຳມະຊາດອັນສວຍສົດງົດງາມດ້ວຍພູຫີນປູນ. ຍ້ອນມີຄຸນລັກສະນະທຳມະຊາດ ແຕ່ລະເກາະແມ່ນບໍ່ມີຜູ້ຄົນອາໄສຢູ່ຄົນ ແລະ ບໍ່ໄດ້ຮັບຜົນສະທ້ອນ ຈາກການປະກົດດຕົວຂອງມະນຸດ. ຄວາມງາມອັນພັນລະນາບໍ່ໄດ້ຂອງສະຖານທີ່ດັ່ງກ່າວນີ້ ກໍ່ຖືກແຕ້ມແຕ່ງດ້ວຍຄຸນຄ່າທາງຊີວະວິທະຍາອັນເປັນເອກກະລັກ".
（ຫັດທະບູນ）
