| ທ່ານນາຍົກລັດຖະມົນຕີ ຟ້າມມິງຈິງ: ຫວຽດນາມ ຢຶດໝັ້ນກັບເປົ້າໝາຍການຄວບຄຸມໄພເງິນເຟີ້ ແລະ ສະຖຽນລະພາບເສດຖະກິດມະຫາພາກ | |
| ສາກົນຕີລາຄາສູງຄວາມມານະພະຍາຍາມຄວບຄຸມໄພເງິນເຟີ້ຂອງ ຫວຽດນາມ |
ອີງຕາມຂ່າວສື່ມວນຊົນລາວ, ເຖິງວ່າດັດຊະນີເງິນເຟີ້ຂອງລາວໄດ້ຫຼຸດລົງເປັນເວລາ 4 ເດືອນຕິດຕໍ່ກັນ, ແຕ່ອັດຕາເງິນເຟີ້ນີ້ຍັງຢູ່ໃນລະດັບສູງເຊິ່ງເຮັດໃຫ້ລາຍຮັບຕົວຈິງຂອງບັນດາຄອບຄົວຫຼຸດລົງ, ສົ່ງຜົນກະທົບຕໍ່ການບໍລິໂພກ ແລະ ການລົງທຶນ.
 |
|
|
ເລື່ອງເງິນກີບອ່ອນຄ່າຍັງສືບຕໍ່ເປັນໜຶ່ງໃນປັດໄຈເຮັດໃຫ້ເງິນເຟີ້ໃນສະພາບການໜຶ່ງສ່ວນສາມຈຳນວນສິນຄ້າທີ່ໃຊ້ໃນການຄິດໄລ່ການຂຶ້ນລາຄາໃນລາວແມ່ນເຄື່ອງນຳເຂົ້າ. ໃນເດືອນພຶດສະພາ 2023, ລາຄາອາຫານ ແລະ ເຄື່ອງດື່ມທີ່ບໍ່ມີແອວກໍຮໍເພີ່ມຂຶ້ນ 52,69%, ໃນຂະນະທີ່ຄ່າຢາ ແລະ ການເບິ່ງແຍງດູແລສຸຂະພາບເພີ່ມຂຶ້ນ 40,78%; ລາຄາບໍລິການໂຮງແຮມ ແລະ ຮ້ານອາຫານ ເພີ່ມຂຶ້ນ 37,4% ເຮັດໃຫ້ຄ່າໃຊ້ຈ່າຍໃນເຮືອນ, ໄຟຟ້າ, ແກັສກໍ່ເພີ່ມຂຶ້ນ.....
ເຖິງວ່າລັດຖະບານລາວ ໄດ້ພະຍາຍາມສະກັດກັ້ນການເພີ່ມຂຶ້ນຂອງລາຄາສິນຄ້າ ແລະ ການບໍລິການກໍ່ຕາມ, ແຕ່ອັດຕາເງິນເຟີ້ຂອງປະເທດໃນເດືອນພຶດສະພາປີ 2022 ໄດ້ຮັບຮູ້ແມ່ນ 12,81% ກ່ອນທີ່ຈະເພີ່ມຂຶ້ນເປັນ 23,61% ໃນເດືອນກໍລະກົດ, 25,62% ໃນເດືອນກຸມພາ ປີ 2023, ອັດຕາເງິນເຟີ້ໄດ້ເພີ່ມຂຶ້ນເປັນ 41.3% ກ່ອນທີ່ຈະເລີ່ມຫຼຸດລົງເລັກນ້ອຍໃນເດືອນທີ່ຜ່ານມາ.
ເພື່ອຕອບສະໜອງກັບອັດຕາເງິນເຟີ້ສູງ, ວັນທີ 1 ມິຖຸນານີ້, ທະນາຄານແຫ່ງລັດລາວໄດ້ສ້າງຕັ້ງຫ້ອງການຮັບຜິດຊອບໃໝ່ເພື່ອດັດສົມເງິນຕາຕ່າງປະເທດ, ຫົວໜ່ວຍ ນີ້ມີຄວາມຮັບຜິດຊອບໃນການຕິດຕາມກະແສຂອງເງິນຕາຕ່າງປະເທດເຂົ້າ ແລະ ອອກ, ແລະ ຊຸກຍູ້ໃຫ້ມີການນຳໃຊ້ເງິນກີບໃຫ້ກວ້າງຂວາງ.
ໂດຍບໍ່ຫົວຊາສະພາບການເງິນເຟີ້ຍັງຢູ່ໃນລະດັບສູງ, ວົງການເຈົ້າໜ້າທີ່ເສດຖະກິດຂອງລາວກໍ່ເຫັນແງ່ດີກ່ຽວກັບ ຄວາມເປັນໄປໄດ້ໃນການຟື້ນຟູເສຖກິດພໍສົມຄວນ, ໂດຍເວົ້າວ່າປີນີ້ປະເທດລາວຍັງສາມາດເຕີບໂຕໃນລະດັບ 4.5%. ວົງການນັກສັງເກດການສາກົນຍັງເຫັນດີກັບຖະແຫຼງການກ່ຽວກັບຄວາມເປັນໄປໄດ້ຂອງການກັບຄືນສູ່ໄລຍະການຂະຫຍາຍຕົວຂອງເສດຖະກິດລາວ. ແຕ່ວ່າ, ກອງທຶນເງິນຕາສາກົນ (IMF) ແລະ ທະນາຄານໂລກ (WB) ກໍ່ສະແດງລະມັດລະວັງ, ຖືວ່າ ຂອບຂະໜາດຂອງໜີ້ສິນສາທາລະນະ ແລະ ໜີ້ຕ່າງປະເທດຂອງລາວ ກຳລັງມີຄວາມສ່ຽງພໍສົມຄວນຕໍ່ແງ່ຫວັງນີ້.
ດີງເລື້ອງ
