| ນະຄອນ ໂຮ່ຈີມິນ ໃຕ້ໄຟ LED 500,000 ດອກ ຢູ່ສວນສາທາລະນະ ເບັ້ນແບກດັ່ງ | |
| ແນະນຳຄວາມສາມາດບົ່ມຊ້ອນ ແລະ ທ່າໄດ້ປຽບຂອງຝຸອຽນ ໃຫ້ບັນດາຄູ່ຮ່ວມມືຍີ່ປຸ່ນ |
ກ່າວຄຳເຫັນທີ່ການພົບປະ, ທ່ານເອກອັກຄະລັດຖະທູດ ຟ້າມກວາງຫ້ຽວ ໄດ້ຕີລາຄາສູງບັນດາຂີດໝາຍ ແລະ ການເຄື່ອນໄຫວຂອງຊາວຫວຽດນາມໃນຫຼາຍລຸ້ນຄົນ ທີ່ໄດ້ເລືອກເອົາ ຍີ່ປຸ່ນ ເປັນຈຸດໝາຍປາຍທາງຂອງການສຶກສາ, ຄົ້ນຄວ້າ ແລະ ພັດທະນາອາຊີບ. ຈາກການເຄື່ອນໄຫວໃນຕົ້ນສະຕະວັດທີ 20 ທີ່ຕິດພັນກັບຊື່ສຽງຂອງນັກປະຕິວັດ ຟານໂບ້ຍເຈົາ, ມາເຖິງລຸ້ນນັກຮຽນຫວຽດນາມ ທີ່ໄປຮ່ຳຮຽນຢູ່ຍີ່ປຸ່ນໃນຊຸມປີ 1960 – 1970, ໃນນັ້ນມີຫຼາຍຄົນປະສົບຜົນສຳເລັດ ແລະ ມີຊື່ສຽງໃນປະເທດຍີ່ປຸ່ນ, ຄື ສາດສະດາຈານ ເຈີນວັນເຖາະ, ແລະ ຜູ້ປະດິດສ້າງເຄື່ອງລະບາຍອາກາດ, ທ່ານ ເຈີນຫງອກຟູກ ປະທານບໍລິສັດ Metran.
 |
ນັບແຕ່ປີ 2000 ມາຮອດປະຈຸບັນ, ຈຳນວນນັກສຶກສາ ເວົ້າລວມ ແລະ ປະຊາຄົມຊາວຫວຽດນາມ ໄດ້ເພີ່ມຂຶ້ນຢ່າງຕໍ່ເນື່ອງໃນຊຸມປີມໍ່ໆມານີ້, ປະຈຸບັນບັນລຸເກືອບ 500.000 ຄົນ, ກາຍເປັນປະຊາຄົມຊາວຕ່າງປະເທດໃຫຍ່ອັນດັບ 2 ຢູ່ ຍີ່ປຸ່ນ.
ຄຽງຄູ່ກັບກຳລັງປັນຍາຊົນໜຸ່ມ, ນັກທຸລະກິດເລີ່ມຕົ້ນທຸລະກິດ ແລະ ນັກສຶກສາທີ່ໄປຮຽນຢູ່ຕ່າງປະເທດຫຼາຍຄົນ ທີ່ພວມມີບົດບາດນຳໜ້າ ໃນການພັດທະນາປະຊາຄົມຊາວ ຫວຽດນາມ ຢູ່ ຍີ່ປຸ່ນ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ-ສັງຄົມ, ກາຍເປັນຂົວຕໍ່ການຮ່ວມມືືມິດຕະພາບລະຫວ່າງສອງປະເທດ.
 |
ທ່ານເອກອັກຄະລັດຖະທູດ ຟ້າມກວາງຫ້ຽວ ຢືນຢັນວ່າ ພັກ ແລະ ລັດຂອງພວກເຮົາ ຍາມໃດກໍ່ເອົາໃຈໃສ່ເປັນພິເສດ ແລະ ປະກາດໃຊ້ຫຼາຍແຜນນະໂຍບາຍ, ນະໂຍບາຍຕໍ່ຊາວຫວຽດນາມ ອາໄສຢູ່ຕ່າງປະເທດ, ເຊີ່ງແມ່ນພາກສ່ວນສຳຄັນທີ່ບໍ່ສາມາດຕັດແຍກອອກຂອງປະຊາຄົມບັນດາເຜົ່າຫວຽດນາມ; ແມ່ນແຫຼ່ງຊັບພະຍາກອນສຳຄັນ ທີ່ປະກອບສ່ວນເຂົ້າໃນການຫັນເປັນອຸດສາຫະກຳ, ທັນສະໄໝຂອງປະເທດ ແລະ ເຊື່ອມໂຍງເຂົ້າກັບສາກົນ. ເຖິງວ່າຢູ່ຫ່າງໄກຈາກປະເທດກໍ່ຕາມ, ແຕ່ຜົນສຳເລັດຂອງປະຊາຄົມຊາວ ຫວຽດນາມ ກໍ່ຄືຜົນສຳເລັດຂອງຫວຽດນາມ, ໄດ້ປະກອບສ່ວນຍົກສູງທີ່ຕັ້ງຂອງ ຫວຽດນາມ ໃນເວທີສາກົນ.
ຄຳຮຸ່ງ
