ກິດຈະກຳນີ້ແມ່ນດຳເນີນໄປໃນຂອບເຂດການພົບປະກັນລະຫວ່າງ ບັນດາພັນລະຍາຂອງທ່ານເອກອັກຄະລັດຖະທູດ ແລະ ບັນດາປະເທດສະມາຊິກຂອງອາຊຽນ ໂດຍຫວຽດນາມເປັນເຈົ້າພາບຈັດຂື້ນ.
 |
ທ່ານນາງ ຟ້າມທິຮົ່ງລຽນ ພັນລະຍາຂອງ ທ່ານເອກອັກຄະລັດຖະທູດ ປະຈຳມາເລເຊຍ ກ່າວຄຳປາໄສ.
ທີ່ກອງປະຊຸມພົບປະ ທ່ານນາງ ຟ້າມທິຮົ່ງລຽນ ພັນລະຍາຂອງ ທ່ານເອກອັກຄະລັດຖະທູດ ເລກຸ໋ຍກວິ່ງ ໄດ້ແນະນຳ ກ່ຽວກັບວັດທະນະທຳ ຮີດຄອງປະເພນີ ຂອງຫວຽດນາມ ເປັນຕົ້ນແມ່ນ: ບົດເພງພື້ນບ້ານ ລຳກວານເຮາະ, ຮູບພາບພື້ນບ້ານ ດົງໂຮ່ ກໍ່ຄື ບັນດາສິນຄ້າ ພາບຄັດສີ ເຮັດດ້ວຍມື ອັນປານີດຂອງນັກສິລະປິນຫວຽດນາມ.
 |
ແນະນຳສິນຄ້າອັນເກົ່າແກ່ດ້ານວັດທະນະທຳໃຫ້ແກ່ ເພື່ອນບ້ານ ອາຊຽນ.
ພາຍຫຼັງ ບັນດາພັນລະຍາທ່ານທູດ ແລະ ບັນດາປະເທດສະມາຊິກ ອາຊຽນ ໄດ້ຮັບຊົມລາຍການສິນລະປະ ອັນເປັນເອກກະລັກຄື: ຫວຽດນາມ- ບ້ານເກີດເມືອງນອນຂອງຂ້ອຍ; ບັນດານັກສະແດງຈາກບ້ານເກີດຂອງ ລຳກວານເຮາະ; ກັບມາຢ້ຽມບ້ານເກີດ… ລາຍການສະແດງ ໃນຊຸດເຄື່ອງຍາວ(ອ໋າວຢ່າຍ) ອັນເກົ່າແກ່ ແລະ ຊຸດຕື໋ເທິນ(ເຄື່ອງນຸ່ງແບບເກົ່າຫວຽດນາມ)ຮ່ວມກັບກຸ໋ບ ໂດຍພັນລະຍາຜູ້ຕ່າງໜ້າອົງການຫວຽດນາມ ຢູ່ ມາເລເຊຍ ສະແດງ ແລະ ໄດ້ຮັບການຕົບມືເຊຍຢ່າງຟົດຟື້ນ ແລະ ໄດ້ຮັບການຍ້ອງຍໍຈາກເພື່ອນມິດໃນ ອາຊຽນ.
 |
ການສະແດງສິນລະປະພື້ນບ້ານໃຫ້ແກ່ເພື່ອນບ້ານອາຊຽນ.
ແລະໃນໂອກາດນີ້ ທາງຫວຽດນາມຍັງໄດ້ແນະນຳກ່ຽວກັບ ວັດທະນະທຳການກິນອາຫານຂອງ ຫວຽດນາມນຳອີກ. ແຂກເພື່ອນບ້ານຫຼາຍຄົນຕ້ອງໄດ້ເຂົ້າແຖວຍາວເພື່ອຈະລອງຊີມບັນດາອາຫານ ແຊບ ແລະ ປານີດ, ຕົກແຕ່ງຢ່າງອະລັງການ ຄື: ພັນມ້ຽງ, ສົ້ມໝູທອດ, ເຝີງົວ. ນອກຈາກນີ້ ເພື່ອນບ້ານອາຊຽນ ຍັງໄດ້ຮັບການແນະນຳວິທີເຮັດ ວຸ້ນໝໍ້ນ້ອຍດ້ວຍຕົນເອງ ໂດຍສະເພາະແມ່ນຈະເຮັດອອກມາໄດ້ໃນຮູບຮ່າງລັກສະນະທີ່ແຕກຕ່າງກັນ.
（ຫັດທະບູນ）
