| ລາວສ້າງຄວາມມຸ່ງຫວັງກ່ຽວກັບໄຟຟ້າແຮງລົມເພື່ອຫຼຸດຜ່ອນການຂຶ້ນກັບໄຟຟ້ານ້ຳຕົກ | |
| ຫຼາຍອົງການຈັດຕັ້ງສາກົນມີຄວາມຫວັງຕໍ່ເສດຖະກິດຫວຽດນາມ |
 |
| ທ່ານປະທານປະເທດຫວຽດນາມ ຫວໍວັນເຖືອງ ໄດ້ໃຫ້ການຕ້ອນຮັບ ພະມະເຫສີ ແບນຊິກ Mathilde, ປະທານກິດຕິມະສັກ ກອງທຶນສະຫະປະຊາຊາດເພື່ອເດັກນ້ອຍ (UNICEF) ແບນຊິກ (ພາບ: TTXVN) |
ຕອນບ່າຍວັນທີ 9 ພຶດສະພາ, ຢູ່ສຳນັກງານປະທານປະເທດ, ທ່ານປະທານປະເທດຫວຽດນາມ ວໍ້ວັນເຖືອງໄດ້ໃຫ້ການຕ້ອນຮັບ ພະມະເຫສີ ແບນຊິກ Mathilde , ປະທານກິຕິມະສັກ ກອງທຶນສະຫະປະຊາຊາດເພື່ອເດັກນ້ອຍ (UNICEF) ແບນຊິກ ຊຶ່ງພວມຢ້ຽມຢາມຫວຽດນາມ, ທ່ານປະທານປະເທດຫວຽດນາມ ຫວໍວັນເຖືອງ ຢືນຢັນວ່າ: ຍາມໃດຫວຽດນາມ ກໍຖື ແບນຊິກ ແມ່ນຄູ່ຮ່ວມມືສຳຄັນຂອງສະຫະພາບ ເອີລົບ (ອີຢູ) ແລະ ປາດຖະໜາຢາກເພີ່ມທະວີການພົວພັນລະຫວ່າງ ຫວຽດນາມ - ແບນຊິກ, ພິເສດແມ່ນໃນຂົງເຂດເສດຖະກິດ, ການຄ້າ, ການລົງທຶນ, ກະສິກຳເຕັກໂນໂລຊີສູງ, ການຮັບມືຕໍ່ການປ່ຽນແປງຂອງດິນຟ້າອາກາດ, ການປົກປັກຮັກສາສິ່ງແວດລ້ອມ.
ທ່ານປະທານປະເທດ ສະແດງຄວາມດີໃຈເມື່ອເຫັນການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືອັນດີງາມລະຫວ່າງສອງປະເທດ ສືບຕໍ່ມີການພັດທະນາຢ່າງຕັ້ງໜ້າ. ສອງຝ່າຍໄດ້ຮັກສາການແລກປ່ຽນຄະນະຜູ້ແທນ ແລະ ພົບປະກັນລະຫວ່າງການນຳທຸກຂັ້ນ. ການພົວພັນດ້ານເສດຖະກິດ, ການຄ້າ, ການລົງທຶນສອງຝ່າຍ ບັນລຸໄດ້ບັນດາບາດກ້າວພັດທະນາກະໂດດຂັ້ນ.
ບົນພື້ນຖານການພົວພັນອັນດີງາມລະຫວ່າງສອງປະເທດ, ໂດຍຜ່ານ ພະມະເຫສີ ແບນຊິກ Mathilde ທ່ານປະທານປະເທດ ຫວໍວັນເຖືອງ ໄດ້ເປັນກຽດເຊື້ອເຊີນກະສັດ Philippe ແລະ ພະມະເຫສີ ແບນຊິກ Mathilde ມາຢ້ຽມຢາມ ຫວຽດນາມ ໃນໄລຍະໄວໆນີ້ ເພື່ອສອງຝ່າຍພ້ອມກັນແລກປ່ຽນບັນດາມາດຕະການເປີດກວ້າງ ແລະ ເຮັດໃຫ້ການພົວພັນຮ່ວມມືໃນທຸກຂົງເຂດເລິກເຊິ່ງຂຶ້ນຕື່ມ.
ທ່ານປະທານປະເທດ ປາດຖະໜາວ່າ ແບນຊິກ ແລະ UNICEF ຈະສືບຕໍ່ຮ່ວມມື ແລະ ໜູນຊ່ວຍ ຫວຽດນາມ ໃນການປະຕິບັດບັນດາໂຄງການໃນການເບີ່ງແຍງ ແລະ ປົກປ້ອງເດັກ, ນັບທັງການສ້າງນະໂຍບາຍ ນິຕິກຳ ແລະ ນັບທັງແຫຼ່ງເງິນລົງທຶນໃນບັນດາພື້ນຖານດ້ານວັດຖຸໃນຂົງເຂດການແພດ ແລະ ການສຶກສາ.
ສ່ວນພະມະເຫສີ ແບນຊິກ Mathilde ໄດ້ສະແດງຄວາມຂອບອົກຂອບໃຈຕໍ່ທ່ານປະທານປະເທດ ຫວໍວັນເຖືອງ ທີ່ສະຫຼະເວລາໃຫ້ການຕ້ອນຮັບຄະນະ, ທ່ານແບ່ງປັນຄວາມຮູ້ສຶກດີໃຈທີ່ຈະໄດ້ເດີນທາງໄປລາວກາຍ ໃນໄລຍະຈະມາເຖິງ ເພື່ອມີໂອກາດເຫັນປະຈັກຕາໝາກຜົນທີ່ພົ້ນເດັ່ນຂອງບັນດາຮາກຖານເບິ່ງແຍງດູແລເດັກນ້ອຍຢູ່ ຫວຽດນາມ, ຜົນສຳເລັດຂອງຫວຽດນາມ ໃນວິວັດຂະບວນການພັດທະນາແບບຍືນຍົງ, ພ້ອມທັງຊອກຮູ້ບັນດາຄວາມຫຍຸ້ງຍາກຂອງ ຫວຽດນາມ ໃນຂົງເຂດເບິ່ງແຍງດູແລ, ປົກປ້ອງສຸຂະພາບຂອງເດັກນ້ອຍ, ເປັນຕົ້ນແມ່ນບັນດາບັນຫາກ່ຽວກັບການສຶກສາ, ໂພຊະນາການ ແລະ ສຸຂະພາບທາງດ້ານຈິດໃຈ.
ບຸນຄົງ
