| ຮັດແໜ້ນ, ປັບປຸງສາຍພົວພັນມິດຕະພາບ, ຄວາມສາມັກຄີລະຫວ່າງສອງແຂວງອັດຕະປື (ລາວ) ແລະ ແຂວງ ເທື່ອທຽນເຫ້ວ (ຫວຽດນາມ). | |
| VSIP ຮ່ວມມືກັບ 9 ແຂວງ, ນະຄອນ ເພື່ອພັດທະນາສວນອຸດສາຫະກຳສະຫຼາດ |
 |
| ຕຳຫຼວດແຂວງເທື່ອທຽນເຫ້ວ ໄປຢ້ຽມຢາມ ແລະ ອວຍພອນຕຳຫຼວດ 4 ແຂວງໃນລາວ ເນື່ອງໃນໂອກາດປີໃໝ່ລາວ (ພາບ: thuathienhue.gov.vn) |
ໃນລະຫວ່າງວັນທີ 10-13 ເມສາ, ຄະນະຜູ້ແທນຕຳຫຼວດ ແຂວງ ເທື່ອທຽນເຫວ້ ໂດຍທ່ານ ພັນເອກ ຫງວຽນແທ່ງຕ໋ວນ, ກຳມະການປະຈຳການຄະນະພັກແຂວງ, ຫົວໜ້າຕຳຫຼວດແຂວງເທື່ອທຽນເຫວ້ ນຳໜ້າຄະນະໄດ້ມີການຢ້ຽມຢາມ ແລະ ອວຍພອນປີໃໝ່ຕຳຫຼວດ 4 ແຂວງຄື: ແຂວງ ສະຫວັນນາເຂດ, ແຂວງຈໍາປາສັກ, ແຂວງເຊກອງ ແລະ ແຂວງສາລະວັນ ເນື່ອງໃນໂອກາດບຸນປີໃໝ່ລາວ ປີ 2023.
ຢູ່ 4 ແຂວງທີ່ໄປຢ້ຽມຢາມ ແລະ ອວຍພອນ, ທ່ານພັນເອກ ຫງວຽນແທ່ງຕ໋ວນ, ຫົວໜ້າຕຳຫຼວດແຂວງ ເທື່ອທຽນເຫ້ວ ໄດ້ສົ່ງຄຳອວຍພອນເຖິງຄະນະການນຳ, ຜູ້ບັນຊາການ, ພະນັກງານ, ນັກຮົບທຸກຖ້ວນໜ້າ ແລະ ຄອບຄົວ ປີໃໝ່ຈົ່ງມີສຸຂະພາບເຂັ້ມແຂງ, ມີຄວາມຜາສຸກ, ປະສົບຜົນສຳເລັດ, ອວຍພອນຄວາມສາມັກຄີລະຫວ່າງຕຳຫຼວດບັນດາແຂວງຂອງລາວ ແລະ ຕຳຫຼວດເທື່ອທຽວເຫ້ວ ນັບມື້ນັບສະໜິດຕິດພັນ ແລະ ພັດທະນາ, ຍືນຍົງຄົງຕົວຊົ່ວກາລະນານ.
ທ່ານຫົວໜ້າຕຳຫຼວດແຂວງເທື່ອທຽນເຫ້ວ ກໍ່ສະແດງຄວາມຊົມເຊີຍບັນດາຜົນສຳເລັດ ແລະ ໝາກຜົນທີ່ຕຳຫຼວດບັນດາແຂວງລາວ ຍາດມາໄດ້ໃນໄລຍະຜ່ານມາໃນການຮັບປະກັນຄວາມປອດໄພ, ຄວາມເປັນລະບຽບຮຽບຮ້ອຍ ແລະ ບຽກງານການຕ່າງປະເທດ, ກໍ່ຄືການແລກປ່ຽນ, ແບ່ງປັນຂໍ້ມູນ, ສະພາບການທີ່ກ່ຽວຂ້ອງເຖິງຄວາມໝັ້ນຄົງ, ເປັນລະບຽບຮຽບຮ້ອຍຢູ່ເຂດຊາຍແດນຢ່າງທັນການ ແລະ ຕ້ານອາດຊະຍາກຳຢາເສບຕິດຢ່າງມີປະສິດທິຜົນ.
ທ່າມກາງບັນຍາກາດທີ່ເຂັ້ມຂຸ້ມໄປດ້ວຍນ້ຳໃຈມິດຕະພາບ, ຄວາມສາມັກຄີ, ເບີກບານມ່ວນຊື່ນຕ້ອນຮັບບຸນປີໃໝ່ລາວ 2023, ຄະນະປະຕິບັດງານຕຳຫຼາດແຂວງເທື່ອທຽນເຫ້ວ ກໍ່ໄດ້ມາຢ້ຽມຢາມເຂົ້າຢ້ຽມຂ່ຳນັບບັນດາສະຫາຍການນຳແຂວງ ຂອງ 4 ແຂວງດັ່ງກ່າວ.
ບຸນຄົງ
