 |
| ສື່ມວນຊົນລາວ ຕີລາຄາສູງຄວາມໝາຍຄວາມສຳຄັນຂອງການຢ້ຽມຢາມຂອງສະຫາຍ ຫວູວັນເຖືອງ ໃນຖານະເປັນປະທານປະເທດ ຫວຽດນາມ (ພາບ: baolangson.vn) |
ວັນທີ 11 ເມສານີ້, ໜັງສືພິມໃຫຍ່ຂອງລາວ ໄດ້ພ້ອມກັນລົງພິມບົດບົດຂຽນໂດຍຢືນຢັນວ່າ ການຢ້ຽມຢາມລາວຢ່າງເປັນທາງການຂອງສະຫາຍ ຫວໍວັນເຖືອງ ແລະ ຄະນະຜູ້ແທນຂັ້ນສູງຫວຽດນາມ ໄດ້ປະກອບສ່ວນນຳການພົວພັນລະຫວ່າງສອງປະເທດໃຫ້ນັບມື້ນັບພັດທະນາ, ເຂົ້າສູ່ເລິກເຊິ່ງ, ແທດຈິງ ແລະ ມີປະສິດທິຜົນ, ຕອບສະໜອງຄວາມມຸ່ງມາດປາຖະໜາຂອງປະຊາຊົນສອງປະເທດ, ເພື່ອສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຢູ່ພາກພື້ນ ແລະ ໃນໂລກ.
ໜັງສືພິມ Pasaxon, ອົງການກະບອກສຽງຂອງສູນກາງພັກປະຊາຊົນປະຕິວັດລາວ ໄດ້ລົງພິມບົດຂຽນ ຊີ້ແຈ້ງວ່າ ໂດຍໄດ້ຮັບຄຳເຊີນຂອງ ສະຫາຍ ເລຂາທິການໃຫຍ່ ຄະນະບໍລິຫານງານສູນກາງພັກ ປະຊາຊົນ ປະຕິວັດລາວ, ປະທານປະເທດ ແຫ່ງ ສປປ ລາວ ທອງລຸນ ສີສຸລິດ, ສະຫາຍ ຫວໍວັນເຖືອງ, ປະທານປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ແລະ ຄະນະຜູ້ແທນຂັ້ນສູງ ໄດ້ມາຢ້ຽມຢາມ ສປປ ລາວ ຢ່າງເປັນທາງການ ໃນລະຫວ່າງວັນທີ 10-11 ເມສາ ເພື່ອແນໃສ່ຮັດແໜ້ນ ແລະ ເສີມຂະຫຍາຍສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລາວ-ຫວຽດນາມ.
ໂດຍເນັ້ນໜັກວ່າ ນີ້ແມ່ນການຢ້ຽມຢາມຕ່າງປະເທດຢ່າງເປັນທາງການຄັ້ງທຳອິດຂອງສະຫາຍ ຫວໍວັນເຖືອງ ໃນຖານະເປັນປະທານປະເທດ, ບົດຂຽນຢືນຢັນວ່າ ການຢ້ຽມຢາມຄັ້ງນີ້ສະແດງໃຫ້ເຫັນວ່າ ຫວຽດນາມ ຍາມໃດກໍ່ຖືເປັນສຳຄັນການພັດທະນາສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານກັບລາວ.
ບຸນຄົງ
