| ກວ໋າງນາມ ຕ້ອນຮັບຄະນະຜູ້ແທນຂັ້ນສູງສະຫະພັນແມ່ຍິງລາວ | |
| ພິທີມອບ-ຮັບອຸປະກອນການແພດ ໃຫ້ສະຫະພັນແມ່ຍິງ ແລະກອງບັນຊາການທະຫານຊາຍແດນແຂວງຫົວພັນ ລາວ |
ໃນຂອບເຂດການຢ້ຽມຢາມ ແລະ ເຮັດວຽກຢູ່ລາວ, ໃນຕອນເຊົ້າວັນທີ 4 ເມສາ, ທ່ານນາງປະທານສະຫະພັນແມ່ຍິງຫວຽດນາມ ຮ່າທິຫງາ ພ້ອມດ້ວຍຄະນະ ໄດ້ເຂົ້າຢ້ຽມຂ່ຳນັບ ທ່ານນາງ ປານີ ຢາທໍ່ຕູ້ - ຮອງປະທານປະເທດລາວ.
ທ່ານປະທານສະຫະພັນແມ່ຍິງຫວຽດນາມ ໄດ້ສະແດງຄວາມຂອບໃຈຢ່າງຈິງໃຈ ຕໍ່ທ່ານນາງຮອງປະທານປະເທດລາວ ທີ່ໄດ້ສະຫລະເວລາມາຕ້ອນຮັບຄະນະ; ຂອບໃຈບັນດາການນຳຂອງພັກ ແລະ ລັດລາວ, ໃນນັ້ນມີທ່ານນາງຮອງປະທານປະເທດ ປານີ ຢາທໍ່ຕູ້ ທີ່ໄດ້ສ້າງເງື່ອນໄຂສະດວກ ແລະ ໜູນຊ່ວຍໃຫ້ແກ່ແມ່ຍິງ 2 ປະເທດ; ປາດຖະໜາວ່າ ໃນໄລຍະຈະມາເຖິງ ຈະສືບຕໍ່ໄດ້ຮັບການຊີ້ນຳ, ໜູນຊ່ວຍເພື່ອໃຫ້ສະມາຄົມແມ່ຍິງ 2 ປະເທດ ຫວຽດນາມ ແລະ ລາວ ປະຕິບັດຂໍ້ຕົກລົງ ໄລຍະ 2023 – 2027 ທີ່ສອງຝ່າຍໄດ້ລົງນາມໃຫ້ເປັນຢ່າງດີ.
 |
ສ່ວນທ່ານນາງຮອງປະທານປະເທດລາວ ປານີ ຢາທໍ່ຕູ້ ໄດ້ສະແດງຄວາມຊົມເຊີຍ ແລະ ຕີລາຄາສູງໝາກຜົນການພົບປະເຈລະຈາລະຫວ່າງສະຫະພັນແມ່ຍິງ 2 ປະເທດ ແລະ ເນັ້ນໜັກວ່າ: ໃນໄລຍະສົງຄາມ, ແມ່ຍິງລາວ ແລະ ຫວຽດນາມ ຍາມໃດກໍ່ຄຽງບ່າຄຽງໄຫຼ່, ແບ່ງທຸກແບ່ງສຸກ ເພື່ອສັນຕິພາບ ແລະ ເອກະລາດຂອງສອງປະເທດ. ພາຍຫຼັງປີ 1975 ແລະ ມາຮອດປະຈຸບັນ, ແມ່ຍິງສອງປະເທດໄດ້ສືບຕໍ່ຊ່ວຍເຫຼືອ, ສະໜັບສະໜູນເຊິ່ງກັນ ແລະ ກັນ, ເພີ່ມທະວີການພົວພັນໃນທຸກຂົງເຂດ, ສະໜັບສະໜູນເຊິ່ງກັນ ແລະ ກັນຢູ່ບັນດາເວທີປາໄສພາກພື້ນ ແລະ ສາກົນ.
ທ່ານນາງ ປານີ ຢາທໍ່ຕູ້ ຕີລາຄາວ່າ ແມ່ຍິງຫວຽດນາມ ມີຮູບການດຳເນີນທຸລະກິດທີ່ຫຼາກຫຼາຍ ແລະ ປະສົບຜົນສຳເລັດ, ຕາມນັ້ນແລ້ວ ທ່ານນາງ ປານີ ຢາທໍ່ຕູ້ ປາດຖະໜາວ່າ ສະຫະພັນແມ່ຍິງ ຫວຽດນາມ ຈະສືບຕໍ່ເພີ່ມທະວີ ແລະ ເປີດກວ້າງການຮ່ວມມືໜູນຊ່ວຍໃນການບຳລຸງສ້າງແມ່ຍິງຢູ່ຂັ້ນເມືອງ ແລະ ແຂວງ ເພື່ອໃຫ້ແມ່ຍິງລາວ ມີຄວາມກ້າວໜ້າໃນວຽກງານຂອງແມ່ຍິງ ແລະ ຍັງເຮັດທຸລະກິດເກັ່ງ, ສ້າງຄວາມຮັ່ງມີໃຫ້ຕົນເອງ, ຄອບຄົວ ແລະ ສັງຄົມ.
ກ່ອນໜ້ານັ້ນ, ຕອນເຊົ້າວັນທີ 4 ເມສາ, ຄະນະຜູ້ແທນສະຫະພັນແມ່ຍິງຫວຽດນາມ ໂດຍທ່ານນາງ ຮ່າທິຫງາ ໄດ້ມີການເຈລະຈາກັບຄະນະຜູ້ແທນສະຫະພັນແມ່ຍິງລາວ ໂດຍທ່ານນາງ ອິນລາວັນ ແກ້ວບຸນພັນ ປະທານສະຫະພັນແມ່ຍິງລາວ ນຳໜ້າຄະນະ.
ຄຳຮຸ່ງ
