| ທ່ານຮອງປະທານສະພາແຫ່ງຊາດ ເຈີ່ນແທັງເໝິນ ພົບປະກັບການນຳ IPU ແລະ ສະພາແຫ່ງຊາດ ລາວ | |
| ພັດທະນາການພົວພັນອັນດີງາມລະຫວ່າງສອງສະພາແຫ່ງຊາດ ຫວຽດນາມ - ສ.ເກົາຫຼີ |
ຕອນເຊົ້າວັນທີ 27 ມີນາ, ຢູ່ທີ່ຫໍສະພາແຫ່ງຊາດ ຫວຽດນາມ, ທ່ານນາງ ກຳມະການສູນກາງພັກ, ປະທານກຳມາທິການຍຸຕິທຳ ເລທິງາ ໄດ້ມີການເຮັດວຽກກັບທ່ານປະທານກຳມາທິກາຍຸຕິທຳ ສະພາແຫ່ງຊາດລາວ ຄຳແພງ ວິລະພັນ.
ທີ່ການພົບປະ, ທ່ານນາງ ປະທານກຳມາທິການຍຸຕິທຳ ເລທິງາ ເນັ້ນໜັກວ່າ: ການຢ້ຽມຢາມຂອງທ່ານປະທານກຳມາທິການຍຸຕິທຳ ຄຳແພງ ວິລະພັນ ແລະ ຄະນະ ແມ່ນການຢັ້ງຢືນເຖິງສາຍພົວພັນແບບພິເສດ ແລະ ຮອບດ້ານລະຫວ່າງ ຫວຽດນາມ - ລາວ ກໍ່ຄື ສະພາແຫ່ງຊາດຂອງສອງປະເທດເວົ້າລວມ ແລະ ລະຫວ່າງສອງຄະນະກຳມາທິການຍຸຕິທຳຂອງສະພາແຫ່ງຊາດຂອງສອງປະເທດເວົ້າສະເພາະ; ມີຄວາມໄວ້ເນື້ອເຊື່ອໃຈ, ການຮ່ວມມືລະຫວ່າງສອງຄະນະກຳມາທິການນັບມື້ນັບແໜ້ນແຟ້ນ ແລະ ຄວາມສາມັກຄີມິດຕະພາບລະຫວ່າງ 2 ປະເທດນັບມື້ນັບໝັ້ນຄົງກ່ວາ.
 |
| ທ່ານນາງ ປະທານກຳມາທິການຍຸຕິທຳ ເລທິງາ (ພາບ: quochoi.vn) |
ເມື່ອແນະນຳກ່ຽວກັບກຳມາທິການຍຸຕິທຳ ຂອງສະພາແຫ່ງຊາດ ຫວຽດນາມ, ທ່ານປະທານກຳມາທິການຍຸຕິທຳ ຊີ້ແຈ້ງວ່າ ກຳມາທິການມີ ມີ 5 ອະນຸກຳມາທິການ, ເໝາະສົມກັບ 5 ຂົງເຂດຂຶ້ນກັບຂອບເຂດ, ສິດອຳນາດ, ໜ້າທີ່ລວມມີ: ອະນຸກຳມາທິການຕິດຕາມການເຄື່ອນໄຫວຂອງອົງການກວດກາ, ອະນຸກຳມະການຕິດຕາມການເຄື່ອນໄຫວຂອງໄອຍະການປະຊາຊົນ…
ກ່ຽວກັບໜ້າທີ່, ຂອບເຂດສິດ, ປະທານກຳມາທິການຍຸຕິທຳ ໃຫ້ຮູ້ວ່າ ກຳມາທິການມີໜ້າທີ່ສຳຫຼວດກວດກາຮ່າງກົດໝາຍ, ຮ່າງລັດຖະດຳລັດທາງອາຍາ, ການຮ້ອງຟ້ອງທາງອາຍາ, ການຮ້ອງຟ້ອງທາງແພ່ງ, ຮ້ອງຟ້ອງກ່ຽວກັບການບໍລິຫານ, ດຳເນີນຄະດີ ແລະ ໜູນຊ່ວຍທາງຍຸຕິທຳ, ປ້ອງກັນ, ຕ້ານການສໍ້ລາດບັງຫຼວງ, ອົງການຈັດຕັ້ງກົງຈັກຂອງອົງການຍຸຕິທຳ ແລະ ບັນດາໂຄງການຕ່າງໆໂດຍສະພາແຫ່ງຊາດ, ຄະນະປະຈຳສະພາແຫ່ງຊາດມອບໝາຍໃຫ້. ສຳຫຼວດກວດກາບົດລາຍງານຂອງລັດຖະບານກ່ຽວກັບວຽກງານປ້ອງກັນ, ຕ້ານການລະເມີດກົດໝາຍ ແລະ ອາດຊະຍາກຳ, ການປະຕິບັດການດຳເນີນຄະດີ, ສຳຫຼວດກວດກາບັນດາບົດລາຍງານວຽກງານຂອງປະທານສານປະຊາຊົນສູງສຸດ, ປະທານອົງການໄອຍະການປະຊາຊົນສູງສຸດ…
ພ້ອມກັນນັ້ນ, ຄະນະກຳມາທິການກໍ່ປະຕິບັດໜ້າທີ່ສຳຫຼວດກວດກາການປະຕິບັດກົດໝາຍ ແລະ ມະຕິຂອງສະພາແຫ່ງຊາດ, ລັດຖະບັນຍັດ ແລະ ມະຕິຂອງຄະນະປະຈຳສະພາແຫ່ງຊາດກ່ຽວກັບການດຳເນີນຄະດີອາຍາ, ຄະດີແພງ ແລະ ດຳເນີນຄະດີດ້ານການບໍລິຫານ, ປະຕິບັດຄຳຕັດສິນ, ໜູນຊ່ວຍດ້ານຍຸຕິທຳ,ປ້ອງກັນ, ຕ້ານການສໍ້ລາດບັງຫຼວງ, ກົນໄກການຈັດຕັ້ງຂອງອົງການຍຸຕິທຳ; ຕິດຕາມກວດກາຊີ້ນຳການເຄື່ອນໄຫວຂອງລັດຖະບານ, ສານປະຊາຊົນສູງສຸດ, ໄອຍະການປະຊາຊົນສູງສຸດ.
ທ່ານນາງປະທານຄະນະກຳມະທິການຍຸຕິທຳ ເລທິງາ ໃຫ້ຮູ້ວ່າ: ໂດຍທົ່ວໄປແລ້ວ, ວຽກງານສ້າງກົດໝາຍແມ່ນໄດ້ຮັບການປະຕິບັດຢ່າງມີແບບມີແຜນ, ຮອບດ້ານ, ລະອຽດ ດ້ວຍບັນດາຂັ້ນຕອນຄົ້ນຄວ້າດ້ານວິຊາສະເພາະຢ່າງເລິກເຊິ່ງ. ບັນດາຮ່າງກົດໝາຍ ແລະ ລັດຖະບັນຍັດໂດຍຄະນະກຳມາທິການເປັນປະທານການສຳຫຼວດກວດກາ ເມື່ອນຳມາລົງປະຊາມະຕິຮັບຮອງເອົາ ລ້ວນແຕ່ບັນລຸອັດຕາາ່ວນສູງ ແລະ ໄດ້ຮັບການຕີລາຄາສູງດ້ານຄຸນນະພາບ. ນອກຈາກນັ້ນ, ທ່ານປະທານຄະນະກຳມະທິການຍຸຕິທຳ ຍັງໄດ້ແລກປ່ຽນບາງປະສົບການໃນວຽກງານສຳຫຼວດກວດກາ; ການຈັດຕັ້ງວາລະປະຊຸມອະພິປາຍກ່ຽວກັບບັນຫາຮ້ອນເຮັ່ງທີ່ປະຊາຊົນ ແລະ ຜູ້ມີສິດເລືອກຕັ້ງ ມີຄວາມສົນໃຈ.
ໂດຍຕີລາຄາສູງບັນດາປະສົບການ ແລະ ໝາກຜົນການຕິດຕາມກວດກາຂອງຄະນະກຳມະທິການຍຸຕິທຳສະພາແຫ່ງຊາດ ຫວຽດນາມ ໃນໄລຍະຜ່ານມາ, ທ່ານປະທານຄະນະກຳມະການຍຸຕິທຳ ຄຳແພງ ວິລະພັນ ປາດຖະໜາວ່າ ຄະນະກຳມະທິການຕຸລາການຂອງສະພາແຫ່ງຊາດ 2 ປະເທດ ຈະສືບຕໍ່ສົມທົບກັນຢ່າງແໜ້ນແຟ້ນ ເພື່ອແລກປ່ຽນຂໍ້ມູນຂ່າວສານ; ພົບປະແລກປ່ຽນບົດຮຽນໃນບັນດາດ້ານຂອງວຽກງານ, ສືບຕໍ່ເພີ່ມທະວີການສົມທົບກັນ ເພື່ອພັດທະນາສາຍພົວພັນມິດຕະພາບອັນເປັນມູນເຊື້ອ, ຄວາມສາມັກຄີແບບພິເສດ, ການຮ່ວມມືຮອບດ້ານລະຫວ່າງພັກ, ລັດ ແລະ ປະຊາຊົນສອງປະເທດ.
ບຸນຄົງ
