| ການນຳຫວຽດນາມ ຍິນດີຕ້ອນຮັບ ຜູ້ອຳນວຍການໃຫຍ່ອົງການພັດທະນາສາກົນ ອາເມລິກາ (USAID) ພວມຢູ່ຢ້ຽມຢາມ ຫວຽດນາມ | |
| ຫວຽດນາມ - ລາວ ຮັດແໜ້ນການຮ່ວມມືໃນການປ້ອງກັນ, ຕ້ານການຄ້າມະນຸດ |
ອາທິດຜ່ານມາ, ຢູ່ສຳນັກງານກະຊວງປ້ອງກັນປະເທດ, ທ່ານພົນໂທ ຮ່ວາງຊວັນຈຽນ, ກຳມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ ຫວຽດນາມ ໄດ້ໃຫ້ການຕ້ອນຮັບ ທ່ານພັນເອກ ວົງໄຊ ອິນທະຄຳ, ທີ່ປຶກສາຝ່າຍທະຫານ ສປປ.ລາວ ປະຈຳ ຫວຽດນາມ.
ທີ່ການຕ້ອນຮັບ, ທ່ານພົນໂທ ຮ່ວາງຊວັນຈຽນ ເນັ້ນໜັກເຖິງການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ ຫວຽດນາມ - ລາວ, ໃນນັ້ນມີການຮ່ວມມືດ້ານປ້ອງກັນຊາດ ແມ່ນໜຶ່ງໃນບັນດາເສົາຄ້ຳສຳຄັນ. ທ່ານພົນໂທ ຮ່ວາງຊວັນຈຽນ ໄດ້ຕີລາຄາສູງເລື່ອງກະຊວງປ້ອງກັນປະເທດ ສອງປະເທດໄດ້ສົມທົບກັນຈັດຕັ້ງສຳເລັດບັນດາການເຄື່ອນໄຫວໃນປີສາມັກຄີມິດຕະພາບ ຫວຽດນາມ - ລາວ, ລາວ ຫວຽດນາມ ປີ 2022.
 |
| ທ່ານພົນໂທ ຮ່ວາງຊວັນຈຽນ, ກຳມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ ຫວຽດນາມ ໄດ້ໃຫ້ການຕ້ອນຮັບ ທ່ານພັນເອກ ວົງໄຊ ອິນທະຄຳ, ທີ່ປຶກສາຝ່າຍທະຫານ ສປປ.ລາວ ປະຈຳ ຫວຽດນາມ (ພາບ: qdnd.vn) |
ທ່ານພົນໂທ ຮ່ວາງຊວັນຈຽນ ໃຫ້ຮູ້ວ່າ ບົນພື້ນຖານແຜນການຮ່ວມມືປີ 2023, ກະຊວງປ້ອງກັນປະເທດ ຫວຽດນາມ ໄດ້ປະກາດໃຊ້ຄຳສັ່ງມອບໜ້າທີ່ໃຫ້ແກ່ບັນດາອົງການ, ຫົວໜ່ວຍໃນການຮ່ວມມືກັບບັນດາໜ່ວຍງານທຽບເທົ່າຂອງລາວ. ມາຮອດປັດຈຸບັນ, ບັນດາອົງການ, ຫົວໜ່ວຍສອງຝ່າຍໄດ້ເປັນເຈົ້າການໃນການສົມທົບກັນຜັນຂະຫຍາຍບັນດາໝາກຜົນທີ່ແທດຈິງ.
ຄາດວ່າ ໃນໄລຍະຈະມາເຖິງ, ກະຊວງປ້ອງກັນປະເທດສອງປະເທດຈະຈັດຕັ້ງການໂອ້ລົມສົນທະນານະໂຍບາຍປ້ອງກັນຊາດ ຂັ້ນຮອງລັດຖະມົນຕີ ຄັ້ງທີ 3 ແລະ ດຳເນີນບາງການເຄື່ອນໄຫວຢູ່ນອກກອງປະຊຸມຄັ້ງນີ້. ທ່ານພົນໂທ ຮ່ວາງຊວັນຈຽນ ສະເໜີໃຫ້ ທ່ານພັນເອກ ວົງໄຊ ອິນທະຄຳ ສືບຕໍ່ສົມທົບກັນເປັນເສນາທິການກະຊວງປ້ອງກັນປະເທດລາວ ຊີ້ນຳບັນດາອົງການທີ່ມີໜ້າທີ່ຄວາມຮັບຜິດຊອບໃນການສົມທົບກັບ ຫວຽດນາມ ເພື່ອຜັນຂະຫຍາຍການປະຕິບັດ.
ສ່ວນທ່ານພັນເອກ ວົງໄຊ ອິນທະຄຳ ກໍ່ສະແດງຄວາມດີໃຈຕໍ່ການພັດທະນາການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ, ການຮ່ວມມືຮອບດ້ານລະຫວ່າງ ລາວ ຫວຽດນາມ ໃນໄລຍະຜ່ານມາ, ໃນນັ້ນມີການຮ່ວມມືດ້ານປ້ອງກັນຊາດ. ທ່ານພັນເອກ ວົງໄຊ ອິນທະຄຳ ຢັງຢືນວ່າ ໃນຖານະບົດບາດ, ຄວາມຮັບຜິດຊອບຂອງຕົນ ຈະມານະພະຍາຍາມຊຸກຍູ້ຜັນຂະຫຍາຍການປະຕິບັດບັນດາໜ້າທີ່, ການເຄື່ອນໄຫວໃນປີ 2023 ປະກອບສ່ວນເພີ່ມທະວີການພົວພັນຮ່ວມມືດ້ານປ້ອງກັນຊາດ ລະຫວ່າງສອງປະເທດ.
ບຸນຄົງ
