 |
| ນັກອອກແບບ ລີອາ ຫງວຽນ (ພາບ: thanhnien.vn) |
ກຸບໃບໄມ້ ຫວຽດນາມ ຢູ່ game show ແຟຊັນຢູ່ອີຕາລີ
ເປັນຄັ້ງທຳອິດທີ່ລາຍການໂທລະພາບແຟຊັນ ຂອງ ອີຕາລີ Tailor Made 2022 ໄດ້ມີການເຂົ້າຮ່ວມຂອງຊາວຫວຽດນາມ ນັ້ນແມ່ນ ລີອາ ຫງວຽນ ໂດຍແມ່ນຜູ້ຄວ້າໄດ້ລາງວັນທີສອງ, ກໍ່ແມ່ນຄັ້ງທຳອິດທີ່ໄດ້ເຂົ້າຮ່ວມລາຍການທີ່ເຂັ້ມຂຸ້ນໄປດ້ວຍສີສັນຂອງ ອາຊີຕາເວັນອອກ.
ໂດຍມີໜ້າຕາໜ້າຮັກ ພ້ອມກັບຮູບຮ່າງ ແລະ Style ແຟຊັນສ່ວນໜຶ່ງທີ່ບໍ່ທຳມະດາ, ຍິງສາວເກີດປີ 1993 ນີ້ເບິ່ງຄືວ່າເປັນຍິງສາວທີ່ຍັງບໍ່ທັນສ້າງຄອບຄົວ.
“ແມ່ນແລ້ວ, ຂ້າພະເຈົ້າແມ່ນຍິງສາວທີ່ບໍ່ທຳມະດາ, ແຕ່ມີແຕ່ໃນເສັ້ນທາງປ່ຽນແປງແນວຄິດເທົ່ານັ້ນ. ແຕ່ລະເທື່ອເມື່ອມີການປ່ຽນແປງແບບບັງເອີນ, ຂ້າພະເຈົ້າຍາມໃດກໍ່ເຮັດໃຫ້ແມ່ຂອງຕົນຕົກໃຈ ຍ້ອນການປ່ຽນແປງ 180 ອົງສາ ທີ່ເຕັມໄປດ້ວຍຄວາມຕົກສະເຫງີ ” ລີອາ ຫງວຽນ (ຊື່ແທ້ແມ່ນ ຫງວຽນຮ່ວາງຢ້ຽມລິງ) ແບ່ງປັນ.
ມີປະຫວັດຫຍໍ້ທີ່ເປັນໜ້າຈັບອົກຈັບໃຈ: ໂດຍແມ່ນອະດີດນັກສຶກສາທີ່ດີເລີດຂອງຂະແໜງເລກຄອມ, ຂຶ້ນກັບມະຫາວິທະຍາໄລວິທະຍາສາດທຳມະຊາດ (ມະຫາວິທະຍາໄລຮ່າໂນ້ຍ), ຮຽນຮົບປະລິຍາຕີລະດັບເກັ່ງ ຂະແໜງເສດຖະກິດການເງິນ, ມະຫາວິທະຍາ Leicester (ລາຊະອານາຈັກ ອັງກິດ) ແລ້ວກັບເມືອປະເທດເຂົ້າເຮັດວຽກຢູ່ສອງບໍລິສັດເຕັກໂນໂລຢີໃຫຍ່, ແລ້ວມາຮອດມື້ໜຶ່ງ ຈິ່ງຮູ້ສຶກວ່າຕົນເອງບໍ່ເໝາະກັບວຽກງານທີ່ກຳລັງເຮັດ
ຂ້າພະເຈົ້າຮູ້ສຶກອຶດອັດ, ບໍ່ພຽງແຕ່ຍ້ອນສະພາບແວດລ້ອມຂອງການເຮັດວຽກ, ແຕ່ກໍ່ບໍ່ແມ່ນຍ້ອນລາຍຮັບ ຫຼື ຄວາມກົດດັນໃນການເຮັດວຽກ, ເຊິ່ງພຽງແຕ່ແມ່ນຕົນເອງຮູ້ສຶກວ່າພວມຢືນຢູ່ຕໍ່ໜ້າພາບແຕ້ມທີ່ເປັນສີດຽວກັນໝົດ. ນັ້ນບໍ່ແມ່ນບັນຍາກາດທີ່ຂ້າພະເຈົ້າຢາກດຳລົງຊີວິດໃນທຸກວັນ. ຂ້າພະເຈົ້າຢາກດຳລົງຊີວິດໃນໂລກທີ່ເຕັມໄປດ້ວຍສີສັນທີ່ສວຍສົດງົດງາມກ່ວານີ້ອີກ, ຕ້ອງເປັນໂລກໂດຍຕົນເອງສ້າງຂຶ້ນ, ລີອາ ຫງວຽນ ແບ່ງປັນ.
 |
| ຜະລິດຕະພັນອອກແບບຂອງ ລີອາ ຫງວຽນ (ພາບ: thanhnien.vn) |
ພາຍຫຼັງໃບຂໍຢຸດງານໄດ້ຮັບການຕົກລົງຢ່າງໄວວາ, ແມ່ນການປ່ຽນແປງຄັ້ງຍິ່ງໃຫຍ່ທີ່ສຸດຂອງນັກຊ່ຽວຊານໄຈ້ແຍກດ້ານການເງິນນີ້. ລາວຮຽນຕໍ່ ເປັນເວລາ 4 ປີ ແລະ ໄດ້ຮັບໃບປະກາດລະດັບເກັ່ງວິຊາອອກແບບແຟຊັນຂອງ ໂຮງຮຽນ NABA - Nuova Accademia di Belle Arti (ປະເທດອີຕາລີ).
ເມື່ອຫາກໍ່ໄດ້ຮັບເອົາໃບປະກາດ, ລີອາ ຕັດສິນໃຈເຂົ້າຮ່ວມ ລາຍການ Tailor Made 2022 - ເຊິ່ງແມ່ນ game show ໃນໂທລະພາບຕົວຈິງທີ່ສະຫງວນໃຫ້ແກ່ຜູ້ມີຄວາມຫຼົງໄຫຼກັບແຟຊັນ ແລະ ການຕັດຫຍິບ ເຊິ່ງໄດ້ຮັບການອອກອາກາດໃນ Discovery + ແລະ ຊ່ວງເວລາຄຳຂອງ Real Time TV ໃນຕອນຄ່ຳວັນພຸດຂອງທຸກອາທິດ.
ໂດຍນອນໃນ 10 ຄົນເຂົ້າຮອບຊີງຊະນະເລີດຂອງ ລາຍການ Tailor Made 2022, ມີແຕ່ ລີອາ ແມ່ນຊາວຕ່າງປະເທດ ແລະ ເປັນຜູ້ຕັດຫຍິບຊ້າທີ່ສຸດຍ້ອນລະດັບພາສາອີຕາລີ ຍັງບໍ່ເກັ່ງປານໃດ, ເຊິ່ງເຮັດໃຫ້ລາວເສຍເວລາເມື່ອຕອບສຳພາດແບບບັງເອີນໃນການແຂ່ງຂັນ.
ສິ່ງທີ່ເປັນໜ້າຈັບໃຈນັ້ນແມ່ນໃນໂຕະເຮັດວຽກຂອງລາວ ຍາມໃດກໍ່ມີສອງວັດຖຸທີ່ເປັນສັນຍາລັກຂອງ ຫວຽດນາມ ນັ້ນແມ່ນ ກຸມໃບໄມ້ ແລະ ຂຸ່ຍ.
ໂດຍພຽງແຕ່ຍາດໄດ້ລາງວັນທີສອງກໍ່ມີຄວາມໝາຍວ່າ ຂ້າພະເຈົ້າໄດ້ປ່ອຍໃຫ້ລາງວັນທີ່ຕົນເອງມີຄວາມຝັນຢາກໄດ້ຫຼຸດມືໄປ: ມີໂອກາດຝືກງານ ເປັນເວລາ 6 ເດືອນຢູ່ຫ້ອງອອກແບບຂອງ Gucci 1 ທຶນ. ແຕ່ກໍ່ຍ້ອນເຂົ້າຮ່ວມການແຂ່ງຂັນນີ້ ຂ້າພະເຈົ້າຈຶ່ງມີໂອກາດໄດ້ອອກໂທລະພາບອີຕາລີ ເປັນເວລາ 6 ອາທິດ, ເພື່ອເລົ່າໃຫ້ເພື່ອນມິດຊາວອີຕາລີ ແລະ ຜູ້ຊົມອີຕາລີ ກ່ຽວກັບປະເທດຫວຽດນາມ ຜ່ານສອງສັນຍາລັກດັ່ງກ່າວ. ລີອາ ຫງວຽນ ແບ່ງປັນ.
ບຸນຄົງ
