| ສ້າງການຮ່ວມທຶນ ຫວຽດນາມ-ລາວ ເພື່ອສຶກສາ ແລະ ກໍ່ສ້າງເສັ້ນທາງລົດໄຟ ວຽງຈັນ-ຫວູງອ່າງ | |
| ເພີ່ມທະວີການສ້າງກົດໝາຍກ່ຽວກັບບັນຫາກ່ຽວຂ້ອງເຖິງແມ່ຍິງ ແລະ ເດັກຍິງ |
ທີ່ການເຮັດວຽກ, ສອງຝ່າຍໄດ້ຕີລາຄາສູງໝາກຜົນທີ່ບັນລຸໄດ້ໃນວຽກງານຊາຍແດນ ຫວຽດນາມ - ລາວ ພາຍຫຼັງວັນທີ 20 – 22 ກຸມພາ ທີ່ສອງຝ່າຍໄດ້ລົງກວດກາພື້ນທີ່ຕົວຈິງຕາມເນື້ອໃນບົດບັນທຶກກອງປະຊຸມປະຈຳປີ ຄັ້ງທີ 32 ລະຫວ່າງຄະນະຜູ້ແທນຊາຍແດນປະເທດ ສສ. ຫວຽດນາມ ແລະ ຄະນະຜູ້ແທນຊາຍແດນປະເທດ ສປປ.ລາວ, ວັນທີ 20 ທັນວາ 2022 ຢູ່ນະຄອນ ຫຼວງພະບາງ (ລາວ).
ລະອຽດແມ່ນ, ສອງຝ່າຍໄດ້ເກັບກຳຂໍ້ມູນຕົວຈິງກ່ຽວກັບສະພາບການລຽບຕາມເຂດຊາຍແດນ ລາວ - ຫວຽດນາມ ຢູ່ເຂດຫຼັກໝາຍເລກທີ 763, 789, 790, 792, 772; ກວດກາພື້ນຖານໂຄງການດ່ານຊາຍແດນ ດັກລອງ (ແຂວງກອນຕຸມ) - ວັງຕັດ (ແຂວງອັດຕະປື), ລາຍງານການນຳສອງແຂວງ ແລະ ຄະນະກຳມະການເຂດຊາຍແດນແຫ່ງຊາດ 2 ປະເທດປຶກສາຫາລື, ພິຈາລະນາຍົກລະດັບຂຶ້ນເປັນດ່ານຊາຍແດນສາກົນ.
 |
| ກອງປະຊຸມລະຫວ່າງສອງຝ່າຍ (ພາບ: kontum.gov.vn) |
ນອກຈາກນັ້ນ, ສອງຝ່າຍຈະຢຶ້ຢາມ, ພົບປະ, ມອບຂອງຂວັນໃຫ້ແກ່ບັນດາຄອບຄົວອົບພະຍົບແບບເສລີ ແລະ ການສົມລົດທີ່ບໍ່ມີການຈົດທະບຽນ (ເຊິ່ງໄດ້ຮັບການຖືສັນຊາດປີ 2019) ທີ່ພວມດຳລົງຊີວິດຢູ່ລຽບຕາມເຂດຊາຍແດນ ຫວຽດນາມ - ລາວ ຢູ່ເມືອງ ດັກເງີເລີຍ ແລະ ງອກໂຮ້ຍ, ແຂວງກອນຕຸມ. ໃນຕົວຈິງສະແດງໃຫ້ເຫັນວ່າ ການດຳລົງຊີວິດຂອງປະຊາຊົນມີສະຖຽນລະພາບໂດຍພື້ນຖານ, ປະຕິບັດຕາມບັນດາຂໍ້ກຳນົດກ່ຽວກັບສົນທິສັນຍາ, ກົດລະບຽບເຂດຊາຍແດນລະຫວ່າງຫວຽດນາມ - ລາວ.
ສອງຝ່າຍກໍ່ໄດ້ຕີລາຄາສູງໝາກຜົນການຮ່ວມມືປະຕິບັດສົນທິສັນຍາກ່ຽວກັບຂໍ້ກຳນົດການຄຸ້ມຄອງຊາຍແດນ ແລະ ດ່ານຊາຍແດນທາງບົກລະຫວ່າງລັດຖະບານ ຫວຽດນາມ ແລະ ລັດຖະບານ ລາວ ເຊິ່ງໄດ້ຮັບການລົງນາມໃນວັນທີ 16 ມີນາ ປີ 2016, ສຳລັບບັນດາໜ້າທີ່: ການຄຸ້ມຄອງ, ປົກປັກຮັກສາເສັ້ນຊາຍແດນ, ຫຼັກໝາຍ; ການຄຸ້ມຄອງຄົນເຂົ້າອອກເມືອງຜ່ານຊາຍແດນ; ຮັກສາຄວາມເປັນລະບຽບຮຽບຮ້ອຍ, ຄວາມປອດໄພສັງຄົມ ແລະ ການຄຸ້ມຄອງຄົນເຂົ້າອອກເມືອງຜ່ານຊາຍແດນ; ຄຸ້ມຄອງໂຄງການເຂດຊາຍແດນ, ການເຄື່ອນໄຫວກໍ່ສ້າງໂຄງການຢູ່ເຂດຊາຍແດນ, ການຮ່ວມມືລົງທຶນ ແລະ ການຄ້າຜ່ານຊາຍແດນ, ຄຸ້ມຄອງດ່ານຊາຍແດນ ແລະ ການເຊື່ອມຕໍ່ພື້ນຖານໂຄງລ່າງຄົມມະນາຄົມ, ໄຟຟ້າຜ່ານຊາຍແດນ, ໂຄສະນາ, ເຜີຍແຜ່ບັນດາເອກະສານທີ່ລັດຖະບານສອງປະເທດໄດ້ລົງນາມຮ່ວມກັນກ່ຽວກັບບັນດາວຽກງານຊາຍແດນ.
ສອງຝ່າຍໄດ້ປຶກສາຫາລື, ເຫັນດີເປັນເອກະພາບການກຳນົດທິດການຮ່ວມມືໃນໄລຍະຈະມາເຖິງ: ສືບຕໍ່ຜັນຂະຫຍາຍບັນດາເອກະສານນິຕິກຳກ່ຽວກັບຊາຍແດນທີ່ໄດ້ຮັບການລົງທຶນໃນວັນທີ 16 ມີນາ 2016 ແລະ ບັນດາສົນທິສັນຍາ, ຂໍ້ຕົກລົງທີ່ກ່ຽວຂ້ອງຢ່າງມີປະສິດທິຜົນ, ລາຍງານຕໍ່ການນຳສອງແຂວງ ເພື່ອສະເໜີລັດຖະບານສອງປະເທດ ຫວຽດນາມ ແລະ ລາວ ພິຈາລະນາຍົກສະລັບດ່ານຊາຍແດນສຳຮອງ ດັກລອງ - ວັງຕັດ ກາຍເປັນດານຊາຍແດນສາກົນ, ຕິດຕາມກວດກາ, ກວດກາ, ຕໍ່ສູ້ສະກັດກັ້ນການເຂົ້າອອກເມືອງແບບຜິດກົດໝາຍ, ຂຸດຄົ້ນຊັບພະຍາກອນທຳມະຊາດແບບຜິດກົດໝາຍ, ການອົບພະຍົບແບບເສລີ ແລະ ການສົມລົບບໍ່ຈົດທະບຽນຢູ່ລຽບຕາມຊາຍແດນ ຫວຽດນາມ - ລາວ.
ສະເໜີການນຳສອງແຂວງ ກອນຕຸມ - ອັດຕະປື ຊີ້ນຳ, ນຳພາ, ແນະນຳອຳນາດການປົກຄອງບັນດາເມືອງ, ຕາແສງຢູ່ລຽບຕາມຊາຍແດນ ຫວຽດນາມ - ລາວ ສືບຕໍ່ການພົວພັນຮ່ວມມື ແລະ ກໍ່ສ້າງບ້ານແຮກສ່ຽວລະຫວ່າງບັນດາບ້ານກັບບ້ານຢູ່ລຽບຕາມຊາຍແດນສອງແຂວງ ເພື່ອບັນລຸໄດ້ຜົນສຳເລັດ ແລະ ມີທັດສະນະແບ່ງປັນບົດຮຽນເຊິ່ງກັນແລະກັນໃນດ້ານພັດທະນາ.
ສະເໜີການນຳແຂວງກອນຕຸມ - ອັດຕະປື ມີຄວາມເອົາໃຈໃສ່ຍູ້ແຮງ, ຕິດຕາມກວກກາການປະຕິບັດວຽກງານໂຄສະນາກົດໝາຍ, ສົນທິສັນຍາກ່ຽວກັບຂໍ້ກຳນົດການຄຸ້ມຄອງຊາຍແດນ, ດ່ານຊາຍແດນ ແລະ ເນື້ອໃນບົດບັນທຶກກອງປະຊຸມປະຈຳປີຂອງຄະນະຜູ້ແທນເຂດຊາຍແດນ ຫວຽດນາມ - ລາວ ຕະຫຼອດຮອດບັນດາພະແນກ, ຂະແໜງການທີ່ກ່ຽວຂ້ອງຂອງແຂວງ, ເມືອງຊາຍແດນ ແລະ ອຳນາດການປົກຄອງບັນດາຕາແສງເຂດຊາຍແດນຂອງສອງແຂວງ ເພື່ອນຳບັນດາເນື້ອໃຈຕ້ອງໄດ້ຮັບການໂຄສະນາໄປຍັງພະນັກງານ, ນັກຮົບ, ຕຳຫຼວດ ແລະ ປະຊາຊົນສອງແຂວງພວກເຮົາໄດ້ຮັບຮູ້, ເຂົ້າໃຈຢ່າງກວ້າງຂວາງ.
ບຸນຄົງ
