| ກຳລັງປ້ອງກັນຊາຍແດນຫວຽດນາມ ແລະ ກໍາປູເຈຍ ເພີ່ມທະວີການປະສານສົມທົບໃນການປ້ອງກັນ ແລະ ຄວບຄຸມພະຍາດໂຄວິດ -19 | |
| ການນຳບັນດາປະເທດ ລາວ, ຈີນ ໄດ້ສົ່ງສານມາອວຍພອນ ການນຳຂັ້ນສູງຫວຽດນາມ |
 |
| ພາບປະກອບ |
ຕາມນັ້ນແລ້ວ, ແຜນຜັງໄດ້ກໍານົດເປົ້າໝາຍຮອດປີ 2030 ປະຕິບັດການປັບປຸງຍົກລະດັບ ເພື່ອຂຸດຄົ້ນເສັ້ນທາງລົດໄຟທັງໝົດ 7 ສາຍໃນປັດຈຸບັນໃຫ້ມີປະສິດທິຜົນ; ກຳນົດເສັ້ນທາງລົດໄຟໃໝ່ 9 ສາຍ ດ້ວຍຄວາມຍາວທັງໝົດ 2.362 ກິໂລແມັດ. ຮອດປີ 2050, ຕາໜ່າງທາງລົດໄຟແຫ່ງຊາດທີ່ໄດ້ວາງແຜນຜັງ ລວມມີ 25 ສາຍ ດ້ວຍຄວາມຍາວ 6.354 ກິໂລແມັດ.
ທ່ານ ຫງວຽນວັນເຖ້ ລັດຖະມົນຕີກະຊວງຄົມມະນາຄົມ ແລະຂົນສົ່ງຫວຽດນາມ ໃຫ້ຮູ້ວ່າ ກະຊວງຄົມມະນາຄົມ ແລະຂົນສົ່ງ ໄດ້ປະຕິບັດສໍາເລັດ 5/37 ແຜນຜັງຂະແໜງແຫ່ງຊາດ. ໃນນັ້ນ, ແຜນຜັງທາງລົດໄຟແມ່ນແຜນຜັງທີ 3 ທີ່ນາຍົກລັດຖະມົນຕີ ໄດ້ອະນຸມັດຜ່ານພາຍຫຼັງການກຳນົດແຜນຜັງຕາໜ່າງທາງບົກ ແລະແຜນຜັງລະບົບທ່າເຮືອ.
ກ່ຽວກັບທາງລົດໄຟຄວາມໄວສູງ ເໜືອ - ໃຕ້, ທ່ານ ຫງວຽນວັນເຖ້ ລັດຖະມົນຕີກະຊວງຄົມມະນາຄົມ ແລະຂົນສົ່ງຫວຽດນາມ ໃຫ້ຮູ້ວ່າ: ນັບແຕ່ນີ້ຮອດປີ 2030, ຈະບຸລິມະສິດໃນການຈັດຕັ້ງປະຕິບັດເສັ້ນທາງລົດໄຟແຕ່ຮ່າໂນ້ຍ - ວີງ ແລະ ຍາຈາງ - ນະຄອນໂຮ່ຈິມິນ. ກະຊວງຄົມມະນາຄົມ ແລະຂົນສົ່ງ ຈະຕັ້ງໜ້າໃນການເປັນເສນາທິການໃຫ້ສະພາແຫ່ງຊາດ ຜ່ານນະໂຍບາຍການລົງທຶນໃນອາຍຸການນີ້. ໃນອາຍຸການຕໍ່ໄປຈະສຸມໃສ່ການວາງແຜນໂຄງການ, ການບຸກເບິກໜ້າດິນ... ເປົ້າໝາຍແມ່ນສາມາດເລີ່ມຈັດຕັ້ງປະຕິບັດການປະມູນຈໍານວນໜຶ່ງໃນປີ 2028 ແລະ 2029.
ທ່ານລັດຖະມົນຕີ ຫງວຽນວັນເຖ້ ຍັງໃຫ້ຮູ້ຕື່ມອີກວ່າ ແຜນຜັງທີ່ຍົກອອກມານັ້ນຈະລົງທຶນໃສ່ເສັ້ນທາງລົດໄຟເຊື່ອມຕໍ່ສາກົນກັບຈີນ, ລາວ ແລະກໍາປູເຈຍ, ໃນນັ້ນ ກ່ອນອື່ນໝົດແມ່ນຈະລົງທຶນໃສ່ເສັ້ນທາງລົດໄຟເຊື່ອມຕໍ່ສະຖານີລົດໄຟ ລາວກາຍ ກັບສະຖານີລົດໄຟ Hekoubei (ສປ ຈີນ) ເພື່ອສ້າງຄວາມສະດວກໃຫ້ແກ່ສິນຄ້າຈາກຫວຽດນາມ ໄປຍັງເອີລົບ. ພ້ອມກັນນັ້ນ ແມ່ນລົງທຶນໃສ່ເສັ້ນທາງລົດໄຟທີ່ເຊື່ອມຕໍ່ກັບທ່າເຮືອ, ທ່າອາກາດສະຍານ.
ໄຊພອນ
