| ເປີດສາຍການບິນໄທເປ - ດ່າໜັງ ຄືນໃໝ່ | |
| ສາມັກຄີກໍ່ສ້າງເສັ້ນຊາຍແດນແຫ່ງສັນຕິພາບ, ມິດຕະພາບ, ການຮ່ວມມື |
ໂດຍໄດ້ຮູ້ວ່າ ໃນຊຸມປີມໍ່ໆມານີ້, ດາໜັງ ໄດ້ສົມທົບກັນກັບ 5 ແຂວງພາກໃຕ້ ແລະ ພາກກາງຂອງລາວ (ສະຫວັນນະເຂດ, ຈໍາປາສັກ, ເຊກອງ, ສາລະວັນ ແລະ ອັດຕະປື), ເພື່ອຜັນຂະຫຍາຍຫຼາຍໂຄງການຮ່ວມມື, ສຸມໃສ່ເຂົ້າໃນບັນດາໂຄງການ, ກິດຈະກຳໃນຂົງເຂດກໍ່ສ້າງ ແລະ ຍົກລະດັບໂຮງຮຽນ, ໂຄງການສາທາລະນະ, ສູນສອນພາສາຫວຽດນາມ, ສະໜອງທຶນການສຶກສາໃຫ້ນັກສຶກສາໄປຮຽນຢູ່ ດ່າໜັງ… ໄລຍະ 2018-2022, ນະຄອນໄດ້ໃຊ້ງົບປະມານກວ່າ 115 ຕື້ດົ່ງເພື່ອໜູນຊ່ວຍບັນດາແຂວງຂອງລາວ.
 |
| ພາບປະກອບ: danang.gov.vn |
ມາຮອດປະຈຸບັນ, ນະຄອນດາໜັງ ໄດ້ລົງນາມເອກະສານ ແລະ ບົດບັນທຶກຄວາມເຂົ້າໃຈ 30 ສະບັບ ກັບ 7 ທ້ອງຖິ່ນຂອງລາວ, ລວມມີ: ນະຄອນຫຼວງວຽງຈັນ, ແຂວງໄຊຍະບູລີ, ແຂວງສະຫວັນນະເຂດ, ແຂວງຈຳປາສັກ, ແຂວງເຊກອງ, ແຂວງສາລະວັນ ແລະ ແຂວງອັດຕະປື. ພິເສດແມ່ນໂຄງການຮ່ວມມືໄລຍະ 2018-2022 ລະຫວ່າງ ດ່າໜັງ ກັບ 5 ແຂວງພາກໃຕ້ ແລະ ພາກກາງລາວ (ສະຫວັນນາເຂດ, ຈຳປາສັກ, ເຊກອງ, ສາລະວັນ ແລະ ອັດຕະປື) ເຊິ່ງໄດ້ຮັບການຜັນຂະຫຍາຍຢ່າງມີປະສິດທິຜົນ ໂດຍສຸມໃສ່ບັນດາໂຄງການໜູນຊ່ວຍລາວໃນບັນດາຂົງເຂດຄື: ກໍ່ສ້າງ ແລະ ຍົກລະດັບໂຮງຮຽນ, ໂຄງການສາທາລະນະ, ການໜູນຊ່ວຍກ່ຽວກັບການປູກຝັງ ແລະ ລ້ຽງສັດ; ໜູນຊ່ວຍການຄົ້ນຄວ້າວາງແຜນກຳນົດການພັດທະນາເສດຖະກິດ-ສັງຄົມທ້ອງຖິ່ນ…
ນັບແຕ່ປີ 2020 ເປັນຕົ້ນມາ, ນະຄອນ ດາໜັງ ໄດ້ລົງນາມບົດບັນທຶກຄວາມເຂົ້າໃຈວ່າດ້ວຍການຮ່ວມມືດ້ານການບຳລຸງສ້າງຊັບພະຍາກອນມະນຸດໃຫ້ແກ່ລາວ ແລະ ກຳປູເຈຍ ລວມມີການຮັບສະໝັກນັກສຶກສາ ແລະ ໜູນຊ່ວຍດ້ານທຶນການສຶກສາ, ຄ່າໃຊ້ຈ່າຍໃນການດຳລົງຊີວິດໃຫ້ແກ່ນັກສຶກສາລາວ ປະມານ 100-120 ຄົນທີ່ໄດ້ໄປຮຽນຕາມບັນດາຂະແໜງ, ຫຼັກການບຳລຸງສ້າງຢູ່ມະຫາວິທະຍາໄລດາໜັງ, ໜູນຊ່ວຍການບຳລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງເໝາະສົມກັບຄວາມຕ້ອງການໃນການພັດທະນາຂອງ ລາວ. ປະຈຸບັນ, ມີນັກສຶກສາຕ່າງປະເທດທີ່ພວມຮຽນຢູ່ມະຫາວິທະຍາໄລດາໜັງ 279 ຄົນໂດຍໄດ້ຮັບທຶນການສຶກສາຂອງຄະນະກຳມະການປະຊາຊົນນະຄອນ.
ແລະກໍ່ໃນປີ 2022, ນະຄອນ ດາໜັງ ໄດ້ຈັດຕັ້ງພິທີສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ (5 ກັນຍາ 1962 – 5 ກັນຍາ 2022) ແລະ 45 ປີ ແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມື ຫວຽດນາມ - ລາວ (18 ກໍລະກົດ 1977 - 18 ກໍລະກົດ 2022); ໄດ້ຕ້ອນຮັບຄະນະຜູ້ແທນລາວ 15 ຄະນະ, ໃນນັ້ນມີຄະນະຜູ້ແທນຂັ້ນສູງຂອງສູນກາງ ແລະ ບັນດາທ້ອງຖິ່ນຂອງລາວ ມາຢ້ຽມຢາມ, ແລກປ່ຽນບົດຮຽນ ແລະ ຮ່ວມມືດ້ານການລົງທຶນ, ການຄ້າ, ການທ່ອງທ່ຽວ, ເຂົ້າຮ່ວມບັນດາເຫດການຊຸກຍູ້ການຄ້າລະຫວ່າງສອງຝ່າຍ, ການກວດ ແລະ ການປິ່ນປົວພະຍາດຢູ່ດາໜັງ.
ບົນພື້ນຖານສາຍພົວພັນຮ່ວມມືມິດຕະພາບແບບພິເສດຂອງພັກ, ລັດ ແລະ ປະຊາຊົນສອງປະເທດ ຫວຽດນາມ - ລາວ, ທາງນະຄອນ ດາໜັງ ຍາມໃດກໍ່ເອົາໃຈໃສ່ ແລະ ຕີລາຄາສູງການພົວພັນຮ່ວມມືກັບບັນດາທ້ອງຖິ່ນຂອງລາວ. ໃນໄລຍະຈະມາເຖິງ, ດາໜັງ ຈະສືບຕໍ່ເພີ່ມທະວີການຮ່ວມມືກັບບັນດາແຂວງຂອງລາວ, ປະກອບສ່ວນຢ່າງຕັ້ງໜ້າເຂົ້າໃນການສ້າງສາ ແລະ ປົກປັກຮັກສາປະເທດຊາດ ເພື່ອສັນຕິພາບ, ສະຖຽນລະພາບ ແລະ ການຮ່ວມມືໃນພາກພື້ນ ແລະ ສາກົນ.
ບຸນຄົງ
