| ເພີ່ມທະວີການສົ່ງອອກສິນຄ້າລະຫວ່າງ ຫວຽດນາມ - ບາເຣນ | |
| ຈຳນວນແຂກທ່ອງທ່ຽວມາຮ່າໂນ້ຍໃນໂອກາດປີໃໝ່ສາກົນ 2023 ເພີ່ມຂຶ້ນຢ່າງແຮງ |
ໃນເວລາເກືອບ 2 ເດືອນຕົ້ນປີ 2023, ຈີນໄດ້ນຳເຂົ້າສິນຄ້າຜ່ານທາງລົດໄຟຈີນ - ລາວເພີ່ມຂຶ້ນທົບ 5 ເທົ່າເມື່ອທຽບໃສ່ໄລຍະດຽວກັນຂອງປີກາຍນີ້.
 |
| ພາບປະກອບ: doanhnghiepvn.vn |
ຈີນນຳເຂົ້າສ່ວນຫຼາຍແມ່ນຖົ່ວລຽນ, ໝາກກ້ວຍ, ຜະລິດຕະພັນກະເສດຈາກລາວ, ໄທ. ນັບແຕ່ເດືອນມີນາ ປີນີ້, ຈີນ ໄດ້ຕົກລົງໃຫ້ ຟີລິບປິນ ສົ່ງອອກຖົ່ວລຽນສົດໄປຍັງປະເທດນີ້ ພາຍຫຼັງນຳເຂົ້າຈາກໄທ ແລະ ຫວຽດນາມ.
ຕາມຕົວເລກຈາກກຸ່ມບໍລິສັດທາງລົດໄຟຈີນ ນັບແຕ່ຕົ້ນປີນີ້, ເສັ້ນທາງລົດໄຟ ຈີນ - ລາວ ໄດ້ຂົນສົ່ງສິນຄ້າກ່ວາ 600.000 ໂຕນ, ໃນນັ້ນໄດ້ນຳເຂົ້າ 510.000 ໂຕນ, ເພີ່ມຂຶ້ນທົບ 5 ເທົ່າເມື່ອທຽບໃສ່ໄລຍະດຽວກັນຂອງປີກາຍນີ້.
ພາຍຫຼັງເຂົ້າຮ່ວມການເຄື່ອນໄຫວເປັນເວລາກ່ວາ 14 ເດືອນ, ເສັ້ນທາງລົດໄຟນີ້ ໄດ້ຂົນສົ່ງສິນຄ້າກ່ວາ 15,6 ລ້ານໂຕນ. ສະຖານີລົດໄຟ Mohan ແມ່ນດ່ານຊາຍແດນລົດໄຟລະດັບຊາດອັນໜຶ່ງດຽວລະຫວ່າງ ຈີນ ກັບ ລາວ. ເວລາຜ່ານດ່ານຢູ່ດ່ານຊາຍແດນ Mohan ເສຍເວລາບໍ່ກາຍ 5 ຊົ່ວໂມງ, ແຕ່ລະວັນມີ 12 ຖ້ຽວ ດ້ວຍສິນຄ້າສົ່ງອອກນຳເຂົ້າກ່ວາ 1.200 ຊະນິດ. ຈີນນຳເຂົ້າຫຼັກແຫຼ່ງແມ່ນຜະລິດຕະພັນກະເສດ, ອາຫານການກິນ, ສົ່ງອອກໄປຍັງລາວ, ໄທ ແມ່ນເຄື່ອງເອເລັກໂຕນິກ, ເຕັກໂນໂລຢີ, ວັດຖຸອຸປະກອນພະລັງງານໃໝ່.
ຍ້ອນບໍ່ມີເສັ້ນທາງທະເລ ດັ່ງນັ້ນເສັ້ນທາງລົດໄຟເຊື່ອມຕໍ່ຈີນ ໄດ້ຊ່ວຍລາວເປີດປະຕູສົ່ງອອກໄປຍັງຕະຫຼາດໃຫຍ່ທີ່ສຸດໃນໂລກ, ເປີດຫຼາຍກາລະໂອກາຍົກລະດັບວົງເງິນການຄ້າລາວ - ຈີນ. ຈາກເສັ້ນທາງລົດໄຟນີ້, ຈີນກໍ່ຈະເຊື່ອມຕໍ່ຕະຫຼາດຊົມໃຊ້ໃນວົງກວ້າງທົ່ວອາຊຽນ ກໍ່ຄືປະກອບສ່ວນຊ່ວຍຈີນມີຄວາມອຸ່ນອຽນໃຈກ໋ຽວກັບຄວາມໝັ້ນຄົງດ້ານສະບຽງອາຫານ.
ບຸນຄົງ
