ການທູດລັດຖະສະພາ ເພື່ອຮັບປະກັນຜົນປະໂຫຍດແຫ່ງຊາດ, ຊົນຊາດ

	ຫວຽດນາມ ແລະ ອິນໂດເນເຊຍ ຍູ້ແຮງການຮ່ວມມືລັດຖະສະພາ
	ຫວຽດນາມ ແລະ ບັນດາການປະກອບສ່ວນເພື່ອການຮ່ວມມືລັດຖະສະພາອາຊີຕາເວັນອອກສ່ຽງໃຕ້

ທ່ານປະທານສະພາແຫ່ງຊາດ ເວືອງດິ່ງເຫວະ ແລະ ບັນດາຜູ້ແທນເຂົ້າຮ່ວມງານວາງສະແດງພາບຖ່າຍ ກ່ຽວກັບການເຄື່ອນໄຫວພົວພັນຕ່າງປະເທດຂອງສະພາແຫ່ງຊາດ (ພາບ:Báo Nhân dân)

ຕອນເຊົ້າວັນທີ 27 ກຸມພາ, ຢູ່ຮ່າໂນ້ຍ, ຄະນະປະຈຳສະພາແຫ່ງຊາດ ຈັດກອງປະຊຸມ ຜັນຂະຫຍາຍວຽກງານການຕ່າງປະເທດ ຂອງ ສະພາແຫ່ງຊາດ ຫວຽດນາມ ປີ 2023. ທ່ານ ປະທານສະພາແຫ່ງຊາດ ຫວຽດນາມ ເວືອງດີ້ງເຫວະ ເຂົ້າຮ່ວມກອງປະຊຸມ.

ກ່າວຄຳເຫັນຢູ່ກອງປະຊຸມ, ທ່ານ ຮອງປະທານສະພາແຫ່ງຊາດ ເຈີນແທງເໝີນ ກ່າວວ່າ ໄລຍະຜ່ານມາ, ສະພາແຫ່ງຊາດ ໄດ້ຫັນບັນດາແຜນນະໂຍບາຍ, ແນວທາງການຕ່າງປະເທດຂອງພັກເປັນລະບອບລະບຽບການ; ຕົກລົງບັນດາບັນຫາສຳຄັນໃນຂົງເຂດການຕ່າງປະເທດ ແລະ ຕິດຕາມວຽກງານປະຕິບັດບັນດານະໂຍບາຍ, ລະບຽບກົດໝາຍກ່ຽວກັບການຕ່າງປະເທດ ແລະ ບັນດາຄຳໝັ້ນສັນຍາສາກົນ ຂອງຫວຽດນາມ; ຕັ້ງໜ້າຜັນຂະຫຍາຍ ບັນດາການເຄື່ອນໄຫວທາງການທູດ ລັດຖະສະພາສອງຝ່າຍ ແລະ ຫຼາຍຝ່າຍ. ໃນໄລຍະທີ່ຈະມາເຖິງ, ທ່ານ ຮອງປະທານ ຜູ້ປະຈຳການ ສະພາແຫ່ງຊາດ ຫວຽດນາມ ເຈິນແທງເໝີນ ໄດ້ສະເໜີ ສືບຕໍ່ເສີມຂະຫຍາຍການທູດລັດຖະສະພາ ເພື່ອຮັບປະກັນຜົນປະໂຫຍດແຫ່ງຊາດ, ຊົນຊາດ. ພິເສດ, ຖືເປັນສຳຄັນ ການທູດເສດຖະກິດ ຮັບໃຊ້ການພັດທະນາ, ຖືເອົາປະຊາຊົນ ແລະ ວິສາຫະກິດເປັນໃຈກາງ; ຟື້ນຟູເສດຖະກິດ - ສັງຄົມ, ປະຕິບັດບັນດາ ເປົ້າໝາຍພັດທະນາເສດຖະກິດ - ສັງຄົມຂອງປະເທດຊາດ ຢ່າງມີໄຊ.