| ສະພາແຫ່ງຊາດ: ຫວຽດນາມ ສ້າງເງື່ອນໄຂສະດວກໃຫ້ແກ່ທຸກນັກລົງທຶນ | |
| ຄະນະປະຈຳສະພາແຫ່ງຊາດ ປຶກສາຫາລືການວາງແຜງຜັງສັງລວມແຫ່ງຊາດ 2021 – 2030, ວິໄສທັດຮອດປິ 2050 |
 |
| ທ່ານຮອງນາຍົກລັດຖະມົນຕີ ເຈິ່ນຮົ່ງຮ່າ ກ່າວຄຳເຫັນທີ່ກອງປະຊຸມ (ພາບ: VOV) |
ຕອນເຊົ້າວັນທີ 24 ກຸມພາ, ຢູ່ນະຄອນ ດົ່ງເຮີຍ, ແຂວງ ກວາງບິ່ງ, ທ່ານຮອງນາຍົກລັດຖະມົນຕີ ຫວຽດນາມ ເຈິນຮົ່ງຮ່າ ໄດ້ເປັນປະທານກອງປະຊຸມປະກອບຄຳເຫັນໃສ່ຮ່າງກົດໝາຍວ່າດ້ວຍທີ່ດິນ (ສະບັບປັບປຸງ) ຂອງ 12 ແຂວງ, ນະຄອນ ຈາກ ແທັງຮວາ ຮອດ ຟູອຽນ.
ທີ່ກອງປະຊຸມ, ຜູ້ຕາງໜ້າບັນດາແຂວງ, ນະຄອນໄດ້ລາຍງານກ່ຽວກັບໝາກຜົນການປະກອບຄຳເຫັນໃສ່ຮ່າງກົດໝາຍວ່າດ້ວຍທີ່ດິນ (ສະບັບປັບປຸງ) ຂອງປະຊາຊົນທຸກຊັ້ນວັນນະ, ບັນດາຂໍ້ຕິດຂັດໃນການປະຕິບັດ. ກ່າວຄຳເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີ ເຈິ່ນຮົ່ງຮ່າ ຢືນຢັນວ່າ, ເລື່ອງປັບປຸງກົດໝາຍດັ່ງກ່າວແມ່ນຈຳເປັນທີ່ສຸດ ເພື່ອແກ້ໄຂສິ່ງຈຳກັດ, ບົກຜ່ອງ, ເສີມຂະຫຍາຍແຫຼ່ງກຳລັງທີ່ດິນ ຕອບສະໜອງການພັດທະນາຂອງປະເທດຊາດໃນໄລຍະໃໝ່.
“ສະພາແຫ່ງຊາດ, ລັດຖະບານ ກຳນົດວ່າ ນີ້ແມ່ນໜ້າທີ່ລວມ, ແມ່ນຄວາມຮັບຜິດຊອບຂອງທັງລະບົບການເມືອງ, ອົງການຄຸ້ມຄອງລັດ, ອົງຄະນະພັກ ແລະ ອຳນາດການປົກຄອງທຸກຂັ້ນ. ເພື່ອໃຫ້ຕິດແທດກັບສະພາບການຕົວຈິງ, ກົດໝາຍຕ້ອງແກ້ໄຂບັນຫາຄວາມຫຍຸ້ງຍາກ, ຂໍ້ຕິດຂັດໃນປະຈຸບັນຂອງທຸກອົງການ, ກົມກອງທ້ອງຖິ່ນ; ກົດໝາຍຕ້ອງວາງອອກຫຼາຍນະໂຍບາຍມີວິໄສທັດຍາວໄກ, ມີລັກສະນະເປັນໄປໄດ້ສູງ, ແກ້ໄຂແຫຼ່ງກຳລັງທີ່ດິນໃຫ້ໄດ້…”
