| ຫວຽດນາມ ຮຽກຮ້ອງເພີ່ມທະວີການຜັນຂະຫຍາຍການເຄື່ອນໄຫວຮັກສາສັນຕິພາບ ສປຊ | |
| ສະພາແຫ່ງຊາດ: ຫວຽດນາມ ສ້າງເງື່ອນໄຂສະດວກໃຫ້ແກ່ທຸກນັກລົງທຶນ |
 |
| ທີ່ການຖະແຫຼງຂ່າວກ່ຽວກັບກອງປະຊຸມສຳມະນາ (ພາບ: dangcongsan.vn) |
ມີຫຼາຍການເຄື່ອນໄຫວສະເຫຼີມສະຫຼອງ 80 ປີແຫ່ງການສ້າງແຜນຮ່າງກ່ຽວກັບວັດທະນະທຳ ຫວຽດນາມ
ວັນທີ 22 ກຸມພາ, ກະຊວງວັດທະນະທຳ, ກິລາ ແລະ ການທ່ອງທ່ຽວ ຫວຽດນາມ ໄດ້ຈັດຕັ້ງການຖະແຫຼງຂ່າວແນະນຳບັນດາການເຄື່ອນໄຫວສະເຫຼີມສະຫຼອງ 80 ປີແຫ່ງວັນສ້າງແຜນຮ່າງກ່ຽວກັບວັດທະນະທຳ ຫວຽດນາມ (1943 - 2023).
ຕາມນັ້ນແລ້ວ, ການເຄື່ອນໄຫວພົ້ນເດັ່ນແມ່ນກອງປະຊຸມສຳມະນາວິທະຍາສາດລະດັບຊາດ “80 ປີແຫ່ງວັນສ້າງແຜນຮ່າງກ່ຽວກັບວັດທະນະທຳ ຫວຽດນາມ (1943 - 2023) - ຕົ້ນກຳເນີດ ແລະ ກຳລັງໜູນພັດທະນາ” ໄດ້ດຳເນີນໃນວັນທີ 27 ກຸມພາ ຢູ່ຮ່າໂນ້ຍ ແລະ ໄດ້ຖ່າຍທອດສົດໄປຍັງ 63 ຈຸດເຊື່ອມຕໍ່ຢູ່ສຳນັກງານແຂວງ, ອົງຄະນະພັກແຂວງ ຫຼື ຄະນະກຳມະການປະຊາຊົນບັນດາແຂວງ, ນະຄອນຂຶຶ້ນກັບສູນກາງ.
ກອງປະຊຸມສຳມະນາໄດ້ເຕື້ອງເຖິງສອງເນື້ອໃນຫຼັກແມ່ນ “ຄຸນດ່າດ້ານທິດສະດີ ແລະ ຕົວຈິງຂອງແຜນຮ່າງກ່ຽວກັບວັດທະນະທຳ ຫວຽດນາມ”, “ວັດທະນະທຳ, ຊາວຫວຽດນາມ - ພື້ນຖານຈິດໃຈ, ກຳລັງໜູນພັດທະນາປະເທດຊາດໃນໄລຍະໃໝ່”. ຜ່ານກອງປະຊຸມສຳມະນາ, ບັນດາຜູ້ແທນໄດ້ສືບຕໍ່ຄົ້ນຄ້ວາ, ເຮັດແຈ້ງ ແລະ ມີຄວາມຮູ້ຢ່າງເລິກເຊິ່ງຕື່ມອີກກ່ຽວກັບບັນດາມູນຄ່າຫຼັກແຫຼ່ງຂອງແຜນຮ່າງກ່ຽວກັບວັດທະນະທຳ ຫວຽດນາມ, ພ້ອມກັນນັ້ນ ກໍ່ໄດ້ຮັບຮູ້ບັນດາບັນຫາທີ່ຄວນເພີ່ມເຕີມ, ປະຕິບັດໃຫ້ສຳເລັດໃນວິວັດການໝູນໃຊ້ຄຸນຄ່າຂອງແຜນຮ່າງ, ຈາກນັ້ນ ສະເໜີບັນດາມາດຕະການແກ້ໄຂເພື່ອແນໃສ່ເສີມຂະຫຍາຍຄຸນຄ່າຂອງເອກະສານເພື່ອເປົ້າໝາຍຟື້ນຟູວັດທະນະທຳ, ສ້າງພື້ນຖານວັດທະນະທຳ ຫວຽດນາມ ທີ່ກ້າວໜ້າ, ເຂັ້ມຂຸ້ນໄປດ້ວຍສີສັນຊາດ.
ຕາມ ທ່ານສາດສະດາຈານ. ປອ ນາງ ຫງວຽນທິທູເຟືອງ, ຫົວໜ້າສະຖາບັນວັດທະນະທຳສິລະປະແຫ່ງຊາດ ຫວຽດນາມ ແລ້ວ, ກອງປະຊຸມສຳມະນາຄັ້ງນີ້ ບໍ່ພຽງແຕ່ຫວນຄືນຂີດໝາຍທີ່ເອກອ້າງທະນົງໃຈໃນ 80 ປີກ່ອນເທົ່ານັ້ນ ຫາກຍັງແມ່ນການສືບຕໍ່ຖ່າຍທອດ. ກະຊວງວັດທະນະທຳ, ກິລາ ແລະ ການທ່ອງທ່ຽວ ຫວັງວ່າ ເຫດການລະດັບຊາດນີ້, ລຸ້ນຄົນເຮັດວຽກງານວັດທະນະທຳໃນມື້ນີ້ ບໍ່ພຽງແຕ່ໄດ້ຫວນຄືນຄວາມໝາຍ, ວິໄສທັດຂອງແຜນຮ່າງທີ່ໄດ້ກຳເນີດແຕ່ 80 ປີກ່ອນເທົ່ານັ້ນ ຫາກຍັງຕັ້ງຫວັງວ່າຈະມີເອກະສານ, ມາດຕະການແກ້ໄຂທີ່ແທດຈິງ ກ່ຽວກັບການພັດທະນາວັດທະນະທຳໃນສະພາບການປັດຈຸບັນ, ປະຕິບັດບົດກ່າວຄຳເຫັນທີ່ສຸດຈິດສຸດໃຈຂອງທ່ານເລຂາທິການໃຫຍ່ ຫງວຽນຝຸຈ້ອງ ຢູ່ກອງປະຊຸມວັດນະທະທົ່ວປະເທດປີ 2021: “ວັດທະນະທຳແມ່ນຈິດໃຈຫຼັກແຫຼ່ງແຫ່ງຊາດ, ວັດນະທຳຍັງຄົງຕົວ ຊົນຊາດກໍ່ຍັງຄົງຕົວ. ວັດນະທະນຳສູນຫາຍ ຊົນຊາດກໍ່ສູນຫາຍ...”
ບຸນຄົງ
