 |
| ທ່ານດັ້ງແທັງເຟືອງ ຮັບເງິນສະໜັບສະໜູນຈາກກຸ່ມນັກປະພັນທີ່ຍາດໄດ້ລາງວັນຄ້ອນຕີ ກ່ຽວຄຳ |
ຕອນບ່າຍວັນທີ 9 ກຸມພາ, ຢູ່ຮ່າໂນ້ຍ, ທ່ານ ດັ້ງແທັງເຟືອງ, ຮອງຫົວໜ້າຄະນະພົວພັນຕ່າງປະເທດ ແລະ ຊາວຫວຽດນາມອາໄສຢູ່ຕ່າງປະເທດ, ຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ຮັບການອຸປະຖຳຈາກບັນດານັກປະພັນທີ່ຍາດໄດ້ລາງວັນຄ້ອນຕີ ກ່ຽວຄຳ: ທ່ານ Steve ບຸຍ ແລະ ທ່ານນາງ ໂງເຟີມເຈິນ ເປັນຈຳນວນເງິນ 50 ລ້ານດົ່ງໃຫ້ກອງທຶນສູນກາງ “ເພື່ອຄົນທຸກຍາກ”.
ຜົນງານ “ຈາກບັນດາການວາງແຜນຜັງເຂດທີ່ຕ້ອງຈັດຕັ້ງພື້ນທີ່ພັດທະນາປະເທດ” ຂອງກຸ່ມນັກປະພັນທ່ານ Steve ບຸຍ ແລະ ທ່ານນາງ ໂງເຟີມເຈິນ ທີ່ລົງພິມໃນວາລະສານ Times ໄດ້ຮັບລາງວັນ “ຜົນງານດີເດັ່ນຂອງນັກປະພັນເປັນຊາວຫວຽດນາມຢູ່ຕ່າງປະເທດ” ຢູ່ທີ່ລາງວັນຄ້ອນຕີ ກ່ຽວຄຳ ຄັ້ງທີ VII ປີ 2022. ເງິນລາງວັນທັງໝົດໂດຍກຸ່ມນັກປະພັນຈະອຸປະຖຳໃຫ້ກອງທຶນສູນກາງ “ເພື່ອຄົນທຸກຍາກ”.
ໂດຍການມອບຈຳນວນເງິນດັ່ງກ່າວໃຫ້ຄະນະກຳມະການສູນກາງແນວໂຮມປະເທດຊາດ ຫວຽດນາມ, ທ່ານນາງ ໂງເຟີມເຈິນ, ປະທານສະມາຄົມພັດທະນາເສດຖະກິດ ວັດທະນະທຳ ການສຶກສາ ໄຕ້ຫວັນ - ຫວຽດນາມ, ຜູ້ຕາງໜ້າກຸ່ມນັກປະພັນແບ່ງປັນວ່າ ນີ້ແມ່ນນ້ຳໃຈຂອງຊາວຫວຽດນາມອາໄສຢູ່ຕ່າງປະເທດ, ໂດຍປາດຖະໜາຢາກປະກອບສ່ວນເພີ່ມເຕີມດ້ານແຫຼ່ງກຳລັງໜູນຊ່ວຍຄົນທຸກຍາກຜ່ານຜ່າຄວາມຫຍຸ້ງຍາກ ແລະ ບືນຕົວຂຶ້ນໃນການດຳລົງຊີວິດປະຈຳວັນ.
ກ່າວຄຳເຫັນທີ່ພິທີມອບລາງວັນ, ທ່ານ ດັ້ງແທັງເຟືອງ, ຮອງຫົວໜ້າກົມພົວພັນຕ່າງປະເທດ ແລະ ຊາວຫວຽດນາມອາໄສຢູ່ຕ່າງປະເທດ ຄະນະກຳມະການສູນກາງແນວໂຮມປະເທດຊາດ ຫວຽດນາມ ໃຫ້ຮູ້ວ່າ: ເລື່ອງທ່ານ Steve ບຸຍ ແລະ ທ່ານ ໂງເຟິມເຈິນ ຍາດໄດ້ລາງວັນຄ້ອນຕີ ແລະ ກ່ຽວຄຳຄັ້ງທີ ປີ 2022 ແມ່ນເຫດການທີ່ມີຄວາມໝາຍອັນຍິ່ງໃຫຍ່. ສິ່ງນີ້ສະແດງໃຫ້ເຫັນວ່າ ຊາວຫວຽດນາມອາໄສຢູ່ຕ່າງປະເທດ ນັບມື້ນັບມີການສະໜິດຕິດພັນກັບບ້ານເກີດເມືອງນອນ, ກາຍເປັນແຫຼ່ງກຳລັງສຳຄັນ, ປະກອບສ່ວນຢ່າງຕັ້ງໜ້າເຂົ້າໃນພາລະກິດແຫ່ງການສ້າງສາ ແລະ ປົກປັກຮັກສາປະເທດຊາດ.
ໂດຍສະແດງຄວາມຂອບໃຈຕໍ່ນ້ຳໃຈຂອງຊາວຫວຽດນາມອາໄສຢູ່ຕ່າງປະເທດສອງທ່ານນີ້, ທ່ານ ດັ້ງແທັງເຟືອງ ຢັ້ງຢືນວ່າ ເມື່ອປະສົບກັບຄວາມຫຍຸ້ງຍາກ, ໄພອັນຕະລາຍ, ມູນເຊື້ອສາມັກຄີ, ການຮັກແພງຊ່ວຍເຫຼືອເຊິ່ງກັນແລະກັນ ຍິ່ງໄດ້ສະແດງໃຫ້ເຫັນຢ່າງເລິກເຊິ່ງຈາກບັນດາຊາວຫສຽດນາມ ກໍ່ຄືຊາວຫວຽດນາມອາໄສຢູ່ຕ່າງປະເທດ ຜ່ານບັນດາການກະທຳອັນສູງສົ່ງ, ການສະໜັບສະໜູນທາງດ້ານວັດຖຸ ແລະ ຈິດໃຈໃຫ້ແກ່ປະຊາຊົນພາຍໃນປະເທດເພື່ອຜ່ານຜ່າຄວາມຫຍຸ້ງຍາກ.
ບຸນຄົງ
