| ຫວຽດນາມ ແລະ ລາຊະອານາຈັກ ອັງກິດ ຊຸກຍູ້ການຮ່ວມມືກ່ຽວກັບເຕັກໂນໂລຢີການສຶກສາ | |
| ໄຂງານວາງສະແດງປ້ອງກັນຊາດສາກົນ ຫວຽດນາມ 2022 |
 |
| ທ່ານເອກອັກຄະລັດຖະທູດ ເລວຽດຢວຽນ ແລະ ທ່ານ ພົນຈັດຕະວາ Vicente Javier Mandujano Acevedo ທູດການທະຫານ ສະຖານທູດເມັກຊີໂກ ປະຈຳ ເວເນຊູເອລາ |
ແນະນຳກ່ຽວກັບນະໂຍບາຍການພົວພັນຕ່າງປະເທດ ແລະ ປ້ອງກັນຊາດຂອງ ຫວຽດນາມ ຢູ່ ເວເນຊູເອລາ
ທ່ານເອກອັກຄະລັດຖະທູດ ເລວຽດຢວຽນ ເນັ້ນໜັກວ່າ ນະໂຍບາຍການຕ່າງປະເທດຂອງ ຫວຽດນາມ ໄດ້ປະກອບສ່ວນສ້າງເງື່ອນໄຂສະດວກເພື່ອສ້າງສາ ແລະ ປົກປັກຮັກສາປະເທດຊາດ.
ເຂົ້າຮ່ວມເຫດການ ມີທ່ານ ທ່ານເອກອັກຄະລັດຖະທູດ ເລວຽດຢວຽນ; ທູດການທະຫານ ຫວຽດນາມ ປະຈຳ ເວເນຊູເອລາ ທ່ານພັນເອກ ຫວູເທຈຸງ.
ສ່ວນແຂກຖືກເຊີນ ມີການເຂົ້າຮ່ວມຂອງຜູ້ຕາງໜ້າກະຊວງປ້ອງກັນຊາດ ເວເນຊູເອລາ, ທູດການທະຫານບາງປະເທດປະຈຳ ເວເນຊູເອລາ ຄື: ເມັກຊີໂກ, ລັດເຊຍ, ຈີນ, ໂຮນລັງ, ອີຣານ , ກູບາ, ອູຣູກວາຍ…
ພາຍຫຼັງແນະນຳກ່ຽວກັບປະເທດຊາດ, ປະຊາຊົນ ແລະ ບັນດາໜ້າປະຫວັດສາດທີ່ອົງອາດກ້າຫານຂອງຊາດ ຫວຽດນາມ, ກໍ່ຄືບັນດາຜົນສຳເລັດທີ່ບັນລຸໄດ້ໃນວິວັດການສ້າງສາ ແລະ ປົກປັກຮັກສາປະເທດຊາດ, ທ່ານເອກອັກຄະລັດຖະທູດ ເລວຽດຢວຽນ ໄດ້ເນັກນັກເຖິງນະໂຍບາຍການຕ່າງປະເທດຂອງ ຫວຽດນາມ ທີ່ສວມບົດບາດສຳຄັນໃນການກໍ່ສ້າງ ແລະ ເພີ່ມທະວີການພົວພັນທາງການທູດເພື່ອເຊື່ອມໂຍງເຂົ້າກັບສາກົນ ສ້າງເງື່ອນໄຂສະດວກເພື່ອສ້າງສາ ແລະ ປົກປັກຮັກສາປະເທດຊາດ, ຍົກສູງທີ່ຕັ້ງຂອງ ຫວຽດນາມ ບົນເວທີສາກົນ.
ທ່ານເອກອັກຄະລັດຖະທູດ ເລວຽດຢວຽນ ກໍ່ຍົກໃຫ້ເຫັນຢ່າງຈະແຈ້ງກ່ຽວກັບບາງຈຸດສຸມໃນນະໂຍບາຍການພົວພັນຕ່າງປະເທດ ໂດຍກອງປະຊຸມໃຫຍ່ຄັ້ງທີ 13 ຂອງພັກວາງອອກຄື: ປະຕິບັດນະໂຍບາຍການທູດທີ່ເປັນເອກະລາດ, ເປັນເຈົ້າຕົນເອງ, ສັນຕິພາບ, ການຮ່ວມມື, ພັດທະນາ, ຫັນເປັນຫຼາຍຮູບແບບ, ຫັນບັນດາການພົວພັນຕ່າງປະເທດເປັນທັນສະໄໝ, ຊຸກຍູ້ບົດບາດນຳໜ້າຂອງການພົວພັນທາງການທູດໃນການກໍ່ສ້າງ ແລະ ຮັກສາສະພາບແວດລ້ອມແຫ່ງສັນຕິພາບ, ມີສະຖຽນລະພາບ, ກໍ່ສ້າງພື້ນຖານການທູດຢ່າງຮອບດ້ານ, ທັນສະໄໝ, ອີງຕາມ 3 ເສົາຄ້ຳຫຼັກ ລວມມີ ການພົວພັນຕ່າງປະເທດພັກ, ການຕ່າງປະເທດລັດ ແລະ ການທູດປະຊາຊົນ.
ສ່ວນທ່ານ ພັນເອກ ຫວູເທ໊ຈູງ ໄດ້ແນະນຳບາງຂໍ້ມູນກ່ຽວກັບປຶ້ມປົກຂາວປ້ອງກັນຊາດ ຫວຽດນາມ ຄື ໂຄງປະກອບການຈັດຕັ້ງ, ນະໂຍບາຍການປ້ອງກັນຊາດ ແລະ ການພົວພັນຕ່າງປະເທດປ້ອງກັນຊາດ.
ບັນດາຂໍ້ມູນໄດ້ຮັບການແນະນຳຢູ່ລາຍການໄດ້ຊ່ວຍໃຫ້ບັນດາຜູ້ແທນທີ່ເຂົ້າຮ່ວມ ມີຄວາມເຂົ້າໃຈຢ່າງເລິກເຊິ່ງງກ່ຽວກັບປະເທດຊາດ ແລະ ຊາວຫວຽດນາມ, ກໍ່ຄືນະໂຍບາຍການຕ່າງປະເທດ, ການປ້ອງກັນຊາດຂອງ ຫວຽດນາມ, ປະກອບສ່ວນເພີ່ມທະວີຄວາມໄວ້ເນື້ອເຊື່ອໃຈເຊິ່ງກັນແລະກັນ ກໍ່ຄືເພີ່ມທະວີກາລະໂອກາດໃນການພົບປະແລກປ່ຽນ, ຮ່ວມມືລະຫວ່າງບັນດາປະເທດກັບຫວຽດນາມ.
ບຸນຄົງ
