| ຫວຽດນາມ ໄດ້ຮັບຕຳແໜ່ງສຳຄັນໃນສະມາຄົມຕຳຫຼວດບັນດາປະເທດ ອາຊຽນ | |
| ເວທີປາໄສທະເລ ອາຊຽນ ຄັ້ງທີ 12 ແລະ ເວທີປາໄສທະເລ ອາຊຽນ ເປີດກ້ວາງຄັ້ງທີ 10 |
ຫວ່າງມໍ່ໆມານີ້ 2023, ຢູ່ນະຄອນຫຼວງ Ankara, ປະເທດ ຕວກກີ, ຄະນະກຳມະການ ອາຊຽນ ຢູ່ Ankara (AAC) ໄດ້ຈັດພິທີມອບຮັບບົດບາດເປັນປະທານໜູນວຽນ AAC ຈາກທ່ານເອກອັກຄະລັດຖະທູດໄທ ໃຫ້ແກ່ ທ່ານເອກອັກຄະລັດຖະທູດຫວຽດນາມ ປະຈຳຕວກກີ ໂດເຊີນຫາຍ.
ກ່າວຄຳເຫັນທີ່ການຮັບຕຳແໜ່ງເປັນປະທານ AAC, ຕາງໜ້າໃຫ້ ເອກອັກຄະລັດຖະທູດບັນດາປະເທດ ອາຊຽນ, ທ່ານເອກອັກຄະລັດຖະທູດ ໂດເຊີນຫາຍ ໄດ້ສະແດງຄວາມຊົມເຊີຍ ໄທ ແລະ ທ່ານເອກອັກຄະລັດຖະທູດ Apirat ທີ່ໄດ້ປະຕິບັດໜ້າທີ່ເປັນປະທານໝູນວຽນ AAC ຢ່າງສຳເລັດຜົນ (ກໍລະກົດ - ທັນວາ 2022).
 |
ຫວຽດນາມ ຮັບຕຳແໜ່ງເປັນປະທານໜູນວຽນ ຄະນະກຳມະການ ອາຊຽນ ຢູ່ ຕວກກີ. (ພາບ: baoquocte) |
ຫຼາຍການເຄື່ອນໄຫວໄດ້ຮັບໝາກຜົນຢ່າງຕັ້ງໜ້າ, ເຊັ່ນ: ການພົບປະລະຫວ່າງເອກອັກຄະລັດຖະທູດ ແລະ ລັດຖະມົນຕີກະຊວງສຶກສາ ຕວກກີ, ເຮັດວຽກກັບບັນດາການນຳທ້ອງຖິ່ນ Izmir ກ່ຽວກັບການເຊື່ອມຕໍ່ເສດຖະກິດ ແລະ ການລົງທຶນ, ການຈັດຕັ້ງສັບປະດາອາຊຽນ ຢູ່ນະຄອນຫຼວງ Ankara... ໄດ້ຊ່ວຍຍົກສູງພາບພົດຂອງສະມາຄົມອາຊຽນ ໃຫ້ປະຊາຊົນຕວກກີ, ເສີມຂະຫຍາຍ ແລະ ຊຸກຍູ້ການຮ່ວມມືລະຫວ່າງສະຖານທູດອາຊຽນ ແລະ ອົງການຈັດຕັ້ງທ້ອງຖິ່ນ ແລະ ວິສາຫະກິດປະເທດປະຈຳຖິ່ນ.
ທ່ານເອກອັກຄະລັດຖະທູດບັນດາປະເທດ ໄດ້ສະແດງຄວາມຊົມເຊີຍສະຖານທູດຫວຽດນາມ ແລະ ທ່ານເອກອັກຄະລັດຖະທູດ ໂດເຊີນຫາຍ ໃນບົດບາດ ແລະ ໜ້າທີ່ໃໝ່ຢູ່ Ankara ແລະ ເຊື່ອໝັ້ນວ່າ ຫວຽດນາມ ຈະສຳເລັດວຽກງານເປັນຢ່າງດີ ແລະ ຢືນຢັນຈະຮ່ວມມືຢ່າງແໜ້ນແຟ້ນໃນວຽກງານຮ່ວມຂອງ AAC.
 | |
|
ພາຍຫຼັງພິທີມອບຮັບ, ທ່ານເອກອັກຄະລັດຖະທູດ ໂດເຊີນຫາຍ ໄດ້ເປັນປະທານກອງປະຊຸມຄັ້ງທຳອິດຂອງ AAC ໃນອາຍຸປະຈຳການ (ມັງກອນ – ມິຖຸນາ, 2023) ເພື່ອເຫັນດີກັບບັນດາເອກອັກຄະລັດຖະທູດອື່ນໆ ກ່ຽວກັບບັນດາການເຄື່ອນໄຫວຂອງ AAC ໃນໄລຍະຈະມາເຖິງ.
ທີ່ການພົບປະ, ທ່ານເອກອັກຄະລັດຖະທູດ ໂດເຊີນຫາຍ ໄດ້ສະເໜີ 3 ຂໍ້ຕົ້ນຕໍເພື່ອແນໃສ່ສຸມໃສ່, ໃນນັ້ນມີສະພາບການເລືອກຕັ້ງປີ 2023 ຢູ່ ຕວກກີ, ເພີ່ມທະວີການພົວພັນ ອາຊຽນ - ຕວກກີ, ເພີ່ມທະວີການພົວພັນພາຍໃນລະຫວ່າງ ອາຊຽນ.
ຄຳຮຸ່ງ
