| ເພີ່ມທະວີການສະໜິດຕິດພັນໃນປະຊາຄົມຊາວຫວຽດນາມ ອາໄສຢູ່ຍີ່ປຸ່ນ | |
| ເພີ່ມພູນຄູນສ້າງນ້ຳໃຈມິດຕະພາບ ຫວຽດນາມ - ກູບາ |
 |
| ຊາວຫວຽດນາມອາໄສຢູ່ຕ່າງປະເທດກັບເມືອປະເທດ (ພາບ: nhandan.vn) |
ເພີ່ມທະວີການສື່ສານນະໂຍບາຍໃຫ້ແກ່ຊາວຫວຽດນາມ ອາໄສຢູ່ຕ່າງປະເທດ
ການສື່ສານນະໂຍບາຍໃຫ້ແກ່ຊາວຫວຽດນາມ ອາໄສຢູ່ຕ່າງປະເທດແມ່ນໜ້າທີ່ສຳຄັນຊ່ວຍຊາວຫວຽດນາມອາໄສຢູ່ຕ່າງປະເທດມີຄວາມເຂົ້າໃຈແຈ້ງ, ຖືກຕ້ອງກ່ຽວກັບແຜນນະໂຍບາຍ, ແນວທາງຂອງພັກ, ນະໂຍບາຍ, ກົດໝາຍຂອງລັດ, ປະກອບສ່ວນເຂົ້າໃນການປົກປ້ອງພື້ນຖານແນວຄິດຂອງພັກໃນຂົງເຂດຖະແຫຼງການການຕ່າງປະເທດ.
ກົງກັນຂ້າມ, ເມື່ອຊາວຫວຽດນາມ ກຳໄດ້ເນື້ອໃນນະໂຍາບາຍແມ່ນຈະສາມາດເຂົ້າຮ່ວມການປະກອບຄຳເຫັນ, ຕີລາຄາ, ມີຄວາມຮັບຮູ້ຢ່າງເລິກເຊິ່ງກ່ວາອີກກ່ຽວກັບຄວາມຮັບຜິດຊອບຂອງຕົນຕໍ່ບ້ານເກີດເມືອງນອນ, ປະເທດຊາດ, ຊ່ວຍປັບປຸງ, ເພີ່ມເຕີມ, ສ້າງນະໂຍບາຍ, ລະບອບລະບຽບການໃຫ້ສົມບູນແບບ, ປະກອບສ່ວນຕິດພັນກຸ່ມກ້ອນມະຫາສາມັກຄີທົ່ວປວງຊົນທັງຊາດຢ່າງແໜ້ນແຟ້ນ… ໃນສະພາບການບັນດາອິດທິກຳລັງເປັນປໍລະປັກນຳໃຊ້ທຸກກົມອຸບາຍ ເພື່ອແນໃສ່ບິດເບືອນລະບົບກົດໝາຍ ແລະ ພາລະກິດແຫ່ງການສ້າງສາລັດແຫ່ງກົດໝາຍສັງຄົມນິຍົມຢູ່ ຫວຽດນາມ, ໜ້າທີ່ນີ້ຍິ່ງມີຄວາມຮີບດ່ວນ.
ຊຸມປີຜ່ານມາ, ເຖິງວ່າດຳລົງຊີວິດ, ກໍ່ຮ່າງສ້າງຕົວໃນທົ່ວໂລກ, ປະຊາຄົມຊາວຫວຽດນາມອາໄສຢູ່ຕ່າງປະເທດ ຍາມໃດກໍ່ອວ່າຍໜ້າເມື່ອຫາບ້ານເກີດເມືອງນອນ ແລະ ການປະກອບສ່ວນບັນດາແຫຼ່ງກຳລັງກ່ຽວກັບເສດຖະກິດ, ພູນປັນຍາໃຫ້ແກ່ປະເທດຊາດຢ່າງຕັ້ງໜ້າ. ສິ່ງນີ້ໄດ້ສົ່ງຜົນກະທົບບໍ່ແມ່ນໜ້ອຍຕໍ່ການພັດທະນາຂອງ ຫວຽດນາມ ໃນຫຼາຍຂົງເຂດ ໂດຍບໍ່ຫົວຊາຕໍ່ການຜັນແປທີ່ສັບສົນຫຼາຍຢ່າງ, ຍາກທີ່ຈະຄາດຄະເນລ່ວງໜ້າໄດ້. ໂດຍສະເພາະໃນໄລຍະປະເທດຕ້ອງປະເຊີນໜ້າກັບພະຍາດໂຄວິດ - 19, ປະຊາຄົມຊາວຫວຽດນາມ ອາໄສຢູ່ຕ່າງປະເທດໄດ້ປະກອບເງິນເປັນຈຳນວນ 80 ຕື້ດົ່ງ, ວັດຖຸອຸປະກອນການແພດ ທີ່ມີມູນຄ່ານັບສິບລ້ານ USD.
ດ້ວຍກຄວາມເອົາໃຈໃສ່, ຊີ້ນຳຢ່າງຕັ້ງໜ້າ ແລະ ທັນການຂອງພັກ, ລັດ ການເຄື່ອນໄຫວໂຄສະນາເຜີຍແຜ່ນະໂຍບາຍກົດໝາຍໃຫ້ແກ່ຊາວຫວຽດນາມອາໄສຢູ່ຕ່າງປະເທດ ບັນລຸໄດ້ໝາກຜົນທີ່ຕັ້ງໜ້າຫຼາຍຢ່າງ, ຮັບປະກັນການຖະແຫຼງຂ່າວຫຼາຍແງ່ມູນ, ພາວະວິໄສ, ທາງການ, ຊັດເຈັນ ແລະ ຄົບຖ້ວນ.
ພັກ ແລະ ລັດເຮົາຍາມໃດກໍ່ເອົາໃຈໃສ່ເປັນພິເສດເຖິງການຮັບປະກັນ, ປົກປ້ອງສິດທິມະນຸດຂອງຊາວຫວຽດາມ ທີ່ພວມດຳລົງຊີວິດ, ຮ່ຳຮຽນ, ເຮັດວຽກຢູ່ຕ່າງປະເທດ, ສ້າງເງື່ອນໄຂ, ກາລະໂອກາດໃຫ້ແກ່ພໍ່ແມ່ປະຊາຊົນທີ່ຢູ່ໄກປະເທດຊາດ ອຸ່ນອ່ຽນໃຈ, ປະກອບສ່ວນເຂົ້າໃນການສ້າງສາປະເທດຊາດ. ພ້ອມທັງ, ວຽກງານໂຄສະນານະໂຍບາຍ, ກົດໝາຍກ່ຽວກັບຊາວຫວຽດນາມອາໄສຢູ່ຕ່າງປະເທດ ຍັງພິສູດໃຫ້ເຫັນວ່າ ຊາວຫວຽດນາມອາໄສຢູ່ຕ່າງປະເທດຍາມໃດກໍ່ແມ່ນພາກສ່ວນທີ່ບໍ່ສາມາດຕັດແຍກອອກຈາກກັບບ້ານເກີດເມືອງນອນ, ປະເທດຊາດໄດ້.
ບຸນຄົງ
