| ຫວຽດນາມ ຍາດໄດ້ຄວາມເຊື່ອໝັ້ນຂອງສາກົນ ຍ້ອນມີການປະກອບສ່ວນຢ່າງມີຄວາມຮັບຜິດຊອບ | |
| ຫວຽດນາມ ບັນລຸໄດ້ຄວາມຄືບໜ້າຫຼາຍຢ່າງໃນເປົ້າໝາຍລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ |
 |
| ພາບປະກອບ: dangcongsan.vn |
Traverller ມີຄວາມປະທົບໃຈຕໍ່ທິວທັດທຳມະຊາດ ແລະ ອາຫານຫວຽດ
ຕາມການຕີລາຄາຂອງ Traverller, ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ແມ່ນຈຸດນັດພົບທີ່ດີໃນປີ 2023. ອາຫານ ເຝີ ແລະ ບັ້ນກວນ ຂອງຫວຽດນາມ ກໍ່ໄດ້ຮັບການຍ້ອງຍໍຈາກວາລະສານນີ້.
ເຂດທົ່ງພຽງແມ່ນ້ຳຂອງທາງພາກໃຕ້ - 1 ໃນ 25 ສະຖານທີ່ນັດພົບທີ່ດີທີ່ສຸດໃນປີ 2023
ຕາມ Traverllerແລ້ວ, ປີ 2023 ແມ່ນລະດູເກັບກ່ຽວສຳລັບຂະແໜງທ່ອງທ່ຽວ. ໃນໂລກມີສະຖານທີ່ນັດພົບເພື່ອຄົ້ນຫາຫຼາຍແຫ່ງ. ວາລະສານນີ້ກໍ່ໄດ້ຮັບການຄັດເລືອກແມ່ນ 25 ສະຖານທີ່ດີທີ່ສຸດສຳລັບແຂກທ່ອງທ່ຽວທີ່ມັກໃນການຄົ້ນຫາໃນປີ 2023, ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ນອນໃນບັນຊີລາຍຊື່ນີ້.
Traverller ໃຫ້ຮູ້ວ່າ ແຂກທ່ອງທ່ຽວຈະມີຫຼາຍວິທີການທີ່ແຕກຕ່າງກັນເພື່ອຄົ້ນຫາເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ. ມາເຂດທົ່ງພຽງທີ່ມັ່ງຄັ່ງຂອງ ຫວຽດນາມ, ແຂກທ່ອງທ່ຽວສາມາດລ່ອງເຮືອຊົມວິວຕາມແມ່ນຳ ດ້ວຍການຄັດເລືອກທີ່ເປັນຫຼາຍຮູບແບບແຕ່ຮູບແບບເປັນກັນເອງຕະຫຼອດຮອດລະດັບສູງ. ຈາກນະຄອນໂຮ່ຈີມິນ ກໍ່ມີ ຫຼາຍ Tour ທ່ອງທ່ຽວໄປມາໃນວັນເພື່ອໃຫ້ແຂກທ່ອງທ່ຽວໄດ້ເລືອກຊົມໃຊ້.
ບໍ່ວ່າການຄັດເລືອກຂອງເພື່ອນແມ່ນຫຍັງ, ນີ້ຈະແມ່ນໜຶ່ງໃນບັນດາເຂດທີ່ດີທີ່ສຸດໃນໂລກ ເພື່ອຄົ້ນຫາ, ເຕັມໄປດ້ວຍພື້ນຖານວັດນະທະນຳທີ່ເປັນເອກະລັກສະເພາະ. ເຂດທົ່ງພຽງແມ່ນ້ຳຂອງທາງພາກໃຕ້ ດ້ວຍສະຖານທີ່ແມ່ນ້ຳລຳເຊຄື: ເກິ່ນເທີ, ວິງລອງ, ກ໋າຍແບ່ ແລະ ເບັ້ນແຈ, ມີພື້ນຖານອາຫານການກິນທີ່ດີເລີດ, ເຂດຕະຫຼາດທີ່ອຸດົມສົມບູນ, ພ້ອມກັບຄວາມຮູ້ສຶກສະບາຍ, ອາດຈະແມ່ນການຄັດເລືອກທີ່ດີສຳລັບຜູ້ນິຍົມການຜະຈົນໄພ" Traverller ໃຫ້ຂໍ້ສັງເກດ.
ເຝີ ແລະ ບັນກວນ - ເຍື່ອງອາຫານທີ່ແຊບ ແລະ ຕ້ອງໄດ້ຊິມ
ເມື່ອຕີລາຄາກ່ຽວກັບເຝີຂອງ ຫວຽດນາມ, Traverller ເນັ້ນໜັກວ່າ “ເຝີແມ່ນເຍື່ອງອາຫານທີ່ສຸດຍອດທີ່ສຸດຂອງ ຫວຽດນາມ ທີ່ສະຫງວນໃຫ້ແກ່ໂລກ, ໃນບັນດາຈຳນວນເຍື່ອງອາຫານທີ່ແຊບຢູ່ ຫວຽດນາມ”.
Traverller ໃຫ້ຂໍ້ສັງເກດວ່າ ເມື່ອເຕື້ອງເຖິງເຍື່ອງອາຫານປະເພດນ້ຳທີ່ແຊບທີ່ສຸດໃນໂລກ, ທຸກຄົນອາດຈະຄິດເຖິງ ໝີ່ ຣາແມນ, ເຂົ້າປຸ້ນ laksa, ນ້ຳຊູບອາຫານທະເລ ແບບຝລັ່ງ bouillabaisse. ແຕ່ເຝີ - ເຍື່ອງອາຫານທີ່ມີຊື່ສຽງທີ່ສຸດ ຫວຽດນາມ ຍາມໃດກໍ່ນອນໃນບັນຊີລາຍຊື່ນີ້.
ເຝີແມ່ນຂອງຂວັນດີທີ່ສຸດເຊິ່ງ ຫວຽດນາມ ສົ່ງມາໃຫ້ທຸກຄົນໃນໂລກ ໃນຈຳນວນເຍື່ອງອາຫານທີ່ແຊບໆຫຼາຍເຍື່ອງຂອງຫວຽດນາມ. ເຍື່ອງອາຫານນີ້ມີກິ່ນຫອມທີ່ເປັນເອກະລັກສະເພາະ, ພ້ອມກັບວິທີການປຸງແຕ່ງທີ່ລະອຽດລະອໍ ແມ່ນການປະສົມປະສານທີ່ດີເລີດຂອງວັດຖຸດິບຊະນິດຕ່າງໆ.
ກ່ອນໜ້ານັ້ນ, Traverller ກໍ່ໄດ້ສະເໜີບັນກວນແມ່ນ 1 ໃນ 10 ເຍື່ອງອາຫານທີ່ມີຄວາມດຶງດູດໃຈ ເຊິ່ງແຂກທ່ອງທ່ຽວບໍ່ອາດຄອງຄອຍໄດ້ຮັບປະທານໃນປີ 2023.
ບຸນຄົງ
