| ຫວຽດນາມ ຍັງຄົງຢືນຢູ່ອັນດັບທີໜຶ່ງໃນໂລກກ່ຽວກັບການສົ່ງອອກໝາກພິກໄທ | |
| ນຳການພົວພັນຄູ່ຮ່ວມມື ແລະ ຮ່ວມມືຍຸດທະສາດ ຫວຽດນາມ - ຝລັ່ງ ໄປສູ່ໄລຍະພັດທະນາໃໝ່ |
 |
| ທ່ານເອກອັກຄະລັດຖະທູດອົດສະຕາລີ ປະຈຳຫວຽດນາມ Andrew Goledzinowski (ພາບ: ສະຖານທູດ ອົດສະຕາລີ ປະຈຳ ຫວຽດນາມ) |
ຫວຽດນາມ - ໜຶ່ງໃນບັນດາຄູ່ຮ່ວມມືສອງຝ່າຍສຳຄັນທີ່ສຸດຂອງ ອົດສະຕາລີ
ທ່ານເອກອັກຄະລັດຖະທູດອົດສະຕາລີ ປະຈຳຫວຽດນາມ Andrew Goledzinowski ໃຫ້ຂໍ້ສັງເກດວ່າ ການພົວພັນສອງຝ່າຍລະຫວ່າງສອງປະເທດສືບຕໍ່ພັດທະນານັບມື້ນັບເຂັ້ມແຂງ ແລະ ປັດຈຸບັນ ຫວຽດນາມ ໄດ້ຮັບຖືວ່າແມ່ນໜຶ່ງໃນບັນດາຄູ່ຮ່ວມມືສຳຄັນທີ່ສຸດຂອງອົດສະຕາລີ.
ຫວຽດນາມ ພວມຢູ່ບ່ອນໃດໃນນະໂຍບາຍການຕ່າງປະເທດຂອງອົດສະຕາລີ, ຮຽນທ່ານເອກອັກຄະລັດຖະທູດ?
ນັບແຕ່ເວລາສ້າງຕັ້ງການພົວພັນທາງການທູດ ເມື່ອປີ 1973, ອົດສະຕາລີ ແລະ ຫວຽດນາມ ໄດ້ສ້າງການພົວພັນຢ່າງແຮງ ແລະ ຍືນຍົງ ດ້ວຍຜົນປະໂຫຍດທີ່ເປັນຫຼາຍຮູບແບບ ແລະ ນັບມື້ນັບເພີ່ມຂຶ້ນ. ການພົວພັນສອງຝ່າຍລະຫວ່າງສອງປະເທດສືບຕໍ່ມີການພັດທະນາຢ່າງແຮງ ແລະ ແລະ ປັດຈຸບັນ ຫວຽດນາມ ໄດ້ຮັບຖືວ່າແມ່ນໜຶ່ງໃນບັນດາຄູ່ຮ່ວມມືສຳຄັນທີ່ສຸດຂອງອົດສະຕາລີ.
ໃນຊຸມປີມໍ່ໆມານີ, ການຮ່ວມມືລະຫວ່າງສອງປະເທດໄດ້ເປີດກວ້າງໂດຍໄວ. ໂດຍບໍ່ຫົວຊາຕໍ່ບັນດາຄວາມຫຍຸ້ງຍາກຈາກພະຍາດໂຄວິດ - 19, ພວກເຮົາສືບຕໍ່ເຫັນປະຈັກຕາກຳລັງໜູນພັດທະນາຢ່າງແຮງໃນຫຼາຍດ້ານຂອງການພົວພັນສອງຝ່າຍ. ການພົວພັນເສດຖະກິດຂອງອົດສະຕາລີ ກັບ ຫວຽດນາມ ແມ່ນມີຄວາມຂະຫຍັນຂັນເຄື່ອນ ແລະ ພວມພັດທະນາ, ແມ່ນພື້ນຖານໃຫ້ແກ່ການພົວພັນຄູ່ຮ່ວມມືຍຸດທະສາດ. ໃນປີ 2022, ອົດສະຕາລີ ໄດ້ກາຍເປັນຄູ່ຮ່ວມມືການຄ້າໃຫຍ່ອັນດັບທີ 10 ຂອງ ຫວຽດນາມ ແລະ ພວກຂ້າພະເຈົ້າໃຫ້ຄຳໝັ້ນສັນຍາວ່າຈະຊຸກຍູ້ບັນດາກາລະໂອກາດທາງການຄ້າ ແລະ ການລົງທຶນໃຫ້ແກ່ສອງປະເທດຢ່າງແຮງກ່ວາອີກ.
ປີ 2018, ຫວຽດນາມ - ອົດສະຕາລີ ໄດ້ເຊັນສັນຍາຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດ, ສຸມໃສ່ 3 ເສົາຄ້ຳຫຼັກ. ທ່ານເອກອັກຄະລັດຖະທູດ ແບ່ງປັນກ່ຽວກັບ 3 ເສົາຄ້ຳຮ່ວມມືນີ້ຕື່ມອີກໄດ້ບໍ່?
ປີ 2018 ແມ່ນປີຂີດໝາຍສຳຄັນ. ການພົວພັນຄູ່ຮ່ວມມືຍຸດທະສາດສ້າງໂຄງປະກອບໂດຍພື້ນຖານເພື່ອຊຸກຍູ້ການພົວພັນຄູ່ຮ່ວມມືສອງຝ່າຍ ແລະ ສຸມໃສ່ 3 ຂົງເຂດບຸລິມະສິດ: ເພີ່ມທະວີການຮ່ວມມືດ້ານເສດຖະກິດ; ເຮັດໃຫ້ການພົວພັນຮ່ວມມືຍຸດທະສາດ, ການປ້ອງກັນຊາດ, ປ້ອງກັນຄວາມສະຫງົບເລິກເຊິ່ງກ່ວາອີກ; ສ້າງການພົວພັນຄູ່ຮ່ວມມືກ່ຽວກັບພູມປັນຍາ ແລະ ການປ່ຽນແປງໃໝ່ປະດິດຄິດສ້າງ.
ຈຸດສຸມຫຼັກໃນເສົາຄ້ຳການຮ່ວມມືເສດຖະກິດແມ່ນການຜັນຂະຫຍາຍຍຸດທະສາດເພີ່ມທະວີການຮ່ວມມືດ້ານເສດຖະກິດລະຫວ່າງອົດສະຕາລີ ແລະ ຫວຽດນາມ (EEES) ໂດຍການນຳສອງປະເທດເຫັນດີເປັນເອກະພາບໃນເດືອນທັນວາ ປີ 2021, ເພື່ອແນໃສ່ນຳອົດສະຕາລີ ແລະ ຫວຽດນາມ ນອນໃນທອບ 10 ຄູ່ຮ່ວມມືທາງການຄ້າແຖວໜ້າຂອງກັນ ແລະ ເພີ່ມການລົງທຶນສອງສົ້ນຂຶ້ນທົບສອງເທົ່າ.
ຍຸດທະສາດກຳນົດບັນດາກາລະໂອກາດ ແລະ ຮົ້ວກີດຂວາງໃນປັດຈຸບັນສຳລັບການເຕີບໂຕກ່ວາທາງການຄ້າ ແລະ ການລົງທຶນ ແລະ ລວມມີບັນດາການຮ່ວມມືທີ່ແທດຈິງ ເຊິ່ງແຕ່ລະປະເທດຈະປະຕິບັດເພື່ອເປີດກວ້າງການພົວພັນຮ່ວມມືໃນຂົງເຂດນີ້.
 |
| ທ່ານເອກອັກຄະລັດຖະທູດອົດສະຕາລີ ປະຈຳຫວຽດນາມ Andrew Goledzinowski (ພາບ: VTC NEWs) |
ໃນໄລຍະຈຜ່ານມາ, ມີຜັກໝາກໄມ້ ແລະ ຜະລິດຕະພັນກະເສດຫວຽດນາມ ຫຼາຍຊະນິດໄດ້ມີໜ້າຢູ່ຕະຫຼາດອົດສະຕາລີ. ກົງກັນຂ້າມ, ກໍ່ມີຜະລິດຕະພັນຂອງອົດສະຕາລີຫຼາຍຊະນິດ ພວມໄດ້ຮັບຄວາມນິຍົມຈາກຜູ້ບໍລິໂພກຫວຽດນາມ. ທ່ານເອກອັກຄະລັດຖະທູດມີຂໍ້ສັງເກດແນວໃດກ່ຽວກັບຄວາມສາມາດບົ່ມຊ້ອນ, ແງ່ຫວັງຮ່ວມມືລະຫວ່າງສອງຝ່າຍໃນຂົງເຂດນີ້?
ແງ່ຫວັງຮ່ວມມືດ້ານກະສິກຳ ແລະ ອາຫານ ລະຫວ່າງອົດສະຕາລີ ແລະ ຫວຽດນາມ ຍັງໃຫຍ່ຫຼວງທີ່ສຸດ. ກ່ຽວກັບການຄ້າ, ໃນ 10 ເດືອນຕົ້ນປີ 2022, ອົດສະຕາລີ ໄດ້ສົ່ງອອກອາຫານ ແລະ ເຄື່ອງດື່ມໄປຍັງ ຫວຽດນາມ 2,36 ຕື້ AUD (ປະມານ 1,678 ຕື້ USD) ເພີ່ມຂຶ້ນ 8,6% ເມື່ອທຽບໃສ່ກັບປີ 2021.
ກ່ຽວກັບການລົງທຶນ, ບໍລິສັດ SunRice (ອົດສະຕາລີ) ມີໂຮງງານປຸງແຕ່ງເຂົ້າສານຢູ່ແຂວງ ດົ່ງທາບ, ຮັບປະກັນແຫຼ່ງສະໜອງເຂົ້າສານໃຫ້ແກ່ບັນດາຕະຫຼາດຂອງບໍລິສັດ. ບັນດາບໍລິສັດຫວຽດນາມ ກໍ່ແມ່ນບັນດານັກລົງທຶນທີ່ຕັ້ງໜ້າຢູ່ອົດສະຕາລີ. ປີ 2020, ກຸ່ມບໍລິສັດ TH ໄດ້ລົງທຶນເງິນເປັນຈຳນວນ 130 ລ້ານ AUD (ປະມານ 92,4 ລ້ານ USD) ເຂົ້າໃນບັນດາຟາມລ້ຽງສັດ ຢູ່ເຂດພາກເໜືອ ອົດສະຕາລີ. ກຸ່ມບໍລິສັດ ອານວຽນ ໄດ້ໃຫ້ຄຳໝັ້ນສັນຍາລົງທຶນເງິນເປັນຈຳນວນ 18 ລ້ານ AUD (ປະມານ 12,8 ລ້ານ USD) ເຂົ້າຟາມລ້ຽງສັດ ຢູ່ດິນແດນທາງທິດເໜືອໃນປີ 2016.
ມີຫຼາຍກາລະໂອກາດເພື່ອໃຫ້ອົດສະຕາລີເພີ່ມທະວີການສົ່ງອອກຜະລິດຕະພັນກະເສດໄປຍັງ ຫວຽດນາມ. ປີ 2021, ຫວຽດນາມໄດ້ນຳເຂົ້າອາຫານ ແລະ ເຄື່ອງດື່ມ ດ້ວຍມູນຄ່າ 28,23 ຕື້ USD ແຕ່ໃນນັ້ນ 2,11 ຕື້ USD ແມ່ນມາຈາກອົດສະຕາລີ. ຂົງເຂດດຳເນີນທຸລະກິດກະສິກຳ ແລະ ອາຫານພວມເປີດກວ້າງຂອງອົດສະຕາລີ ໄດ້ສ້າງກາລະໂອກາດໃຫ້ແກ່ບັນດານັກລົງທຶນ ຫວຽດນາມ ເພີ່ມທະວີການຜະລິດອາຫານ ແລະ ຜະລິດເສັ້ນຝ້າຍ, ກໍ່ຄືພັດທະນາບັນດາຂະແໜງອຸດສາຫະກຳປຸງແຕ່ງ. ຂົງເຂດກະສິກຳນຳໃຊ້ເຕັກໂນໂລຢີທີ່ກ້າວໜ້າຂອງອົດສະຕາລີ ກໍ່ຈະໜູນຊ່ວຍຂະແໜງກະສິກຳ ຫວຽດນາມ ດ້ວຍເຕັກໂນໂລຢີໃໝ່ ແລະ ມີການປ່ຽນແປງທີ່ປະດິດຄິດສ້າງ.
ພາຍຫຼັງເຫດການ “Taste of Australia” ເມື່ອເດືອນທັນວາ ປີ 2022, ໃນປີ 2023 ນີ້, ສະຖານທູດມີແຜນການຫຍັງເພື່ອສືບຕໍ່ແນະນຳຜະລິດຕະພັນອົດສະຕາລີ ໄປຍັງຕະຫຼາດຫວຽດນາມອີກບໍ່?
ນອກຈາກລາຍການ“Taste of Australia” ເພື່ອແນໃສ່ແນະນຳອາຫານການກິນ ແລະ ເຄື່ອງດື່ມອົດສະຕາລີຜ່ານບັນດາຊ່ອງທາງແບບເກົ່າ ແລະ ທາງໄກ ເມື່ອເດືອນພຶດສະພາ ປີ 2023, ສະຖານທູດ ອົດສະຕາລີ ແລະ ຄະນະກຳມະການການຄ້າ ແລະ ການລົງທຶນອົດສະຕາລີ ຈະຈັດຕັ້ງລາຍການ Roadshow ພາກພື້ນ ເພື່ອເຊື່ອມຕໍ່ບັນດາຜູ້ຜະລິດຂອງອົດສະຕາລີ ທີ່ສະໜອງຊິ້ນ, ເຫຼົ້າ, ອາຫານທະເລ, ນົມ ແລະ ຜະລິດຕະພັນກະເສດກັບບັນດາກາລະໂອກາດກ່ຽວກັບການບໍລິການໂຮງແຮມ ທີ່ນັບມື້ນັບເພີ່ມຂຶ້ນຢູ່ໂຮ້ຍອານ, ດ່ານັ້ງ, ເກິ່ນເທີ ແລະ ຍາຈາງ ກໍ່ຄືຮ່າໂນ້ຍ ແລະ ນະຄອນໂຮ່ຈີມິນ.
ລາຍການໂດຍ 5 ອົງການອຸດສາຫະກຳ ອົດສະຕາລີປະຕິບັດ, ດ້ວຍການໜູນຊ່ວຍຂອງຄະນະກຳມະການການຄ້າ ແລະ ການລົງທຶນ ອົດສະຕາລີ. ດ້ວຍລາຍການ “ເສັ້ນຝ້າຍຍືນຍົງ ແລະ ແຟຊັ່ນ”, ຄະນະກຳມະການການຄ້າ ແລະ ການລົງທຶນ ອົດສະຕາລີ ຈະໂດຍຜ່ານສັບປະດາແຟຊັ່ນສາກົນ ຫວຽດນາມ ປະຈຳ ນະຄອນໂຮ່ຈີມິນ ແລະ ຮ່າໂນ້ຍ ເພື່ອໂຄສະນາເສັ້ນຝ້າຍ ແລະ ເສັ້ນແລນ.
ພ້ອມກັບ Woolmark ແລະ Cotton Australia, ຄະນະກຳມະການການຄ້າ ແລະ ການລົງທຶນ ອົດສະຕາລີ ຈະຈັດຕັ້ງກອງປະຊຸມສຳມະນາກ່ຽວກັບລະບົບມູນຄ່າເສັ້ນຝ້າຍທີ່ຍືນຍົງຂອງອົດສະຕາລີ ສຳລັບ ຝ້າຍ ແລະ ແລນ. ຄະນະກຳມະການການຄ້າ ແລະ ການລົງທຶນ ອົດສະຕາລີ ກໍ່ຈະໜູນຊ່ວຍຫຼາຍງານວາງສະແດງທີ່ແຕກຕ່າງກັນໃນປີ 2023 ຄື Food Hotel Vietnam, Food Hotel Australia, HOFEX, VinExpo ແລະ Fine Food Australia.
ປີ 2023 ຈະແມ່ນປີທີ່ມີຄວາມໝາຍພິເສດສຳລັບ ຫວຽດນາມ ແລະ ອົດສະຕາລີ ເມື່ອສອງປະເທດພ້ອມກັນສະເຫຼີມສະຫຼອງ 50 ປີແຫ່ງວັນສ້າງການພົວພັນທາງການທູດ. ຂໍຮຽນທ່ານເອກອັກຄະລັດຖະທູດ ແບ່ງປັນບັນດາແຜນການ ແລະ ການຄາດຄະເນຈະຜັນຂະຫຍາຍໃນປີນີ້ຂອງສະຖານທູດ ເພື່ອແນໃສ່ສືບຕໍ່ເຮັດໃຫ້ການພົວພັນສອງຝ່າຍເລິກເຊິ່ງກ່ວາອີກ?
ສະເຫຼີມສະຫຼອງ 50 ປີແຫ່ງການພົວພັນທາງການທູດ ລະຫວ່າງອົດສະຕາລີ ແລະ ຫວຽດນາມ ແມ່ນຫຼັກໝາຍສຳຄັນໃນປະຫວັດສາດຂອງສອງປະເທດ. ບັນດາການເຄື່ອນໄຫວສະເຫຼີມສະຫຼອງ ຈະສະໜັບສະໜູນຄວາມຫວັງລວມຂອງພວກເຮົາແມ່ນສືບຕໍ່ຮ່ວມມື, ຮ່ຳຮຽນເຊິ່ງກັນແລະກັນ ແລະ ພ້ອມກັນພັດທະນາຜ່ານຍຸດທະສາດທີ່ແກ່ຍາວຕະຫຼອດປີ, ສຸມໃສ່ທຸກແງ່ມູນນັບແຕ່ການສຶກສາ, ກະສິກຳ, ການຄ້າ ແລະ ການລົງທຶນ, ການທ່ອງທ່ຽວຕະຫຼອດຮອດການຮ່ວມມືທາງດ້ານດິນຟ້າອາກາດ, ທັກສະ, ປ່ຽນແປງໃໝ່ປະດິດຄິດສ້າງ ແລະ ຄວາມສະເໝີພາບ.
ພວກຂ້າພະເຈົ້າພວມຂຶ້ນແຜນການໃຫ້ແກ່ບັນດາການເຄື່ອນໄຫວທີ່ເປັນໜ້າຈັບໃຈ ເພື່ອແນໃສ່ເຊີດຊູບັນດາພື້ນຖານວັດທະນະທຳທ້ອງຖິ່ນ, ຄວາມຮັກກິລາ, ອາຫານການກິນ ແລະ ເຄື່ອງດື່ມລະດັບໂລກ ກໍ່ຄືສັງຄົມທີ່ມີຄວາມຂະຫຍັນຂັນເຄື່ອນ ແລະ ປ່ຽນແປງໃໝ່ປະດິດຄິດສ້າງ.
ພ້ອມທັງ ພວກຂ້າພະເຈົ້າຈະສືບຕໍ່ສຸມໃສ່ບັນດາຂົງເຂດບຸລິມະສິດທີ່ມີຢູ່ແລ້ວ, ໃນນັ້ນມີການຄ້າ ແລະ ການລົງທຶນ, ການສຶກສາ ແລະ ຮັກສາສັນຕິພາບ, ພ້ອມທັງເພີ່ມທະວີການຮ່ວມມືໃນການຮັບມືກັບບັນດາສິ່ງທ້າທາຍໃໝ່ພວມເກີດຂຶ້ນຄື: ການປ່ຽນແປງຂອງດິນຟ້າອາກາດ, ປ່ຽນແປງພະລັງງານ ແລະ ຫັນເປັນດີຈີຕອນ.
ບຸນເຕັດປີແມວ ກໍ່ແມ່ນປີທຳອິດທີ່ທ່ານເອກອັກຄະລັດຖະທູດ ໄດ້ຕ້ອນຮັບບຸນເຕັດຢູ່ຫວຽດນາມ. ທ່ານເອກອັກຄະລັດຖະທູດ ມີຄວາມຮູ້ສຶກແນວໃດກ່ຽວກັບວັນບຸນເຕັດຂອງ ຫວຽດນາມ?
ຂ້າພະເຈົ້າໄດ້ຮັບຟັງຫຼາຍເລື່ອງລາວກ່ຽວກັບບຸນເຕັດ ແລະ ວິທີການປະຊາຊົນຫວຽດນາມຕ້ອນຮັບບຸນເຕັດແລ້ວ, ເພາະສະນັ້ນ ຂ້າພະເຈົ້າມີຄວາມຫວັງຢາກຜ່ານຕົວຈິງ! ຂ້າພະເຈົ້າກໍ່ເຫັນມີຕົ້ມໄມ້ ແລະ ດອກໄມ້ຫຼາຍຕົ້ນໄດ້ວາງຂາຍຢູ່ຕາມຖະໜົນ. ທິວທັດນັ້ນແມ່ນເປັນເອກະລັກສະເພາະ ແລະ ດີທີ່ສຸດເມື່ອໄດ້ເຫັນຖະໜົນຫົນທາງເຕັມໄດ້ດ້ວຍສີສັນ ແລະ ພະລັງງານ. ຂ້າພະເຈົ້າດີໃຈຫຼາຍເມື່ອໄດ້ຕ້ອນຮັບບຸນເຕັດຢູ່ ຮ່າໂນ້ຍ ແລະ ໄດ້ຂຶ້ນແຜນການໃຫ້ແກ່ຊຸຸມວັນຈະມາເຖິງແລ້ວ. ສະບາຍດີປີໃໝ່!
ຂໍຂອບໃຈທ່ານເອກອັກຄະລັດຖະທູດ.
ບຸນຄົງ
