ກະຊວງປ້ອງກັນປະເທດສືບຕໍ່ມອບເຄື່ອງຊ່ວຍເຫຼືອຜູ້ປະສົບໄພນ້ຳຖ້ວມ ຢູ່ ຈຳປາສັກ ແລະ ສາລະວັນ.
	ເພີ່ມທະວີການຮ່ວມມື ລະຫວ່າງ ແຂວງເທື່ອທຽນເຫວ້ ສສ ຫວຽດນາມ ແລະ ສາລະວັນ ສປປ ລາວ

ເລຂາພັກ, ເຈົ້າແຂວງສາລະວັນ ໂພໄຊ ໄຊຍະສອນ ມອບຂອງຂວັນທີ່ລະນຶກໃຫ້ແກ່ນະຄອນດາໜັງ

ໂດຍກ່າວ​ຄຳ​ເຫັນ​ທີ່​ການ​ເຮັດວຽກ, ທ່ານ ​ເລືອງຫງວຽນມິງຈຽດ ​ໄດ້ສະແດງ​ຍິນດີ​ຕ້ອນຮັບ​ຄະນະປະຕິບັດງານການນໍາ​ຂັ້ນ​ສູງ​ແຂວງ​ສາລະ​ວັນ ທີ່​ມາ​ຢ້ຽມຢາມ​ນະຄອນ ດາໜັງ. ໂດຍແຈ້ງກ່ຽວ​ກັບ​ສະພາບ​ການ​ເສດຖະກິດ - ສັງຄົມ​ຂອງ​ນະຄອນ ດາໜັງ, ສະຫາຍ ເລືອງຫງວຽນມິງຈຽດ​ ໃຫ້ຮູ້ວ່າ: ດາໜັງ ພວມ​ກໍານົດທິດ, ​​ສຸມໃສ່​ບັນດາທ່າແຮງບົ່ມຊ້ອມໃນດ້ານການທ່ອງ​ທ່ຽວ​, ເສດຖະກິດທາງ​ທະ​ເລ, ​ໄອທີ, ​ເສດຖະກິດ​ດິ​ຈິ​ຕອນ; ກະສິກຳ​ເຕັກ​ໂນ​ໂລ​ຊີ​ສູງ. ໃນໄລຍະຈະມາເຖິງ, ດາໜັງ ປາດຖະໜາຢາກຮ່ວມມືກັບບັນດາແຂວງພາກກາງຕອນໃຕ້ຂອງລາວ, ໃນນັ້ນມີແຂວງສາລະວັນ, ເພື່ອໃຫ້ສອງທ້ອງຖິ່ນພ້ອມກັນເສີນຂະຫຍາຍທ່າແຮງບົ່ມຊ້ອມ, ພັດທະນາເສດຖະກິດ-ສັງຄົມ, ປະກອບສ່ວນຍົກສູງຊີວິດການເປັນຢູ່ຂອງປະຊາຊົນສອງທ້ອງຖິ່ນ.

ສະຫາຍ ​ເລືອງ​ຫງວຽນມິງ​ຈຽດ ​ຍັງຢືນ​ຢັນ​ວ່າ ບົນ​ພື້ນ​ຖານ​ສາຍ​ພົວ​ພັນ​ຮ່ວມ​ມື​ມິດ​ຕະ​ພາບ​ແບບ​ພິ​ເສດ​ຂອງ​ພັກ, ລັດ ແລະ ປະ​ຊາ​ຊົນ​ສອງ​ປະ​ເທດ ຫວຽດ​ນາມ - ລາວ, ນະ​ຄອນ ດາ​ໜັງ ຍາມ​ໃດ​ກໍເອົາ​ໃຈ​ໃສ່ ແລະ ຕີ​ລາ​ຄາ​ສູງ​ສາຍພົວພັນ​ຮ່ວມ​ມື​ກັບ​ບັນດາແຂວງພາກ​ໃຕ້, ແຂວງພາກກາງຂອງລາວ, ໃນນັ້ນມີແຂວງສາລະວັນ.

ໃນ​ໄລຍະ​ຜ່ານ​ມາ, ດາໜັງ ​​ໄດ້ສືບ​ຕໍ່​ສົມທົບ​ກັບ 5 ​ແຂວງ​ພາກ​ກາງ​ຕອນ​ໃຕ້​ຂອງ​ລາວ, ​ໃນ​ນັ້ນ​ມີ​ແຂວງ​ສາລະ​ວັນ, ຜັນຂະຫຍາຍຫຼາຍ​ໂຄງການ​ຮ່ວມ​ມື​ໃນ​ບັນດາ​ຂົງ​ເຂດ​ຄື ຍົກ​ລະດັບໂຮງຮຽນ ​ແລະ ໂຄງການສາທາລະນະ, ສູນ​ສອນ​ພາສາ​ຫວຽດ; ມອບ​ທຶນ​ການ​ສຶກ​ສາ​ໃຫ້​ແກ່ນັກ​ສຶກ​ສາ​ທີ່​ຮຽນ​ຢູ່​ດາ​ໜັງ; ​ ຮັບ​ເອົາ​ພະນັກງານ​ຈາກ​ບັນດາ​ກົມ, ຂະແໜງການໄປ​ຝຶກ​ອົບຮົມ ​ແລະ ຮໍ່າຮຽນເອົາ​ບົດຮຽນປະສົບການ​... ​ໄລຍະ 2018-2022, ນະຄອນ​ໄດ້​ໃຊ້​ງົບປະມານ​ກວ່າ 115 ຕື້​ດົ່ງ​ເພື່ອ​ໜູນ​ຊ່ວຍ​ບັນດາ​ແຂວງ​ຂອງ​ລາວ, ​ໃນ​ນັ້ນ ​ໜູນ​ຊ່ວຍ​ແຂວງ​ສາລະ​ວັນ 22,23 ຕື້​ດົ່ງ...

ສະຫາຍຮອງ​ເລຂາ​ຜູ້ປະຈຳການຄະນະ​ພັກນະຄອນ​ ດາ​ໜັງ ​ເນັ້ນ​ໜັກ​ວ່າ: “ດາ​ໜັງ ຈະ​ຮ່ວມ​ກັບ​ເພື່ອນ​ລາວ, ​ໃນ​ນັ້ນ​ມີ​ແຂວງ​ສາລະ​ວັນ ສືບ​ຕໍ່​ເພີ່ມ​ພູນ​ຄູນ​ສ້າງ​ສາຍ​ພົວພັນ​ມິດຕະພາບ​ອັນ​ຍິ່ງ​ໃຫຍ່, ຄວາມ​ສາມັກຄີ​ແບບ​ພິ​ເສດ ​ແລະ ການ​ຮ່ວມ​ມື​ຮອບດ້ານ​ລະຫວ່າງ​ສອງ​ພັກ, ສອງ​ລັດ ​ແລະ ປະຊາຊົນສອງປະເທດ ລາວ-ຫວຽດນາມ ໃຫ້ນັບມື້ນັບສວຍງາມ, ຍືນຍົງ; ປະກອບສ່ວນ​ຢ່າງ​ຕັ້ງໜ້າ​ເຂົ້າ​ໃນ​ການ​ສ້າງສາ ​ແລະ ປົກປັກຮັກສາປະ​ເທດ​ຊາດ​ສັງຄົມ​ນິຍົມ​ຂອງ​ແຕ່ລະ​ປະ​ເທດ, ​ເພື່ອ​ສັນຕິພາບ, ສະຖຽນ​ລະ​ພາບ, ການ​ຮ່ວມ​ມື ​ແລະ ການ​ພັດທະນາ​ຢູ່​ພາກ​ພື້ນ ​ແລະ ​ສາກົນ”.

​ເນື່ອງ​ໃນ​ໂອກາດ​ນີ້, ສະຫາຍ ​ເລືອງ​ຫງວຽນ​ມິ​ງ​ຈຽດ ສະ​ເໜີ​ແຂວງ​ສາລະ​ວັນ ສືບ​ຕໍ່​ເປັນເຈົ້າການໃນການສົມທົບ​​ກັບ​ນະຄອນ ດາໜັງ ​ເພື່ອ​ແນ​ໃສ່​ຊຸກຍູ້​ການ​ແລກປ່ຽນ, ສົ່ງເສີມການ​ຄ້າ, ການ​ຮ່ວມ​ມືທາງ​ການ​ລົງທຶນ​ລະຫວ່າງດາໜັງ ກັບ​ບັນດາ​ທ້ອງ​ຖິ່ນ​ຂອງ​ລາວ.

ໂດຍສະ​ແດງ​ຄວາມ​ດີ​ໃຈ​ທີ່​ໄດ້​ໃຫ້ການ​ຕ້ອນຮັບ​ອັນ​ອົບ​ອຸ່ນ​ຈາກການ​ນຳ​ນະຄອນ ດາ​ໜັງ, ສະຫາຍ ​ໂພ​ໄຊ ​ໄຊ​ຍະ​ສອນ, ​ເລຂາພັກ, ເຈົ້າ​ແຂວງ​ສາລະ​ວັນ ໄດ້ຮັບຮູ້​ການ​ຮ່ວມ​ມື, ການໜູນຊ່ວຍ ​ແລະ ການ​ຮ່ວມ​ມື​ຂອງ​ນະຄອນດາ​ໜັງ ກັບ ​ແຂວງ​ສາລະ​ວັນ ​ໃນ​ທຸກ​ຂົງ​ເຂດ, ປະກອບສ່ວນ​ຊຸກຍູ້​ການ​ພັດ​ທະ​ນາ​ເສດ​ຖະ​ກິດ​ - ສັງຄົມ​ທ້ອງ​ຖິ່ນໃຫ້ນັບມື້ນັບພັດທະນາ.

ສະຫາຍເລຂາພັກ, ເຈົ້າແຂວງສາລະວັນ ກໍປາດຖະໜາວ່າ ໃນໄລຍະຈະມາເຖິງ, ສອງທ້ອງຖິ່ນຈະສືບຕໍ່ເພີ່ມທະວີການຮ່ວມມືໃນຫຼາຍຂົງເຂດ, ນະຄອນ ດາໜັງ ຈະສືບຕໍ່ຮ່ວມເດີນທາງ, ແບ່ງປັນ ແລະ ໜູນຊ່ວຍເພື່ອໃຫ້ແຂວງສາລະວັນພັັດທະນາ. ສ່ວນແຂວງ​ສາລະ​ວັນ ກໍຈະ​ສ້າງ​ທຸກ​ເງື່ອນ​ໄຂ​ໃຫ້​ບັນດາ​ວິ​ສາ​ຫະກິດ​ນະຄອນ ດາ​ໜັງ ​ມາສຳ​ຫຼວດຕະຫຼາດ, ລົງທຶນ ​ແລະ ພັດທະນາ.