| ນະຄອນ ດ່າໜັງ ຈະເປັນເຈົ້າພາບຈັດຕັ້ງເວທີປາໄສພັດທະນາເສັ້ນທາງການບິນ ອາຊີ 2022- Routes Asia 2022 | |
| ຟື້ນຟູ, ພັດທະນາຂະແໜງທ່ອງທ່ຽວ ຫວຽດນາມ ໃນສະພາບການໃໝ່ |
ໃນສອງປີ 2020-2021, ການທ່ອງທ່ຽວແມ່ນຂະແໜງການທີ່ໄດ້ຮັບຜົນກະທົບຢ່າງໜັກໜ່ວງຈາກໂລກລະບາດໂຄວິດ-19. ຮອດປີ 2022, ຫວຽດນາມ ແມ່ນໜຶ່ງໃນບັນດາປະເທດທໍາອິດຢູ່ໃນເຂດອາຊີຕາເວັນອອກສ່ຽງໃຕ້ ປີດປະຕູການທ່ອງທ່ຽວ ແລະ ບໍ່ມີສິ່ງກີດຂວາງເພື່ອຈຳກັດນັກທ່ອງທ່ຽວ.
 |
| ສະຖານທີທ່ອງທ່ຽວໝີເຊີນ (ແຂວງກວາງນາມ) (ພາບ: VOV) |
ຂໍ້ມູນຈາກອຸປະກອນຊອກຫາຂອງ Google ສະແດງໃຫ້ເຫັນວ່າ ຫວຽດນາມ ເມື່ອໃດກໍນອນຢູ່ໃນທອບສະຖານທີ່ທ່ອງທ່ຽວແຖວໜ້າໂລກຢ່າງຕໍ່ເນື່ອງ ກ່ຽວກັບການເຕີບໂຕຂອງການຄົ້ນຫາຂໍ້ມູນການທ່ອງທ່ຽວ. ພິເສດ, ວັນທີ 15 ມີນາ, ຫວຽດນາມ ໄດ້ປະກາດເປີດການເຄື່ອນໄຫວທ່ອງທ່ຽວຄືນໃໝ່ຢ່າງເປັນທາງການໃນສະພາບປົກກະຕິໃໝ່ຢູ່ດ່ານຊາຍແດນທັງຫມົດ, ລວມມີທາງບົກ, ທາງທະເລ, ທາງລົດໄຟ ແລະ ທາງອາກາດ. ຟື້ນຟູນະໂຍບາຍວີຊາທັງໝົດຄືກ່ອນ ໂຄວິດ-19. ວິສາຫະກິດຫຼາຍແຫ່ງໄດ້ກຳໂອກາດໄດ້ດີ, ເຮັດທຸລະກິດຢ່າງວ່ອງໄວ ແລະ ພັດທະນາ.
 |
| ກອງປະຊຸມຊຸກຍູ້ການດຶງດູດນັກທ່ອງທ່ຽວສາກົນມາຫວຽດນາມ ທີ່ໄດ້ຈັດຂຶ້ນໃນວັນທີ 21 ທັນວາ, ຢູ່ຮ່າໂນ້ຍ (ພາບ:kinhtedothi.vn) |
ທ່ານນາງ ຫງວຽນທິບິກເຫວ້, ຜູ້ອຳນວຍການບໍລິສັດຫວິງຕ໋ຽນຈຳກັດໃຫ້ຮູ້ວ່າ: “ສຳລັບຫວິງຕ໋ຽນ, ປີ 2021, ເຂດທ່ອງທ່ຽວຕ້ອງປິດປະຕູເປັນເວລາ 8 ເດືອນ, ໃນປີ 2020 ປິດປະຕູເປັນ 6 ເດືອນ... ບັນຫາສຳຄັນທີ່ສຸດເພຶ່ອໃຫ້ບັນດາວິສາຫະກິດຍັງດຳເນີນທຸລະກິດເປັນປົກກະຕິແມ່ນຕ້ອງກວດກາຄືນການເຄື່ອນໄຫວທັງໝົດ, ປະຢັດຄ່າໃຊ້ຈ່າຍ ແລະ ຊັ່ງຊາບັນດາແຫຼ່ງທີ່ຈະຕ້ອງໃຊ້ຈ່າຍ... ຈົນມາຮອດການທ່ອງທ່ຽວໄດ້ເປີດປະຕູຄືນໃໝ່, ວິສາຫະກິດ ໄດ້ດຶງດູດນັກທ່ອງທ່ຽວເປັນຈຳນວນຫຼວງຫຼາຍ. ຍາມແລ້ງປີ 2022 ຜ່ານມາ, ສະຖານທີ່ຈອດລົດຢູ່ເຂດທ່ອງທ່ຽວບໍ່ເຄີຍຫວ່າງ, ນັກທ່ອງທ່ຽວໄປທ່ຽວເປັນຈໍານວນຫຼວງຫຼາຍ. ທຸກຄົນພາຍຫຼັງ 2 ປີແຫ່ງການແຜ່ລະບາດໂຄວິດ-19 ຖືກຈຳກັດການໄປມາ, ປີນີ້ ເຂົາເຈົ້າສາມາດໄປໄດ້ຢ່າງສະບາຍ, ສະນັ້ນ, ວິສາຫະກິດສາມາດຮັບບັນດາຄວາມຄິດ ແລະ ປະສົບຜົນສຳເລັດໃນປີ 2022 ນີ້”.
ໃນ 11 ເດືອນຂອງປີ 2022, ນັກທ່ອງທ່ຽວສາກົນມາຫວຽດນາມ ບັນລຸກວ່າ 2,95 ລ້ານເທື່ອຄົນ, ເພີ່ມຂຶ້ນ 21 ເທົ່າເມື່ອທຽບໃສ່ໄລຍະດຽວກັນຂອງປີ 2021, ຈຳນວນນັກທ່ອງທ່ຽວພາຍໃນປະເທດບັນລຸກວ່າ 96 ລ້ານເທື່ອຄົນ, ຫຼາຍກວ່າຈໍານວນແຂກທ່ອງທ່ຽວທັງໝົດປີ 2019. ໝາກຜົນອັນສຳຄັນນີ້ແມ່ນພື້ນຖານທີ່ດີເພື່ອໃຫ້ບັນດາວິສາຫະກິດທ່ອງທ່ຽວ ແລະ ຂະແໜງການທ່ອງທ່ຽວທັງໝົດກ້າວໄປ ປີ 2023 ຢ່າງໝັ້ນໃຈ.
ກ່າວຄຳເຫັນທີ່ກອງປະຊຸມຊຸກຍູ້ການດຶງດູດນັກທ່ອງທ່ຽວສາກົນມາຫວຽດນາມ ທີ່ໄດ້ຈັດຂຶ້ນໃນວັນທີ 21 ທັນວາ, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຟ້າມມິງຈິ໋ງ ເນັ້ນໜັກວ່າ: “ພວກເຮົາຕ້ອງປ່ຽນແປງແນວຄິດໃນການເຮັດທ່ອງທ່ຽວຫລັງໂລກລະບາດໂຄວິດ-19; ຕ້ອງເຂົ້າໃກ້ການທ່ອງທ່ຽວຢ່າງມີໄຫວພິບຄ່ອງຕົວກວ່າ, ເຮັດໃຫ້ຕະຫຼາດ ແລະ ຜະລິດຕະພັນມີຄວາມອຸດົມສົມບູນ; ສະໜອງບັນດາບໍລິການທີ່ນັກທ່ອງທ່ຽວຕ້ອງການ, ບໍ່ແມ່ນສະໜອງບໍລິການທີ່ພວກເຮົາມີ. ນີ້ກໍແມ່ນກາລະໂອກາດເພື່ອໃຫ້ພວກເຮົາສ້າງໂຄງປະກອບຂະແໜງການທ່ອງທ່ຽວຂອງຫວຽດນາມຄືນໃໝ່. ການພັດທະນາການທ່ອງທ່ຽວແມ່ນຕ້ອງນອນຢູ່ໃນອັນລວມເພື່ອທັງພັດທະນະບັນດາຂະແໜງການເສດຖະກິດ ແລະ ພ້ອມກັນນັ້ນພັດທະນາຂະແໜງການທ່ອງທ່ຽວສາກົນ ແລະ ທ່ອງທ່ຽວພາຍໃນປະເທດ, ພັດທະນາການທ່ອງທ່ຽວສີຂຽວ ແລະ ຍືນຍົງ; ຕ້ອງເອົາໃຈໃສ່ເຖິງວິຊາຊີບ, ທັນສະໄໝ, ເຮັດໃຫ້ຄວາມເປັນເອກະລັກສະເພາະຂອງຫວຽດນາມມີຄວາມຫຼາກຫຼາຍ, ຕ້ອງຢຶດໝັ້ນເປົ້າໝາຍແຕ່ກໍຕ້ອງປັບຕົວ, ປ່ຽນໃໝ່ເປັນຕະຫຼອດ, ປະດິດສ້າງ, ຕິດພັນຢ່າງແໜ້ນແຟ້ນກັບການຫັນເປັນດິຈິຕອນ”.
ກ່າວຄຳເຫັນທີ່ກອງປະຊຸມຊຸກຍູ້ການດຶງດູດນັກທ່ອງທ່ຽວສາກົນມາຫວຽດນາມ ທີ່ໄດ້ຈັດຂຶ້ນໃນວັນທີ 21 ທັນວາ, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຟ້າມມິງຈິ໋ງ ເນັ້ນໜັກວ່າ: “ພວກເຮົາຕ້ອງປ່ຽນແປງແນວຄິດໃນການເຮັດທ່ອງທ່ຽວຫລັງໂລກລະບາດໂຄວິດ-19; ຕ້ອງເຂົ້າໃກ້ການທ່ອງທ່ຽວຢ່າງໄຫວພິບຄ່ອງຕົວກວ່າ, ເຮັດໃຫ້ຕະຫຼາດ ແລະ ຜະລິດຕະພັນມີຄວາມອຸດົມສົມບູນ; ສະໜອງບັນດາບໍລິການທີ່ນັກທ່ອງທ່ຽວຕ້ອງການ, ບໍ່ແມ່ນສະໜອງບໍລິການທີ່ພວກເຮົາມີ. ນີ້ກໍແມ່ນກາລະໂອກາດເພື່ອໃຫ້ພວກເຮົາສ້າງໂຄງປະກອບຂະແໜງການທ່ອງທ່ຽວຂອງຫວຽດນາມຄືນໃໝ່. ການພັດທະນາການທ່ອງທ່ຽວແມ່ນຕ້ອງນອນຢູ່ໃນອັນລວມເພື່ອທັງພັດທະນະບັນດາຂະແໜງການເສດຖະກິດອື່ນ ແລະ ພ້ອມກັນນັ້ນພັດທະນາຂະແໜງການທ່ອງທ່ຽວສາກົນ ແລະ ທ່ອງທ່ຽວພາຍໃນປະເທດ, ພັດທະນາການທ່ອງທ່ຽວສີຂຽວ ແລະ ຍືນຍົງ; ຕ້ອງເອົາໃຈໃສ່ເຖິງວິຊາຊີບ, ທັນສະໄໝ, ເຮັດໃຫ້ຄວາມເປັນເອກະລັກສະເພາະຂອງຫວຽດນາມມີຄວາມຫຼາກຫຼາຍ, ຕ້ອງໝັ້ນຄົງຕໍ່ເປົ້າໝາຍແຕ່ກໍຕ້ອງປັບຕົວ, ປ່ຽນໃໝ່ເປັນຕະຫຼອດ, ປະດິດສ້າງ, ຕິດພັນຢ່າງແໜ້ນແຟ້ນກັບການຫັນເປັນດິຈິຕອນ”.
ມາຮອດປະຈຸບັນ, ລັດຖະບານ ຫວຽດນາມ ໄດ້ສ້າງເງື່ອນໄຂສະດວກຫຼາຍຢ່າງໃຫ້ແກ່ນັກທ່ອງທ່ຽວ, ໃນນັ້ນມີການຍົກເວັ້ນວີຊາໃຫ້ 24 ປະເທດ ແລະ ເຂດແຄ້ວນ; ຟື້ນຟູຄືນໃໝ່ບັນດາຂັ້ນຕອນ ແລະ ລະບຽບການເຂົ້າອອກເມືອງຄືກ່ອນໂລກລະບາດໂຄວິດ-19; ນຳໃຊ້ e-visa ສໍາລັບ 80 ປະເທດ ແລະ ເຂດແຄ້ວນ. ຫວຽດນາມ ແລະ ບັນດາວິສາຫະກິດພວມມານະພະຍາຍາມເພື່ອດຶງດູດນັກທ່ອງທ່ຽວພາຍໃນ ແລະ ຕ່າງປະເທດ, ເພື່ອໃຫ້ການທ່ອງທ່ຽວຫວຽດນາມໄດ້ຟື້ນຟູ ແລະ ພັດທະນາແບບຍືນຍົງ.
ຫອມມາລາ
