| ຫວຽດນາມ ປະຕິບັດບົດບາດເປັນປະທານສະພາຄວາມໝັ້ນຄົງເດືອນ ເມສາ 2021 ໄດ້ເປັນຢ່າງດີ ດ້ວຍບັນດາການປະກອບສ່ວນ, ຂີດໝາຍໃໝ່ | |
| ວິສາຫະກິດຫວຽດນາມ ໄດ້ມອບຂອງຂວັນຫລາຍກວ່າ 10.000 ຜະລິດຕະພັນແຟຊັ່ນ ໃຫ້ແກ່ແມ່ຍິງລາວ |
 |
| ພາບປະກອບ |
ການປະຕິບັດສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມປາຊີຟິກ (CPTPP) ໄດ້ນຳມາເຊິ່ງການເຕີບໂຕການສົ່ງອອກທີ່ໜ້າປະທັບໃຈໃຫ້ຫວຽດນາມ, ນີ້ແມ່ນກຳລັງໜູນເປີດກວ້າງເສັ້ນທາງໃຫ້ແກ່ສິນຄ້າຫວຽດນາມ ໄປບັນດາຕະຫຼາດໃໝ່ ແລະ ມີຄວາມສາມາດບົ່ມຊ້ອນ. ວິສາຫະກິດ ຫວຽດນາມ ໄດ້ຂຸດຄົ້ນໂອກາດຢູ່ຕະຫຼາດສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມປາຊີຟິກ ແລະ ບັນລຸໝາກຜົນຢ່າງຕັ້ງໜ້າ. ນີ້ແມ່ນການຢັ້ງຢືນຢູ່ກອງປະຊຸມສະຫຼຸບ 3 ປີ ແຫ່ງການປະຕິບັດສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມ-ປາຊີຟິກ ດ້ວຍຫົວຂໍ້ “ຍາດແຍ່ງທ່າແຮງຂອງຜູ້ນຳໜ້າ” ໂດຍກະຊວງອຸດສາຫະກຳ ແລະ ການຄ້າ ຫວຽດນາມ ຈັດຕັ້ງ ໃນເຊົ້າວັນທີ 16 ທັນວາ, ຢູ່ຮ່າໂນ້ຍ.
ໄລ່ຮອດໝົດເດືອນຕຸລາ 2022, ຍອດວົງເງິນນຳເຂົ້າ-ສົ່ງອອກລະຫວ່າງ ຫວຽດນາມ ແລະ ບັນດາປະເທດສະມາຊິກຄູ່ຮ່ວມມືຮອບດ້ານ ແລະ ກ້າວໜ້າຂ້າມປາຊີຟິກ ບັນລຸກວ່າ 88 ຕື້ ໂດລາສະຫະລັດ, ເພີ່ມຂຶ້ນປະມານ 19% ເມື່ອທຽບໃສ່ໄລຍະດຽວກັນຂອງປີກາຍ. ໃນນັ້ນ, ວົງເງິນສົ່ງອອກໄປຍັງຕະຫຼາດບັນດາປະເທດສະມາຊິກຄູ່ຮ່ວມມືຮອບດ້ານ ແລະ ກ້າວໜ້າຂ້າມປາຊີຟິກ ບັນລຸກວ່າ 45 ຕື້ ໂດລາສະຫາລັດ, ເພີ່ມຂຶ້ນ 22% ເມື່ອທຽບໃສ່ໄລຍະດຽວກັນຂອງປີກາຍ.
ປະຈຸບັນ, ວິສາຫະກິດ ຫວຽດນາມ ໄດ້ຍາດແຍ່ງ, ຂຸດຄົ້ນສັນຍາ, ມູນຄ່າເພີ່ມການສົ່ງອອກສິນຄ້າເຂົ້າບັນດາຕະຫຼາດ. ແນວໃດກໍ່ຕາມ, ທ່ານນາງ ຫງວຽນຖິທູຈາງ, ອຳນວຍການອົງການການຄ້າໂລກ (WTO) ແລະ ເຊື່ອມໂຍງ, ສະຫະພັນອຸດສາຫະກຳ ແລະ ການຄ້າ ຫວຽດນາມ (VCCI), ກ່າວວ່າ: ບັນດາວິສາຫະກິດຕ້ອງເພີ່ມຄວາມໄວຂຶ້ນກວ່າອີກ.
ໄຊພອນ
