| ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວະ ເລີ່ມຕົ້ນການຢ້ຽມຢາມ ນິວຊີແລນ ຢ່າງເປັນທາງການ | |
| VUFO ໜູນຊ່ວຍກ່າເມົາ ລະດົມການອຸປະຖໍາບໍ່ຂຶ້ນກັບລັດຖະບານຕ່າງປະເທດ |
 |
| ພາບປະກອບ |
ໂຄງການເພີ່ມທະວີຄວາມສາມາດໃນການຕ້ານການປ່ຽນແປງດິນຟ້າອາກາດຂອງລະບົບນິເວດປ່າຊາຍເລນ, ລະບົບນິເວດກະສິກຳ ແລະ ປະຊາຄົມທ້ອງຖິ່ນ ຢູ່ເຂດແຄມທະເລທົ່ງພຽງແມ່ນ້ຳຂອງທາງພາກໃຕ້ ມີຄວາມຜາດຖະໜາຢາກເພີ່ມ 120 – 150% ສະມັດຕະພາບ ກຸ້ງລ້ຽງ ແລະ ຍົກສູງມູນຄ່າການຄ້າໃຫ້ແກ່ໂຕກຸ້ງຜ່ານການນຳໃຊ້ບັນດາວິທີການປະຕິບັດຜະລິດທີ່ດີກ່ວາ, ພ້ອມທັງປູກປ່າປ້ອງກັນຕື່ມອີກ 60 ເຮັກຕາ ກໍ່ຄືນຳໃຊ້ການຄຸ້ມຄອງປ່າໂດຍອີງໃສ່ປະຊາຄົມແບບຍືນຍົງເກືອບ 3000 ເຮັກຕາໃຫ້ແກ່ສອງແຂວງ: ກ່າເມົາ ແລະ ບາກລ້ຽວ.
ໂຄງການໄດ້ຮັບການໜູນຊ່ວຍຈາກກອງທຶນ UBS Optimus Foundation (UBS OF) ແຕ່ເດືອນ ກຸມພາ ປີ 2022 ມາຮອດເດືອນ ສິງຫາ ປີ 2025. ໂຄງການມີ 2 ພາກສ່ວນຕົ້ນຕໍ, ປັບປຸງການຫາເງິນລ້ຽງຊີບໃຫ້ແກ່ປະຊາຄົມລ້ຽງກຸ້ງຢູ່ປ່າຊາຍເລນ ເພື່ອຈຳກັດການທຳລາຍປ່າ ແລະ ປະຕິຮູບການຜະລິດຮູບແບບປະສົມການລ້ຽງກຸ້ງ ແລະ ປູກເຂົ້າ, ເພີ່ມທະວີການຄຸ້ມຄອງ ແລະ ປົກປ້ອງປ່າຊາຍເລນ, ລະບົບນິເວດກະສິກຳຜ່ານບັນດາການເຄື່ອນໄຫວແຊກແຊງ ຈາກການສົ່ງເສີມນະໂຍບາຍ ຈົນຮອດການເຄື່ອນໄຫວລະອຽດຢູ່ທ້ອງຖິ່ນ ເພື່ອແນໃສ່ຍົກສູງຄວາມສາມາດໃນການຮັບມືກັບດິນຟ້າອາກາດ ຂອງປ່າຊາຍເລນ, ລະບົບນິເວດກະສິກຳ ແລະ ປະຊາຄົມທ້ອງຖິ່ນ ຢູ່ສອງແຂວງ ກ່າເມົາ ແລະ ບາກລຽວ.
ກ່າວຄຳເຫັນທີ່ເຫດການ, ທ່ານຮອງປະທານຄະນະກຳມະການປະຊາຊົນແຂວງ ກ່າເມົາ ຫງວຽນມິງລວນ ເນັ້ນໜັກວ່າ ນັບແຕ່ປີ 2010 ມາຮອດປັດຈຸບັນ, WWF ໄດ້ ແລະ ພວມຜັນຂະຫຍາຍ 4 ໂຄງການຢູ່ກ່າເມົາ ດ້ວຍຍອດທຶນໜູນຊ່ວຍກ່ວາ 25,1 ຕື້ ດົ່ງ. ໃນນັ້ນປີ 2022, ອົງການ WWF ຫວຽດນາມ ມີ 2 ໂຄງການໄດ້ຮັບການຜັນຂະຫຍາຍປະຕິບັດ. ໂຄງການ ປັບປຸງການດຳລົງຊີວິດຂອງຄົນທຸກຍາກ ຜ່ານການຫາເງິນລ້ຽງຊີບທີ່ເປັນມິດກັບສິ່ງແວດລ້ອມ ດ້ວຍການອະນຸລັກຮັກສາບັນເຂດດິນຊາຍເລນ Ramsar ຢູ່ເຂດທົ່ງພຽງແຄມແມ່ນ້ຳຂອງທາງພາກໃຕ້ - ອະນຸໂຄງການ ປ່າສະຫງວນແຫ່ງຊາດ ມຸຍກ່າເມົາ ແລະ ໂຄງການເພີ່ມທະວີຄວາມສາມາດໃນການຮັບມືກັບການປ່ຽນແປງຂອງດິນຟ້າອາກາດຂອງລະບົບນິເວດປ່າຊາຍເລນແລະ ປະຊາຄົມທ້ອງຖິ່ນ ຢູ່ເຂດແຄມທະເລແຂວງ ກ່າເມົາ.
ນີ້ແມ່ນບັນດາໂຄງການປະກອບສ່ວນຊ່ວຍທ້ອງຖິ່ນຍົກສູງຄວາມສາມາດໃນການຮັບມືກັບການປ່ຽນແປງຂອງດິນຟ້າອາກາດຂອງປ່າຊາຍເລນ, ຍົກສູງຄວາມສາມາດຂອງພະນັກງານໃນການອະນຸລັກຮັກສາຊີວະນາໆພັນໃນບັນດາເຂດປ່າຊາຍເລນ, ແທນທີ່ການກະທຳ ແລະ ຍົກສູງຄວາມຮັບຮູ້ຂອງປະຊາຄົມທ້ອງຖິ່ນ ກ່ຽວກັບການຄຸ້ມຄອງຊັບພະຍາກອນທຳມະຊາດ ແລະ ປົກປັກຮັກສາສິ່ງແວດລ້ອມ, ປັບປຸງການຫາເງິນລ້ຽງຊີບຂອງປະຊາຊົນເຂດປະຕິບັດໂຄງການ” ທ່ານຮອງປະທານຄະນະກຳມະການປະຊາຂົນແຂວງກ່າເມົາເນັ້ນໜັກ.
ທ່ານ ເລຮ່ວາຍເຟືອງ ຮອງຫົວໜ້າຫ້ອງການກະສິກຳເມືອງ ງອກຮຽນ, ແຂວງ ກ່າເມົາ ແບ່ງປັນວ່າ ໂດຍແມ່ນເມືອງໜຶ່ງດຽວຂອງແຂວງກ່າເມົາທີ່ມີ 3 ດ້ານຕິດກັບທະເລ. ຊຸມປີມໍ່ໆມານີ້, ນ້ຳທະເລຂຶ້ນສູງ ແລະ ອາກາດມີການປ່ຽນແປງຢ່າງຮ້າຍແຮງກໍ່ຜົນກະທົບຫຍໍ້ທໍ້ຕໍ່ການດຳລົງຊີວິດຂອງພໍ່ແມ່ປະຊາຊົນໃນເມືອງ. ນີ້ແມ່ນໂຄງການສຳຄັນ, ເໝາະສົມກັບເງື່ອນໄຂທຳມະຊາດ, ວາງແຜນກຳນົດ ແລະ ການກຳນົດທິດພັດທະນາລວມຂອງທ້ອງຖິ່ນ. ຜ່ານບັນດາການເຄື່ອນໄຫວເພີ່ມທະວີການຄຸ້ມຄອງ, ປົກປັກຮັກສາປ່າ, ນຳໃຊ້ການປະຕິບັດບັນດາວິທີການທຳມະຊາດ, ພວກຂ້າພະເຈົ້າຫວັງວ່າ ຈະຍົກສູງມູນຄ່າທາງການຄ້າ ຕິດພັນກັບການປົກປັກຮັກສາ ແລະ ພັດທະນາປ່າ, ສ້າງວຽກເຮັດງານທຳເປັນປົກກະຕິໃຫ້ແກ່ປະຊາຊົນ. ທ່ານ ເລຮ່ວາຍເຟືອງ ແບ່ງປັນ.
ບຸນຄົງ
