| ຫວຽດນາມໜູນຊ່ວຍລາວ ປະສົບຜົນສຳເລັດໃນການດຳລົງບົດບາດເປັນປະທານອາຊຽນ | |
| ຫວຽດນາມ ສືບຕໍ່ສະໜັບສະໜູນພາລະກິດແຫ່ງການປ່ຽນແປງໃໝ່ຂອງລາວ ຢ່າງແຮງ ແລະ ຮອບດ້ານ |
 |
| ທ່ານ Andrea Coppola ຫົວໜ້ານັກຊ່ຽວຊານດ້ານເສດຖະກິດທະນາຄານໂລກ ປະຈຳ ຫວຽດນາມ |
ຫວຽດນາມ ພວມນັບມື້ນັບເຫັນປະຈັກຕາຜົນກະທົບຫຼາຍຢ່າງຈາກການປ່ຽນແປງຂອງດິນຟ້າອາກາດ ກ່ຽວກັບການພັດທະນາຂອງປະເທດຊາດ. ດ້ວຍຫາດຊາຍທະເລທີ່ຍາວກ່ວາ 3.200 ກີໂລແມັດ, ມີຫຼາຍນະຄອນທີ່ມີພູມີສາດຕ່ຳ ແລະ ເຂດທົ່ງພຽງແຄມແມ່ນ້ຳແຫ່ງຕ່າງໆ, ຫວຽດນາມ ແມ່ນໜຶ່ງໃນບັນດາປະເທດທີ່ມີຄວາມສ່ຽງຫຼາຍທີ່ສຸດກ່ຽວກັບການປ່ຽນແປງຂອງດິນຟ້າອາກາດໃນໂລກ. ບັນດາຜົນກະທົບຈາກການປ່ຽນແປງຂອງດິນຟ້າອາກາດ ສ່ວນຫຼາຍແມ່ນ ອູນຫະພູມ ແລະ ລະດັບນ້ຳທະເລຍື່ງຂຶ້ນສູງກ່ວາ ແລະ ມີການປ່ຽນແປງຫຼາຍຢ່າງ ໄດ້ ແລະ ພວມເຮັດໃຫ້ການເຄື່ອນໄຫວທາງດ້ານເສດຖະກິດຖືກຂາດວັກຂາດຕອນ ແລະ ການເຕີບໂຕຊຸດໂຊມ. ບັນດາການຄິດໄລ່ເບື້ອງຕົ້ນໃຫ້ເຫັນວ່າ ຫວຽດນາມ ຖືກເສຍຫາຍປະມານ 10 ຕື້ USD ໃນປີ 2020, ປະມານ 3,2% GDP ຍ້ອນຜົນກະທົບຈາກການປ່ຽນແປງຂອງດິນຟ້າອາກາດ.
ທ່ານ Andrea Coppola ຫົວໜ້ານັກຊ່ຽວຊານດ້ານເສດຖະກິດທະນາຄານໂລກ ປະຈຳ ຫວຽດນາມ ໃຫ້ຮູ້ວ່າ ທະນາຄານໂລກ ຕ້ອງປະຕິບັດບົດລາຍງານແຫ່ງຊາດກ່ຽວກັບດິນຟ້າອາກາດ ແລະ ພັດທະນາ ໃຫ້ແກ່ ຫວຽດນາມ, ໃນນັ້ນໄດ້ຊອກຮູ້ກ່ຽວກັບບັນດານະໂຍບາຍ ແລະ ການລົງທຶນທີ່ຈຳເປັນເພື່ອຮັກສາການເຕີບໂຕໃນສະພາບການປ່ຽນແປງຂອງດິນຟ້າອາກາດ. ບົດລາຍງານນີ້ໄດ້ສະເໜີສອງຂັ້ນຕອນເພື່ອຄຸ້ມຄອງການເຕີບໂຕຕໍ່ສິ່ງທ້າທາຍຂອງການປ່ຽນແປງດິນຟ້າອາກາດ.
ທ່ານ Andrea Coppola ໃຫ້ຮູ້ວ່າ ອາຍພິດພວມເຮັດໃຫ້ລະດັບມົນລະພິດອາກາດຮ້າຍແຮງກ່ວາອີກ, ພິເສດຢູ່ຮ່າໂນ້ຍ, ສິ່ງນີ້ພວມກໍ່ຜົນສະທ້ອນຕໍ່ສຸຂະພາບ ແລະ ຈາກນັ້ນກໍ່ສ້າງຜົນກະທົບຕໍ່ສະມັດຕະພາບໃນການອອກແຮງງານ ກໍ່ຄືຜົນສະທ້ອນຕໍ່ພື້ນຖານເສດຖະກິດທີ່ພວມພັດທະນານີ້.
ຕໍ່ໜ້າສິ່ງທ້າທາຍຂອງການປ່ຽນແປງດິນຟ້າອາກາດ, ທະນາຄານໂລກໃຫ້ຄຳໝັ້ນສັນຍາສະໜອງການໜູນຊ່ວຍດ້ານເຕັກນິກ ແລະ ການເງິນ ເມື່ອ ຫວຽດນາມ ສືບຕໍ່ປະເຊີນໜ້າກັບສິ່ງທ້າທາຍທົບ 3 ເທົ່າ ກ່ຽວກັບການຮັບປະກັນການເຕີບໂຕໄວ ແລະ ກວມລວມ, ເພີ່ມທະວີຄວາມສາມາດໃນການຮັບມືກັບການປ່ຽນແປງຂອງດິນຟ້າອາກາດ ແລະ ຫຼຸດຜ່ອນການປ່ອຍອາຍພິດເຮືອນແກ້ວ.
ບຸນຄົງ
