ຫວ່າງແລ້ວນີ້, ຢູ່ຮ່າໂນ້ຍ, ສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ແລະ ສະມາຄົມມິດຕະພາບ ຫວຽດນາມ - ສ.ເກົາຫຼີ ໄດ້ຈັດຕັ້ງພິທີສະເຫຼີມສະຫຼອງ 30 ປີແຫ່ງວັນສ້າງສາຍພົວພັນທາງການທູດ ຫວຽດນາມ - ສ.ເກົາຫຼີ.
ລາຍການສະແດງສິລະປະ. ພາບ: thoidai.com.vn
ກ່າວຄຳເຫັນທີ່ນີ້, ທ່ານນາງຮອງປະທານປະເທດ ຫວໍທິແອງຊວນ ຢືນຢັນວ່າ ການພົວພັນລະຫວ່າງ ຫວຽດນາມ - ສ.ເກົາຫຼີ ແມ່ນແບບຢ່າງສຳເລັດຜົນ ບົນພື້ນຖານຄວາມຈິງໃຈ ແລະ ຄວາມໄວ້ເນື້ອເຊື່ອໃຈດ້ານການເມືອງ; ຄວາມຂະຫຍັນຂັນເຄື່ອນ, ມີໄຫວພິບ, ຍືນຍົງໃນການຮ່ວມມືດ້ານເສດຖະກິດ; ແລະ ຄວາມສະໜິດຕິດພັນຢ່າງເລິກເຊິ່ງໃນການພົບປະແລກປ່ຽນປະຊາຊົນ, ໃນນັ້ນມີການປະກອບສ່ວນສຳຄັນຂອງການທູດປະຊາຊົນ, ພິເສດແມ່ນປະຊາຄົມວິສາຫະກິດຂອງສອງປະເທດ.
ສ່ວນທ່ານເອກອັກຄະລັດຖະທູດ ສ.ເກົາຫຼີ ປະຈຳ ຫວຽດນາມ Oh Young-ju ຢືນຢັນວ່າ ນີ້ແມ່ນນ້ຳໃຈມິດຕະພາບ ແລະ ຄວາມໄວ້ເນື້ອເຊື່ອໃຈອັນເລິກເຊິ່ງລະຫວ່າງຊາວ ສ.ເກົາຫຼີ ທີ່ຮັກແພງຫວຽດນາມ ແລະ ຊາວ ຫວຽດນາມ ທີ່ຮັກແພງສ.ເກົາຫຼີ ໃນຕະຫຼອດ 30 ປີຜ່ານມາ. ທ່ານເອກອັກຄະລັດຖະທູດເຊື່ອໝັ້ນວ່າ ສອງປະເທດໄດ້ປະສົບຜົນສຳເລັດໃນຕະຫຼອດ 30 ປີ ແລະ ພວມກະກຽມຂຽນເປັນປະຫວັດສາດປະສົບຜົນສຳເລັດໃນ 30 ປີຕໍ່ໜ້າ.
ເອກອັກຄະລັດຖະທູດ ຫງວຽນເຟືອງງາ, ປະທານບັນດາສະມາຄົມຂອງບັນດາການຈັດຕັ້ງມິດຕະພາບຂອງຫວຽດນາມ ແລະ ສະມາຄົມມິດຕະພາບຫວຽດນາມ-ເກົາຫຼີໃຕ້ຈະປະຕິບັດພາລະບົດບາດເປັນຂົວຕໍ່, ປະສານງານຢ່າງແໜ້ນແຟ້ນກັບຄູ່ຮ່ວມມື ແລະ ບັນດາການຈັດຕັ້ງປະຊາຊົນເກົາຫຼີໃຕ້ເພື່ອຜັນຂະຫຍາຍຢ່າງມີໝາກຜົນບັນດາຂໍ້ຕົກລົງຂອງການນຳຂັ້ນສູງສອງຝ່າຍ. ເພີ່ມທະວີການພົວພັນດ້ານວັດທະນະທຳ, ສິລະປະວັນນະຄະດີ, ກີລາ, ດຶງດູດການລົງທຶນເສດຖະກິດ, ການຄ້າ, ການທ່ອງທ່ຽວ, ປະຕິບັດໂຄງການມະນຸດສະທຳ, ສົ່ງເສີມຊ່ວຍເຫຼືອບັນດາຄອບຄົວສອງວັດທະນະທຳຫວຽດນາມ-ເກົາຫຼີໃຕ້ ແລະ ຊຸມຊົນຄົນຫວຽດນາມໃນເກົາຫຼີໃຕ້ ແລະ ຊຸມຊົນຄົນເກົາຫຼີໃຕ້ໃນຫວຽດນາມ ເພື່ອປະກອບສ່ວນເພີ່ມພູນຄູນສ້າງມິດຕະພາບລະຫວ່າງປະຊາຊົນສອງປະເທດ, ປະກອບສ່ວນເຂົ້າໃນການຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານຫວຽດນາມ-ເກົາຫຼີໃຕ້ໃຫ້ເຂົ້າສູ່ລວງເລິກ, ມີປະສິດທິຜົນ ແລະ ສອດຄ່ອງກັບສະພາບຄວາມເປັນຈິງ ເພື່ອຕອບສະໜອງຜົນປະໂຫຍກ ແລະ ຄວາມມຸ່ງມາດປາຖະໜາຂອງປະຊາຊົນສອງຊາດ.
ບູນມີ
