ຫວ່າງແລ້ວນີ້, ການນຳແຂວງບິ່ງດິ້ງໄດ້ມີການພົບປະກັບຄະນະປະຕິບັດ ງານນໍາ ໂດຍທ່ານ ບຸນຄົງ ພັນວົງສາ, ຫົວໜ້າພະແນກຍຸຕິທຳແຂວງຈຳປາສັກ (ລາວ). ນີ້ແມ່ນໂອກາດເພື່ອແລກປ່ຽນ ແລະ ຖອດຖອນບົດຮຽນໃນການຄຸ້ມຄອງລັດໃນຂົງເຂດຕຸລາການ, ປະກອບສ່ວນຮັດແໜ້ນສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານໃນທຸກຂົງເຂດລະຫວ່າງສອງແຂວງ.
ແຂວງບິ່ງດິ້ງ ແລະ ຈໍາປາສັກ (ລາວ) ແບ່ງປັນປະສົບການ ແລະ ເພີ່ມທະວີການຮ່ວມມືດ້ານຕຸລາການ. ພາບ: thoidai.com.vn
ທ່ານ ບຸນຄົງ ພັນວົງສາ ແບ່ງປັນວ່າ ການຢ້ຽມຢາມ ແລະ ເຮັດວຽກຂອງພະແນກຍຸຕິທຳ ແຂວງຈຳປາສັກ ໃນຄັ້ງນີ້ ແມ່ນເພື່ອແນໃສ່ແລກປ່ຽນ ແລະ ຖອດຖອນບົດຮຽນກັບພະແນກຍຸຕິທຳ ບິ່ງດິ້ງ ກ່ຽວກັບການຄຸ້ມຄອງລັດໃນຂົງເຂດຕຸລາການ (ໂຄສະນາເຜີຍແຜ່, ສຶກສາກົດໝາຍ; ໜູນຊ່ວຍດ້ານນິຕິກໍາ; ລັດຖະກອນ ແລະ ວຽກງານຕຸລາການຢູ່ຮາກຖານ...), ປະກອບສ່ວນເພີ່ມທະວີ ສາຍພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຮອບດ້ານໃນທຸກ ຂົງເຂດລະຫວ່າງສອງແຂວງ.
ທີ່ການພົບປະ, ທ່ານຮອງປະທານຄະນະກຳມະການປະຊາຊົນແຂວງບິ່ງດິ້ງ ເຊື່ອໝັ້ນວ່າ ພາຍໃຕ້ການຊີ້ນຳ ແລະ ນໍາພາຂອງຄະນະພັກແຂວງ, ອໍານາດ ການປົກຄອງ ແລະ ຄວາມສາມມັກຄີເປັນເອກະພາບຂອງປະຊາຊົນ, ແຂວງຈຳປາສັກ ຈະສືບຕໍ່ບັນລຸໄດ້ບັນດາຜົນງານໃໝ່ ແລະ ໃຫຍ່ຫຼວງກວ່າອີກໃນພາລະກິດການສ້າງສາ ແລະ ພັດທະນາທ້ອງຖິ່ນ.
ບູນມີ
