ຕອນບ່າຍວັນທີ 12 ທັນວາ, ຊຸດຝຶກອົບຮົມວຽກງານສື່ມວນຊົນ ແລະ ເຕັກນິກການພິມໃຫ້ພະນັກງານກອງທັບປະຊາຊົນລາວ ໄດ້ອັດລົງຢູ່ກອງ 871, ກົມໃຫຍ່ການເມືອງກອງທັບປະຊາຊົນຫວຽດນາມ.
ສະຫາຍພົນຈັດຕະວາ ເລຊວນຊາງ ຮອງຫົວໜ້າກົມໂຄສະນາອົບຮົມ ກ່າວຄໍາເຫັນທີ່ພິທີປິດ. ພາບ: thoidai.com.vn
ສະຫາຍພົນຈັດຕະວາ ເລຊວນຊາງ ຮອງຫົວໜ້າກົມໂຄສະນາອົບຮົມ, ກົມໃຫຍ່ການເມືອງກອງທັບປະຊາຊົນຫວຽດນາມ ໄດ້ຕີລາຄາວ່າ: ໃນເວລາ 1 ເດືອນ, ຄະນະພະນັກງານກອງທັບປະຊາຊົນລາວ ໄດ້ຍົກສູງຈິດໃຈຄວາມ ຮັບຜິດຊອບ, ຄວາມສາມັກຄີ, ສະແຫວງຫາຊອກຮູ້, ຄຽງບ່າຄຽງໄຫຼ່ພ້ອມກັບ ຄະນະຈັດຕັ້ງຊຸດຝຶກອົບຮົມປະຕິບັດແຜນການ ແລະ ເນື້ອໃນການຝຶກອົບ ຮົມຢ່າງມີປະສິດທິຜົນ.
ບັນຍາກາດທີ່ພິທີ. ພາບ: thoidai.com.vn
ສະຫາຍພົນຈັດຕະວາ ເລຊວນຊາງ ເຊື່ອໝັ້ນວ່າ ຄວາມຮູ້, ປະສົບການຕົວຈິງໃນໄລຍະທີ່ຝຶກອົບຮົມຢູ່ຫວຽດນາມ ຈະຊ່ວຍໃຫ້ ພະນັກງານກອງທັບປະຊາຊົນລາວ ຍົກລະດັບຄວາມຮູ້, ທັກສະ, ໝູນໃຊ້ເຂົ້າ ໃນວຽກງານຢ່າງມີຫົວຄິດປະດິດສ້າງ, ຈາກນັ້ນ ກໍປະກອບສ່ວນສ້າງກອງ ທັບປະຊາຊົນລາວ ໃຫ້ນັບມື້ນັບໝັ້ນຄົງເຂັ້ມແຂງກວ່າເກົ່າ.
ສະຫາຍພັນໂທ ອາໄພ ອາໄພຍະວົງ, ຮອງຫົວໜ້າບັນນາທິການໃຫຍ່ ໜັງສືພິມກອງທັບປະຊາຊົນລາວ, ຫົວໜ້າຄະນະພະນັກງານກອງທັບ ປະຊາຊົນລາວ ກ່າວຄໍາເຫັນທີ່ພິທີປິດ. ພາບ: thoidai.com.vn
ສະຫາຍພັນໂທ ອາໄພ ອາໄພຍະວົງ, ຮອງຫົວໜ້າບັນນາທິການໃຫຍ່ໜັງສືພິມ ກອງທັບປະຊາຊົນລາວ, ຫົວໜ້າຄະນະພະນັກງານກອງທັບປະຊາຊົນລາວ ກ່າວວ່າ ເມື່ອກັບຄືນປະເທດ, ຈະນຳເອົາຄວາມຮູ້, ປະສົບການທີ່ຖອດ ຖອນມາໄດ້ໃນຊຸດຝຶກອົບຮົມຄັ້ງນີ້ ຜັນຂະຫຍາຍເຂົ້າໃນວຽກງານວິຊາສະເພາະ ຂອງຕົນຢ່າງມີປະສິດທິຜົນສູງ, ພ້ອມທັງເຊື່ອໝັ້ນວ່າ ບົນພື້ນຖານມູນເຊື້ອ ການພົວພັນຮ່ວມມື ແລະ ການຊ່ວຍເຫຼືອເຊິ່ງກັນ ແລະກັນລະຫວ່າງກອງທັບສອງປະເທດ ເວົ້າລວມ, ວຽກງານໂຄສະນາອົບຮົມ, ວຽກງານສື່ສານມວນຊົນ ແລະ ເຕັກນິກການພິມຈຳໜ່າຍ ເວົ້າສະເພາະ ຈະສືບຕໍ່ຊ່ວຍເຫຼືອເຊິ່ງກັນແລະກັນ ເພື່ອພັດທະນາ ແລະ ບັນລຸໄດ້ປະສິດທິຜົນສູງ.
ບູນມີ
