| ແນວໂຮມປະເທດຊາດ ຫວຽດນາມ ແລະ ສະມັດຊາໃຫຍ່ ສັນຕິພາບໂລກ ຄວນເພີ່ມທະວີການຮ່ວມມືເພື່ອສັນຕິພາບ | |
| ຫວຽດນາມ ແມ່ນສະຖານທີ່ທີ່ມີຄວາມໝາຍເພື່ອຈັດຕັ້ງກອງປະຊຸມໃຫຍ່ ສະພາສັນຕິພາບໂລກ |
 |
| ທ່ານຝຸ່ງແຄ໊ງຕາຍຮອງປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ |
ວັນທີ 29 ພະຈິກ, ຢູ່ຮ່າໂນ້ຍ, ຄະນະປະຈຳຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ຈັດຕັ້ງການໂອ້ລົມສົນທະນາວິທະຍາສາດ “ການປ່ຽນແປງໃໝ່ ແລະ ຍົກສູງປະສິດທິຜົນວຽກງານຊາວຫວຽດນາມອາໄສຢູ່ຕ່າງປະເທດຂອງແນວໂຮມປະເທດຊາດ ຫວຽດນາມ ໃນສະພາບການໃໝ່”.
ວຽກງານຊາວຫວຽດນາມ ອາໄສຢູ່ຕ່າງປະເທດ ຍາມໃດກໍ່ໄດ້ຮັບຄວາມເອົາໃຈໃສ່ເປັນພິເສດ ຈາກແນວໂຮມປະເທດຊາດ ຫວຽດນາມ ແລະ ກາຍເປັນໜ້າທີ່ລຸລ່ວງໃນບັນດາໂຄງການເຄື່ອນໄຫວ, ຜ່ານນັ້ນ ກໍ່ໄດ້ຮັບຟັງຄວາມມຸ່ງມາດປາດຖະໜາຂອງຊາວຫວຽດນາມອາໄສຢູ່ຕ່າງປະເທດເພື່ອສັງລວມ, ມີຂໍ້ສະເໜີແນະເພີ່ມເຕີມ, ປັບປຸງນະໂຍບາຍ, ລະດົມຈິດໃຈຮັກຊາດ, ມີຄວາມກົມກຽວຊົນຊາດໃນປະຊາຄົມ.
ເຂົ້າຮ່ວມການໂອ້ລົມສົນທະນາມີທ່ານ ຟຸ່ງແຄ໊ງຕ່າຍ, ຮອງປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ, ພ້ອມກັບຜູ້ຕາງໜ້າຄະນະກຳມະການແຫ່ງລັດ ກ່ຽວກັບຊາວຫວຽດນາມອາໄສຢູ່ຕ່າງປະເທດ (ກະຊວງການຕ່າງປະເທດ), ສະຫະພັນບັນດາອົງການຈັດຕັ້ງມິດຕະພາບ ຫວຽດນາມ, ສູນກາງຄະນະຊາວໜຸ່ມກອມມູນິດ ໂຮ່ຈີມິນ...
ມີຫຼາຍວິທີການແກ້ໄຂ ເພື່ອໃຫ້ຊາວຫວຽດນາມອາໄສຢູ່ຕ່າງປະເທດ ຍາມໃດກໍ່ມຸ່ງໄປເຖິງບ້ານເກີດເມືອງນອນ
ກ່າວຄຳເຫັນທີ່ການໂອ້ລົມສົນທະນາ, ທ່ານ ຟຸ່ງແຄ໊ງຕ່າຍ ໃຫ້ຮູ້ວ່າ: ໂດຍປະຕິບັດແຜນນະໂຍບາຍ, ແນວທາງຂອງພັກ, ສິດ ແລະ ຄວາມຮັບຜິດຊອບທີ່ໄດ້ກຳນົດໄວ້ໃນລັດຖະທຳມະນູນ ແລະ ກົດໝາຍ, ແນວໂຮມປະເທດຊາດ ຫວຽດນາມ ມີຄວາມຕັ້ງໜ້າໃນການປ່ຽນແປງໃໝ່, ຫັນເນື້ອໃນເປັນຫຼາຍຮູບຫຼາຍແບບ, ວິທີການເຄື່ອນໄຫວ, ນຳວຽກງານຂົນຂວາຍ, ເຕົ້າໂຮມຊາວຫວຽດນາມ ອາໄສຢູ່ຕ່າງປະເທດ ກາຍເປັນເນື້ອໃນສຳຄັນ, ໜ້າທີ່ລຸລ່ວງໃນໂຄງການກະທຳຜ່ານບັນດາກອງປະຊຸມຂອງແນວໂຮມປະເທດຊາດ ຫວຽດນາມ, ໃນໂຄງການສົມທົບ ແລະ ເປັນເອກະພາບການເຄື່ອນໄຫວໃນທຸກປີຂອງຄະນະກຳມະການສູນກາງແນວໂຮມປະເທດຊາດ ຫວຽດນາມ ສຳລັບບັນດາຄູ່ຮ່ວມມືທີ່ກ່ຽວຂ້ອງ.
ພາຍຫຼັງ 10 ປີແຫ່ງການຜັນຂະຫຍາຍໂຄງການເຄື່ອນໄຫວ “ເສີມຂະຫຍາຍການໂຄສະນາ, ຂົນຂວາຍ, ເຕົ້າໂຮມ ແລະ ສາມັກຄີຂອງຊາວຫວຽດນາມ ອາໄສຢູ່ຕ່າງປະເທດໃນສະພາບການໃໝ່”, ວຽກງານກ່ຽວກັບຊາວຫວຽດນາມອາໄສຢູ່ຕ່າງປະເທດ ຢູ່ທ້ອງຖິ່ນ ບັນລຸໄດ້ບາດກ້າວຫັນປ່ຽນເພື່ອແນໃສ່ຍົກສູງຄວາມຮັບຮູ້ຂອງພະນັກງານ, ພາລະກກອນ, ລັດຖະກອນ, ຜູ້ອອກແຮງງານ ແລະ ປະຊາຊົນໃນບໍລິເວນກ່ຽວກັບວຽກງານສຳລັບຊາວຫວຽດນາມອາໄສຢູ່ຕ່າງປະເທດ.
ເຖິງວ່າບັນລຸໄດ້ ໝາກຜົນຫລາຍຢ່າງກໍ່ຕາມ, ແຕ່ໃນວຽກງານຂົນຂວາຍ, ເຕົ້າໂຮມ, ສາມັກຄີປະຊາຄົມຊາວຫວຽດນາມ ອາໄສຢູ່ຕ່າງປະເທດ ຂອງແນວໂຮມປະເທດຊາດຫວຽດນາມ ໃນຂະບວນການປະຕິບັດກໍ່ເກີດມີຫຼາຍບັນຫາບົກຜ່ອງ ແລະ ຍັງມີຂໍ້ຈຳກັດ. ດັ່ງນັ້ນ, ການໂອ້ລົມສົນທະນາແມ່ນໂອກາດເພື່ອໄຈ້ແຍກສະພາບການສາກົນ ແລະ ພາຍໃນ, ຕີລາຄາຢ່າງແທດຈິງໝາກຜົນວຽກງານຊາວຫວຽດນາມອາໄສຢູ່ຕ່າງປະເທດຂອງແນວໂຮມປະເທດຊາດ ຫວຽດນາມ ໃນໄລຍະຜ່ານມາ. ຈາກນັ້ນ ກໍສະເໜີບັນດາຂໍ້ສະເໜີແນະ ເພື່ອຍູ້ແຮງວຽກງານຊາວຫວຽດນາມ ອາໄສຢູ່ຕ່າງປະເທດໃນໄລຍະຈະມາເຖິງ.
ຍູ້ແຮງວຽກງານເຕົ້າໂຮມ, ສາມັກຄີຊາວຫວຽດນາມອາໄສຢູ່ຕ່າງປະເທດ
ສະຫຼຸບລວມບັນດາເນື້ອໃນຢູ່ກອງປະຊຸມສຳມະນາ, ທ່ານຮອງປະທານ ຟຸ່ງແຄ້ງຕ່າຍ ຕີລາຄາສູງບັນດາຄຳເຫັນປຶກສາຫາລື ແລະ ເນັ້ນໜັກບັນດາຄຳເຫັນໄດ້ຕີລາຄາ, ໄຈ້ແຍກສະພາບການສາກົນ ແລະ ພາຍໃນປະເທດ ທີ່ມີຜົນກະທົບຕໍ່ວຽກງານຂົນຂວາຍ, ເຕົ້າໂຮມຊາວຫວຽດນາມອາໄສຢູ່ຕ່າງປະເທດ ຂອງແນວໂຮມປະເທດຊາດ ຫວຽດນາມ ແລະ ບັນດາອົງການສະມາຊິກ, ຕີລາຄາໝາກຜົນການຂົນຂວາຍ, ເຕົ້າໂຮມຊາວຫວຽດນາມອາໄສຢູ່ຕ່າງປະເທດຂອງແນວໂຮມປະເທດຊາດ ຫວຽດນາມ ຢ່າງແທດຈິງ ແລະ ບັນດາອົງການສະມາຊິກໃນໄລຍະຈະມາເຖິງ, ຊອກຫາຂໍ້ຈຳກັດ, ຈຸດບົກຜ່ອງ, ສາຍເຫດ ແລະ ບົດຮຽນປະສົບການ, ບັນດາໜ້າທີ່ວິທີການ ແລະ ຂໍ້ສະເໜີແນະຕໍ່ວຽກງານຂົນຂວາຍ, ເຕົ້າໂຮມຊາວຫວຽດນາມອາໄສຢູ່ຕ່າງປະເທດໃນໄລຍະຈະມາເຖິງ.
ທ່ານຮອງປະທານ ຝຸ່ງແຄ໊ງຕ່າຍ ຢັ້ງຢືນວ່າ ວຽກງານຊາວຫວຽດນາມອາໄສຢູ່ຕ່າງປະເທດ ຂອງແນວໂຮມປະເທດຊາດ ຫວຽດນາມ ໃນໄລຍະຜ່ານມາ ບັນລຸໄດ້ໝາກຜົນທີ່ຕັ້ງໜ້າຫຼາຍຢ່າງ, ໃນນັ້ນມີຄວາມຮັບຮູ້ກ່ຽວກັບບົດບາດ ແລະ ຄວາມສຳຄັນຂອງວຽກງານຊາວຫວຽດນາມອາໄສຢູ່ຕ່າງປະເທດ ຕໍ່ພາລະກິດແຫ່ງການກໍ່ສ້າງກຸ່ມກ້ອນມະຫາສາມັກຄີທົ່ວປວງຊົນທັງຊາດ ຂອງຖັນແຖວພະນັກງານແນວໂຮມປະເທດຊາດ ແລະ ບັນດາອົງການຈັດຕັ້ງສະມາຊິກ ໄດ້ຮັບການຍົກຂຶ້ນ. ວຽກງານຊາວຫວຽດນາມອາໄສຢູ່ຕ່າງປະເທດ ກໍ່ໄດ້ຮັບການໜູນຊ່ວຍຢ່າງຕັ້ງໜ້າໃນການເຄື່ອນໄຫວການທູດປະຊາຊົນຂອງແນວໂຮມ ແລະ ບັນດາອົງການຈັດຕັ້ງສະມາຊິກ.
ບຸນຄົງ
