ມີ​ສານ​ມິດ​ຕະ​ພາບຫຼາຍ​ຢ່າງ​ໄດ້​ສະ​ແດງ​ອອກ​ຢູ່ກອງ​ປະ​ຊຸມ​ໃຫຍ່​ຄັ້ງ​ທີ 22 ສະ​ມັດ​ຊາ​ໃຫຍ່ ສັນ​ຕິ​ພາບ ໂລກ

15:51 | 30/11/2022

ຍ​ສ​ໝ - ກອງ​ປະ​ຊຸມ​ໃຫຍ່​ຄັ້ງ​ທີ 22 ສະ​ມັດ​ຊາ​ໃຫຍ່ ສັນ​ຕິ​ພາບ ໂລກ​ແມ່ນ​ໂອ​ກາດ​ເພື່ອ​ໃຫ້ ຫວຽດ​ນາມ ສະ​ແດງ​ຄວາມ​ຮູ້​ບຸນ​ຄຸນ​ຕໍ່​ນ້ຳ​ໃຈ​ສາ​ມັກ​ຄີ, ການ​ສະ​ໜັບ​ສະ​ໜູນ​ຂອງ​ປະ​ຊາ​ຊົນ​ໂລກຕໍ່​ການ​ຕໍ່​ສູ້​ປົດ​ປ່ອຍ​ຊາດ, ທ້ອນ​ໂຮມ​ປະ​ເທດ​ຊາດ​ເປັນ​ເອ​ກະ​ພາບ ກໍ່​ຄື​ພາ​ລະ​ກິດ​ແຫ່ງ​ການ​ກໍ່​ສ້າງ​ປະ​ເທດ​ໃນ​ປັດ​ຈຸ​ບັນ ຂອງ ຫວຽດ​ນາມ. ພ້ອມ​ທັງ​ໂຄ​ສະ​ນາ​ບັນ​ດາ​ຜົນ​ສຳ​ເລັດ​ໃນ​ການ​ປ່ຽນ​ແປງ​ໃໝ່, ປະ​ເທດ​ຊາດ ແລະ ຊາວຫວຽດ​ນາມ...

ເປີດຕົວ​ຄະ​ນະ​ບໍ​ລິ​ຫານ​ງາ​ນ​ຊຸດ​ໃໝ່​ຂອງ​ສະ​ມັດ​ຊາ​ໃຫຍ່ ສັນ​ຕິ​ພາບ​ໂລກ ເປີດຕົວ​ຄະ​ນະ​ບໍ​ລິ​ຫານ​ງາ​ນ​ຊຸດ​ໃໝ່​ຂອງ​ສະ​ມັດ​ຊາ​ໃຫຍ່ ສັນ​ຕິ​ພາບ​ໂລກ
ບັນ​ດາ​ຜູ້​ແທນ​ເຂົ້າ​ຮ່ວມກອງ​ປະ​ຊຸມ​ໃຫຍ່​ສະ​ພາ​ສັນ​ຕິ​ພາບ​ໂລກ ຕີ​ລາ​ຄາ​ສູງ​ຕໍ່​ບົດ​ບາດ​ຂອງ ຫວຽດ​ນ​າມ ໃນ​ສະ​ພາ​ສັນ​ຕິ​ພາບ​ໂລກ ບັນ​ດາ​ຜູ້​ແທນ​ເຂົ້າ​ຮ່ວມກອງ​ປະ​ຊຸມ​ໃຫຍ່​ສະ​ພາ​ສັນ​ຕິ​ພາບ​ໂລກ ຕີ​ລາ​ຄາ​ສູງ​ຕໍ່​ບົດ​ບາດ​ຂອງ ຫວຽດ​ນ​າມ ໃນ​ສະ​ພາ​ສັນ​ຕິ​ພາບ​ໂລກ
ມີ​ສານ​ມິດ​ຕະ​ພາບຫຼາຍ​ຢ່າງ​ໄດ້​ສະ​ແດງ​ອອກ​ຢູ່ກອງ​ປະ​ຊຸມ​ໃຫຍ່​ຄັ້ງ​ທີ 22 ສະ​ມັດ​ຊາ​ໃຫຍ່ ສັນ​ຕິ​ພາບ ໂລກ
ທ່ານອ​ວງ​ຈູ​ລິວ, ອະ​ດີດ​ຮອງ​ປະ​ທານ​ສະ​ພາ​ແຫ່ງ​ຊາດ, ປະ​ທານ​ຄະ​ນະ​ກຳ​ມະ​ການ​ສັ​ນ​ຕິ​ພາບ ຫ​ວຽດ​ນາມ (ພາບ: ເຈື່ອງ​ຮຸງ)

ທ່ານອ​ວງ​ຈູ​ລິວ, ອະ​ດີດ​ຮອງ​ປະ​ທານ​ສະ​ພາ​ແຫ່ງ​ຊາດ, ປະ​ທານ​ຄະ​ນະ​ກຳ​ມະ​ການ​ສັ​ນ​ຕິ​ພາບ ຫ​ວຽດ​ນາມ ໄດ້​ແບ່ງ​ປັນ​ກັບ​ນັກ​ຂ່າວ​ກ່ຽວ​ກັບ​ເຫດ​ການກອງ​ປະ​ຊຸມ​ຄັ້ງ​ທີ 22 ສະ​ມັດ​ຊາ​ໃຫຍ່ ສັນ​ຕິ​ພາບ​ໂລກ ທີ່​ໄດ້​ຈັດ​ຕັ້ງ​ຢູ່ ຫວຽດ​ນາມ, ໃນ​ລະ​ຫວ່າງວັນ​ທີ 21 – 26 ພ​ະ​ຈິກ ປີ 2022.

ຮຽນ​ທ່ານ​ໃຫ້​ຮູ້​ກ່ຽວ​ກັບ ການ​ພົວ​ພັນ ແລະ ບົດ​ບາດ​ຂອງ​ສະ​ມັດ​ຊາ​ໃຫຍ່ ສັນ​ຕິ​ພາບ ໂລກ​ຕໍ່​ຂະ​ບວນ​ການ​ແຫ່ງ​ສັນ​ຕິ​ພາບ ຫວຽດ​ນາມ? ຄະ​ນະ​ກຳ​ມະ​ກາ​ນ​ສັນ​ຕິ​ພາບ ຫວຽດ​ນາມ ມີ​ການ​ປະ​ກອບ​ສ່ວນ​ຫຍັງ​ຕໍ່​ຂະ​ບວນ​ການ​ສັນ​ຕິ​ພາບ ໂລກ

ສະ​ມັດ​ຊາ​ໃຫຍ່ ສັນ​ຕິ​ພາບ ໂລກ ແລະ ຫວຽດ​ນາມ ມີ​ການ​ພົວ​ພັນ​ທາງ​ດ້ານ​ປະ​ຫວັດ​ສາດ​ພິ​ເສດ ນັບ​ແຕ່​ເວ​ລາ​ສ້າງ​ຕັ້ງ. ປີ 1949, ຫວຽດ​ນາມ ໄດ້​ສົ່ງ​ຄະ​ນະ​ຜູ້​ແທນ​ລວມ​ມີ 11 ຄົນ ເຂົ້າ​ຮ່ວມ​ກອງ​ປະ​ຊຸມ​ໃຫຍ່​ສ້າງ​ຕັ້ງ​ສະ​ມັດ​ຊາ​ໃຫຍ່ ສັນ​ຕິ​ພາບ​ໂລກ. ໂດຍ​ເຫັນ​ໄດ້​ບົດ​ບາດ​ສຳ​ຄັນ​ຂອງ​ສະ​ພາ​ກໍ່​ຄື​ຄວາ​ມ​ຈຳ​ເປັນ​ໃນ​ການ​ເຊື່ອມ​ຕໍ່​ລະ​ຫວ່າງ ຫວຽດ​ນາມ ກັບ​ອົງ​ການ​ສາ​ກົນ​ນີ້, ທ່ານ​ປະ​ທານ​ ໂຮ່​ຈີ​ມິນ ແລະ ພັກ​ຫວຽດ​ນາມ ໄດ້​ຊີ້​ນຳ​ສ້າງ​ຕັ້ງ​ຄະ​ນະ​ກຳ​ມະ​ການ​ປົກ​ປ້ອງ​ສັນ​ຕິ​ພາບໂລກ ຂອງ ຫວຽດ​ນາມ (ປັດ​ຈຸ​ບັນ​ແມ່ນ ຄະ​ນະ​ກຳ​ມະ​ການ​ສັນ​ຕິ​ພາບ ຫວຽດ​ນາມ).

ກ່​ວາ 7 ທົດ​ສະ​ວັດ​ທີ່​ຜ່ານ​ມາ, ສະ​ມັດ​ຊາ​ໃຫຍ່ ສັນ​ຕິ​ພາບ ໂລກ ຍາມ​ໃດ​ກໍ່​ສະ​ຫງວນ​ໃຫ້ ຫວຽດ​ນາມ ນ້ຳ​ໃຈ​ມິດ​ຕະ​ພາບ​ອັນ​ດີ​ງາມ, ນ້ຳ​ໃຈ​ສາ​ມັກ​ຄີ​ສາ​ກົນອັນ​ສູ​ງ​ສົ່ງ ແລະ ການ​ສະ​ໜັບ​ສະ​ໜູນ​ຢ່​ງາ​ແຮງ​ໃນ​ພາ​ລະ​ກິດ​ແຫ່ງ​ການ​ຕໍ່​ສູ້​ປົດ​ປ່ອຍ​ຊາດ, ເພື່ອ​ເອ​ກະ​ລາດ, ຄວາມ​ເສ​ລີ​ຂອງ​ປະ​ເທດ​ຊາດ ກໍ່​ຄື​ໃນ​ພາ​ລະ​ກິດ​ແຫ່ງ​ການ​ປ່ຽນ​ແປງ​ໃໝ່, ສ້າງ​ສາ, ປົກ​ປັກ​ຮັກ​ສາ​ ແລະ ພັດ​ທະ​ນາ ປະ​ເທດ​ຊາດ​ໃນ​ປັດ​ຈຸ​ບັນ.

ອາດ​ເຫັນ​ໄດ້​ການ​ສະ​ໜັບ​ສະ​ໜູນ, ຄວາມ​ສາ​ມັກ​ຄີ​ຂອງ​ສະ​ມັດ​ຊາ​ໃຫຍ່ ສັນ​ຕິ​ພາບ ໂລກ​ຕໍ່​ຫວຽດ​ນາມ ຜ່ານ​ຂີດ​ໝາຍ​ສຳ​ຄັນ​ຈຳ​ນວນ​ໜຶ່ງ.

ປິ 1950, ຫວຽດ​ນາມ ໄດ້​ສົ່ງ​ຄະ​ນະ​ຜູ້​ແທນ ເຂົ້າ​ຮ່ວມກອງ​ປະ​ຊຸມ​ໃຫຍ່​ຄັ້ງ​ທີ 2 ຂອງ​ສະ​ມັດ​ຊາ​ໃຫຍ່ ສັນ​ຕິ​ພາບ​ໂລກ ຢູ່ Warsaw (ໂປ​ໂລຍ). ຢູ່ກອງ​ປະ​ຊຸມ​ໃຫຍ່​ຄັ້ງ​ນີ້, ເປັນ​ຄັ້ງ​ທຳ​ອິດ​ສະ​ມັດ​ຊາ​ໃຫຍ່​ໄດ້​ຮຽກ​ຮ້ອງ​ການ​ສະ​ໜັບ​ສະ​ໜູນກນ​ຕໍ່​ສູ້​ຕ້ານ​ພວກ​ລ່າ​ເມືອ​ງ​ຂຶ້ນ​ຝ​ລັ່ງ​ຂອງ​ປະ​ຊາ​ຊົນ ຫວຽດ​ນາມ.

ພາຍຫຼັງ​ການ​ຮຽກ​ຮ້ອງ​ນັ້ນ, ບັນ​ດາ​ການ​ເຄື່ອນ​ໄຫວ​ສັນ​ຕິ​ພາບ​ສະ​ໜັບ​ສະ​ໜູນ ຫວຽດ​ນາມ ໄດ້​ດຳ​ເນີນ​ຢູ່ຫຼາຍ​ປະ​ເທດ, ໃນ​ນັ້ນ​ການ​ເຄື່ອນ​ໄຫວ​ດຳ​ເນີນ​ຢູ່​ປະ​ເທດ​ຝ​ລັ່ງ​ຄື​ການ​ກະ​ທຳ​ທີ່​ກ້າ​ຫານ​ຂອງ​ນັກ​ຮົບ​ສັນ​ຕິ​ພາບ​ຝ​ລັ່ງ ຕ້ານ​ການຕໍ່​ສູ້ - Raymonde Dien ຜູ້ນອນ​ຢູ່​ເສັ້ນ​ທາງ​ລົດ​ໄຟ ເພື່ອ​ສະ​ກັດ​ກັ້ນ​ລົດ​ໄຟ​ຂົນ​ສົ່ງ​ອາ​ວຸດ​ໄປ​ຍັງ ຫວຽດ​ນາມ.

ບັນ​ດາ​ທັດ​ສະ​ນະ​ສະ​ໜັບ​ສະ​ໜູນ ຫວຽດ​ນາມ, ການ​ກະ​ທຳ​ທີ່​ກ້າ​ຫານ​ຂອງ​ນັກ​ຮົບ​ສັນ​ຕິ​ພາບ​ເຮັດ​ໃຫ້​ລັດ​ຖະ​ບານ​ຝ​ລັ່ງ​ບໍ່​ເພິ່ງ​ພໍ​ໃຈ ກັບ​ສະ​ມັດ​ຊາ​ໃຫຍ່​ສັນ​ຕິ​ພາບ​ໂລກ ແລະ ໄດ້​ເນ​ລະ​ເທດ​ຄະ​ນະ​ບໍ​ລິ​ຫານ​ອອກ​ຈາກ​ປະ​ເທດ​ຝ​ລັ່ງ.

ປີ 1960 ເມື່ອກອງ​ທັບ​ອາ​ເມ​ລິ​ກາ​ແຊກ​ແຊງ​ເຂົ້າ ຫວຽດ​ນາມ, ສະ​ມັດ​ຊາ​ໃຫຍ່ ສັນ​ຕິ​ພາບ​ໂລກ ພາຍ​ໃຕ້​ການ​ຊີ້​ນຳ​ຂອງ​ທ່ານ​ປະ​ທານ Romesh Chandra, ໄດ້​ກຳ​ນົດ​ໜ້າ​ທີ່​ສາ​ມັກ​ຄີ​ກັນ​ສະ​ໜັບ​ສະ​ໜູນ ຫວຽດ​ນາມ ແມ່ນ​ໜຶ່ງ​ໃນ​ບັນ​ດາ​ໜ້າ​ທີ່​ແຖວ​ໜ້າ​ຂອງ​ສະ​ພາ. ດ້ວຍ​ການ​ຮຽກ​ຮ້ອງ​ຂອງ​ສະ​ມັດ​ຊາ​ໃຫຍ່, ຂະ​ບວນ​ການ​ສັນ​ຕິ​ພາບ​ທົ່ວ​ໂລກ ໄດ້​ດຳ​ເນີນ​ໃນ​ບັນ​ດາ​ປະ​ເທດ​ເກືອບ​ທັງ​ໝົດ​ດ້ວຍ​ການ​ແຫ່​ຂະ​ບວນ​ມິດ​ຕິງນັບ​ພັນ​ຄັ້ງ, ການ​ເຄື່ອນ​ໄຫວ​ດ້ານ​ການ​ເມືອງ, ວັດ​ທະ​ນະ​ທຳ, ຮຽກ​ຮ້ອງ​ສ້າງກອງ​ທຶນ​ສາ​ມັກ​ຄີ, ສະ​ໜັບ​ສະ​ໜູນ ຫວຽດ​ນາມ, ມີ​ເອ​ກະ​ສານ, ໃບ​ປິວ ຄັດ​ຄ້ານ​ສົ່ງ​ຄາມ​ຮຸກ​ຮາມ​ຂອງ ອາ​ເມ​ລິ​ກາ​ຢູ່ ຫວຽດ​ນາມ, ກ່າວ​ຫາ​ໂທດ​ກຳ​ຂອງ​ພວກ​ຈັກ​ກາ​ພັກ​ອ​າ​ເມ​ລິ​ກາ ຢູ່ ຫວຽດ​ນາມໄດ້​ຮັບ​ການ​ພິມ​ຈຳ​ໜ່າຍ...

ໃນ​ສະ​ໄໝ ຫວຽດ​ນາມ ເລີ່ມ​ດຳ​ເນີນ​ການ​ປ່ຽນ​ແປງ​ໃໝ່, ສະ​ມັດ​ຊາ​ໃຫຍ່ ສັນ​ຕິ​ພາບ ໂລກ ກໍ່​ສາ​ມັກ​ຄີ, ຮ່ຽງ​ບ່າ​ຮ່ຽງ​ໄລ່, ສະ​ໜັບ​ສະ​ໜູນ ຫວຽດນາມ. ໃນ​ປີ 2010, ສະ​ມັດ​ຊາ​ໃຫຍ່​ໄດ້​ອອກ​ມະ​ຕິ​ຖື​ວັນ​ທີ 10 ສິງ​ຫາ ທຸກ​ປີ​ແມ່ນ​ວັນ​ສາ​ກົນ​ສະ​ມັກ​ຄີ​ກັນ​ເພື່ອ​ຜູ້​ປະ​ສົບ​ເຄາະ​ຮ້າຍ​ຈາກ​ທິດ​ພິດ​ສີ​ສົ້ມ ຫວຽດ​ນາມ. ສະ​ມັດ​ຊາ​ໃຫຍ່ ສັນ​ຕິ​ພາບ​ໂລກ ກໍ່​ຈັດ​ຕັ້ງ​ບັນ​ດາ​ການ​ເຄື່ອນ​ໄຫວ​ຮຽກ​ຮ້ອ​ງ​ປະ​ຊາ​ຊົນ ໂລກ ສະ​ໜັບ​ສະ​ໜູນ​ບັນ​ດາ​ບັນ​ຫາ​ຂຶ້ນ​ກັບ​ຜົນ​ປະ​ໂຫຍດ​ແຫ່ງ​ຊາດ ຫວຽດ​ນາມ ຄື​ບັນ​ຫາ​ທ​ະ​ເລ​ເຕ​ເວັນ​ອອກ, ອະ​ທິ​ປະ​ໄຕ, ສິດ​ທິ​ມະ​ນຸດ, ແກ້​ໄຂ​ຜົນ​ຮ້າຍ​ຢ້ອນຫຼັງ​ຈາກ​ລູກ​ລະ​ເບີດ​ຍັງ​ບໍ່​ທັນ​ແຕກ...

ອາ​ດ​ເວົ້າ​ໄດ້​ວ່າ, ສະ​ມັດ​ຊາ​ໃຫຍ່ ສັນ​ຕິ​ພາບ​ໂລກ ແມ່ນ​ອົງ​ການ​ຈັດ​ຕັ້ງ​ນຳ​ພາ​ບັນ​ດາ​ຂະ​ບວນ​ການ​ສັນ​ຕິ​ພາບ​ໃນ​ໂລກ, ສຸມ​ໃສ່​ບັນ​ດາ​ກຳ​ລັງ​ກ້າວ​ໜ້າ, ອະ​ທິ​ປະ​ໄຕ​ເພື່ອ​ເດັດ​ດຽວ​ເປົ້າ​ໝາຍ​ຕໍ່​ສູ້, ຮັກ​ສາ​ສັນ​ຕິ​ພາບ, ບໍ່​ພຽງ​ແຕ່​ໃຫ້​ແກ່ ຫວຽດ​ນາມ​ເທົ່າ​ນັ້ນ ຫາກ​ຍັງ​ແມ່ນ​ບັນ​ດາ​ປະ​ເທດ​ໃນ​ໂລກ​ອີກ​ດ້ວຍ.

ສຳ​ລັບ ຫວຽດ​ນາມ, ຄະ​ນະ​ກຳ​ມະ​ຫານ​ສັນ​ຕິ​ພາບ​ຫວຽດ​ນາມ ແມ່ນ​ໜຶ່ງ​ໃນ​ບັນ​ດາ​ສະ​ມາ​ຊິກ​ສ້າງ​ຕັ້ງ​ສະ​ມັດ​ຊາ​ໃຫຍ່​ສັນ​ຕິ​ພາບ​ໂລກ, ນັບ​ແຕ່​ນັ້ນ​ມາ​ຮອດ​ປັດ​ຈຸ​ບັນ, ຫວຽດ​ນາມ ຍາມ​ໃດ​ກໍ່​ສະ​ແດງ​ໃຫ້​ເຫັນ​ທີ່​ຕັ້ງ, ບົດ​ບາດ​ລິ​ເລີ່ມ, ພ້ອມ​ທັງ​ເຂົ້າ​ຮ່ວມ​ຕັ້ງ​ໜ້​າ, ເປັນ​ເຈົ້າ​ຕົນ​ເອງ​ເຂົ້າ​ບັນ​ດາ​ການ​ເຄື່ອນ​ໄຫວ​ຂອງ​ສະ​ມັດ​ຊາ​ໃຫຍ່.

ເປັນ​ຫຍັງ​ສະ​ມັດ​ຊາ​ໃຫຍ່​ສັນ​ຕິ​ພາບ​ໂລກ ແລະ ບັນ​ດາ​ອົງ​ການ​ຈັດ​ຕັ້ງ​ສະ​ມາ​ຊິກ​ໄດ້​ຄັດ​ເລືອກ​ການ​ຈັດ​ຕັ້ງ​ກອງ​ປະ​ຊຸມ​ໃຫຍ່​ຄັ້ງ​ທີ 22 ຢູ່ ຫວຽດ​ນາມ? ສິ່ງ​ນີ້​ມີ​ຄວາມ​ໝາຍ​ຫຍັງ​ຕໍ່​ຄະ​ນະ​ກຳ​ມະ​ກາ​ນ​ສັນ​ຕິ​ພາບ ຫວຽດ​ນາມ ເວົ້າ​ສະ​ເພາະ ແລະ ຫວຽດ​ນາມ ເວົ້າ​ລວມ, ຮຽນ​ທ່ານ?

ກ່ອນ​ອື່ນ​ໝົດ, ຕ້ອງ​ເວົ້າ​ວ່າ ຫວຽດນາມ ແລະ ສະ​ມັດ​ຊາ​ໃຫຍ່ ສັນ​ຕິ​ພາບ​ໂລກ ມີ​ປະ​ຫວັດ​ສາດ​ກາ​ນ​ພົວ​ພັນ​ອັນ​ດີ​ງາມ​ນັບ​ແຕ່​ເວ​ລາ ຫວຽດ​ນາມ ແມ່ນ​ໜຶ່ງ​ໃນ​ບັນ​ດາ​ປະ​ເທດ​ສ້າງ​ຕັ້ງ​ສະ​ມັດ​ຊາ​ໃຫຍ່ ສັນ​ຕິ​ພາບ​ໂລກ. ບົດ​ບາດ ຂອງ ຫວຽດ​ນາມ ຕໍ່​ການ​ເຄື່ອນ​ໄຫວ​ສັນ​ຕິ​ພາບ​ໂລກ. ບົດ​ບາດ ຂອງ ຫວຽດ​ນາມ ຕໍ່​ບັນ​ດາ​ການ​ເຄື່ອນ​ໄຫວ​ສັນ​ຕິ​ພາບ ໂລກ ໂດຍ ເພື່ອນ​ມິດ ສາ​ກົນ ແລະ ບັນ​ດາ​ປະ​ເທດ​ສະ​ມາ​ຊິກ​ຂອງ​ສະ​ມັດ​ຊາ​ໃຫຍ່ ຍອມ​ຮັບ.

ທີ​ສອງ, ຫວຽດ​ນາມ ແມ່ນ​ປະ​ເທດ​ສະ​ຫງົບ​ສຸກ, ເປັນ​ມິດ, ຮັກ​ແພງ​ແຂກ​ຄົນ, ສະ​ເໝີ​ຕົ້ນ​ສະ​ເໝີ​ປາຍ, ມີ​ນ້ຳ​ໃຈ.

ທີ​ສາມ, ໃນ​ພາ​ລະ​ກິດ​ 35 ປີ​ແຫ່ງ​ການ​ປ່ຽນ​ແປງ​ໃໝ່, ຫວຽດ​ນາມ ຍາມ​ໄດ້​ຜົນ​ສຳ​ເລັດ​ອັນ​ຍິ່ງ​ໃຫຍ່ຫຼາຍ​ຢ່າງ, ຮອບ​ດ້ານ​ໃນ​ທຸກ​ຂົງ​ເຂດ, ແມ່ນ​ໜຶ່ງ​ໃນ​ຈຳ​ນວນ​ໜ້ອຍ​ປະ​ເທດ​ຄວບ​ຄຸມ​ພະ​ຍາດ​ໂຄວິດ - 19 ເປັນ​ຢ່າງ​ດີ. ໃນ 2 ປີ​ຜ່ານ​ມາ, ເຖິງວ່າຫຼາຍ​ປະ​ເທດ​ໃນ​ໂລກ​ຕົກ​ເຂົ້າ​ສູ່​ສະ​ພາບ​ການ​ວິ​ກິດ​ການ, ຊຸດ​ໂຊມ, ແຕ່​ສະ​ພາບ​ການ​ເສດ​ຖະ​ກິດ - ສັງ​ຄົມ ຫວຽດ​ນາມ​ຍັງ​ບັນ​ລຸ​ໄດົ້ນ​ສຳ​ເລັດ​ທີ່​ຕັ້ງ​ໜ້າ.

ທີ​ສີ່, ສະ​ຫະ​ພັນ​ບັນ​ດາ​ອົງ​ການ​ຈັດ​ຕັ້ງ​ມິດ​ຕະ​ພາບ ຫວຽດ​ນາມ, ຄະ​ນະ​ກຳ​ມະ​ການ​ສັນ​ຕິ​ພາບ ຫວຽດ​ນາມ ແມ່ນ​ບັນ​ດາ​ອົງ​ການ​ຈັດ​ຕັ້ງ​ທີ່​ມີ​ຄວາມ​ສາ​ມາດ​ບົ່​ມ​ຊ້ອນ ແລະ ບົດ​ຮຽນ​ປະ​ສົບ​ການ​ບັນ​ດາ​ເຫດ​ການ​ໃຫຍ່​ຂອງ​ການ​ທູດ​ປະ​ຊາ​ຊົນຫຼາຍ​ຝ່າຍ, ໃນ​ນັ້ນ ຫວຽດ​ນາມ ໄດ້​ຈັດ​ຕັ້ງ​ສຳ​ເລັດ​ກອງ​ປະ​ຊຸມ​ຄະ​ນະ​ບໍ​ລິ​ຫານ​ງານ​ສະ​ມັດ​ຊາ​ໃຫຍ່​ສັນ​ຕິ​ພາບ​ໂລກ.

ຮ​ຽນ​ທ່ານ, ຜ່ານກອງ​ປະ​ຊຸ​ມ​ຄັ້ງ​ນີ້, ຫວຽດ​ນາມ ມີ​ຄວາມ​ຫວັງ​ຢາກ​ສົ່ງ​ສານ​ຫຍັງ​ໄປ​ຍັງ​ເພື່ອນ​ມິດ​ສາ​ກົນ?

ສຳ​ລັບ​ເພື່ອນ​ມິດ​ສາ​ກົນ ແລະ ບັນ​ດາ​ສະ​ມາ​ຊິກ​ຂອງ​ສະ​ມັດ​ຊາ​ໃຫຍ່ ສັນ​ຕິ​ພາບ ໂລກ, ຜ່ານ​ສະ​ມັດ​ຊາ​ໃຫຍ່​ຄັ້ງ​ນີ້ ພວກ​ເຮົາ​ຢາກ​ສົ່ງ​ສານ​ກ່ຽວ​ກັບ​ພາບ​ພົດ​ປະ​ເທດ​ຊາດ, ຊາວ​ຫວຽດ​ນາມ ໃນ​ອະ​ດີດ ແລະ ໃນ​ຍຸກ​ສະ​ໄໝ​ປ່ຽນ​ແປງ​ໃໝ່​ປັດ​ຈຸ​ບັນ.

ພວກ​ເຮົາ​ຢາກ​ສົ່ງ​ໄປ​ຍັງ​ເພື່ອນ​ມິດ​ສາ​ກົນ ກ່ຽວ​ກັບ​ນ​ແນວ​ທາງ​ການ​ຕ່າງ​ປະ​ເທດ ເປັນ​ເອ​ກະ​ລາ, ເປັ​ນ​ເຈົ້າ​ຕົນ​ເອງ, ສັນ​ຕິ​ພາບ, ມິດ​ຕະ​ພາບ, ຮ່ວມ​ມື, ພັດ​ທະ​ນາ, ເປັນຫຼາຍ​ຮູບ​ແບບ, ຫັນ​ເປັນຫຼາຍ​ຝ່າຍ. ຫວຽດ​ນາມ ຢາກ​ກາຍ​ເປັນ​ເພື່ອນ​ມິດ​ຂອງ​ທຸກ​ປະ​ເທດ, ບັນ​ດາ​ຄູ່​ຮ່ວມ​ມື ບົນ​ພື້ນ​ຖານ​ບໍ່​ແຊກ​ແຊງ​ເຂົ້າ​ວຽກ​ງານ​ພາຍ​ໃນ​ຂອງ​ກັນ, ເຄົາ​ລົບ​ເອ​ກະ​ລາດ, ເປັນ​ເຈົ້າ​ຕົນ​ເອງ ກໍ່​ຄື​ບົດ​ບາດ​ຂອງ​ສະ​ມາ​ຊິກ​ຕັ້ງ​ໜ້າ​ໃນ​ປະ​ຊາ​ຄົ​ມ​ສາ​ກົນ.

ກອງ​ປະ​ຊຸມ​ໃຫຍ່​ຄັ້ງ​ນີ້​ກໍ່​ສະ​ແດງ​ໃຫ້​ເຫັນ​ການ​ປະ​ກອບ​ສ່ວນ​ຂອງ​ຄະ​ນະ​ກຳ​ມະ​ການ​ສັນ​ຕິ​ພາບ ຫວຽດ​ນາມຕໍ່​ຂະ​ບວນ​ການ​ສັນ​ຕິ​ພາບ​ໂລກ ແລະ ສະ​ມັດ​ຊາ​ໃຫຍ່​ສັນ​ຕິ​ພາບ​ໂລກ.

ພວກ​ຂ້າ​ພະ​ເຈົ້າ​ກໍ່​ຢາກ ຜ່ານກອງ​ປະ​ຊຸມ​ໃຫຍ່​ຄັ້ງ​ນີ້ ສົ່ງ​ສານທີ່​ວ່າ: ຮັກ​ສາ, ປົກ​ປ້ອງ​ສັນ​ຕິ​ພາບ ແມ່ນ​ວຽກ​ງານ​ຂອງ​ທຸກໆ​ຄົນ, ຄື​ຄຳ​ເວົ້າ​ຂອງ​ນັກປາດ Frédéric Joliot-Curie ເຊິ່ງ​ແມ່ນ​ປະ​ທານ​ທຳ​ອິດ​ຂອງ​ສະ​ມັດ​ຊາ​ໃຫຍ່​ສັນ​ຕິ​ພາບ​ໂລກ ເຄີຍ​ເວົ້າ.

ບຸນ​ຄົງ

ເຫດການ