| ມີນັກສຶກສາລາວ, ກຳປູເຈຍເກືອບ 100 ຄົນໄປຢ້ຽມຊົມ, ຊອກຮູ້ກ່ຽວກັບປະຫວັດສາດປະຕິວັດ ຫວຽດນາມ | |
| ຄາບເຂົ້າທຳອິດຂອງນັກສຶກສາລາວ ຢູ່ເຮືອນພໍ່ແມ່ຫວຽດ |
 |
| ທ່ານຜູ້ອຳນວຍການ ນາງ ຈຸກິມເຟືອງ ກ່າວຄຳເຫັນທີ່ວັນບຸນ |
ນັກສຶກສາລາວ ຕ້ອນຮັບບຸນປີໃໝ່ຢູ່ໂຮງຮຽນມິດຕະພາບ 80
ຕອນບ່າຍວັນທີ 13 ເມສາ ປີ 2023, ຢູ່ຮ່າໂນ້ຍ, ໂຮງຮຽນມິດຕະພາບ 80 ໄດ້ຈັດງານຕ້ອນຮັບບຸນປີໃໝ່ ໃຫ້ແກ່ນັກສຶກສາລາວ ທີ່ພວມຮ່ຳຮຽນຢູ່ໂຮງຮຽນ.
ເຂົ້າຮ່ວມວັນບຸນ ມີທ່ານ ຈັນທະພອນ ຄຳມະນີຈັນ ອັກຄະລັດຖະທູດລາວ ປະຈຳ ຫວຽດນາມ, ທ່ານນາງ ຫງວຽນທິແທງມິງ ຮອງຫົວໜ້າກົມຮ່ວມມືສາກົນ (ກະຊວງສຶກສາ ແລະ ບຳລຸງສ້າງ ຫວຽດນາມ), ທ່ານນາງ ຟ້າມງອກເຈິມ ເລຂາທິການສະມາຄົມມິດຕະພາບ ຫວຽດນາມ - ລາວ ນະຄອນຮ່າໂນ້ຍ… ພ້ອມກັບຄະນະອຳນວຍການ, ການນຳບັນດາຄະນະ, ບັນດາຄູອາຈານ, ຕາງໜ້າຄະນະນັກສຶກສາກຳປູເຈຍ ແລະ ນັກຮຽນກິນນອນຊົນເຜົ່າທີ່ພວມຮ່ຳຮຽນຢູ່ໂຮງຮຽນມິດຕະພາບ 80.
ກ່າວຄຳເຫັນທີ່ພິທີ, ທ່ານຜູ້ອຳນວຍການ ນາງ ຈຸກິມເຟືອງ ໄດ້ສົ່ງຄຳອວຍພອນປີໃໝ່ເຖິງທ່ານອັກຄະລັດຖະທູດ ລາວ ປະຈຳ ຫວຽດນາມ, ພະນັກງານສະຖານທູດ, ນັກສຶກສາລາວ ແລະ ຄອບຄົວປີໃໝ່ຈົ່ງມີແຕ່ຄວາມສຸກ, ຄວາມມ່ວນຊື່ນ.
ຕາມທ່ານນາງ ຈູກິມເຟືອງ ແລ້ວ, ໂຮງຮຽນມິດຕະພາບ 80 ໄດ້ເຮັດໜ້າທີ່ບຳລຸງສ້າງນັກຮຽນລາວມາເປັນເວລາ 40 ກວ່າປີ. ໂຮງຮຽນມີຖັນແຖວພະນັກງານຄູອາຈານທີ່ຍາມໃດກໍ່ແບ່ງປັນຢ່າງສຸດຈິດສຸດໃຈ, ມີນ້ຳໃຈຄວາມຮັກແພງ, ເຮັດຈົນສຸດຄວາມສາມາດ ແລະ ຄວາມຮັບຜິດຊອບຂອງຕົນ, ບໍ່ພຽງແຕ່ມີຄວາມເອົາໃຈໃສ່ເຖິງການຮ່ຳຮຽນ, ດູແລສຸຂະພາບເທົ່ານັ້ນ, ຫາກຍັງຮັກແພງ, ຊ່ວຍເຫຼືອນັກຮຽນຄືຄົນຄອບຄົວດຽວກັນອີກດ້ວຍ. ທ່ານນາງໃຫ້ຮູ້ວ່າ:
“ເນື່ອງໃນໂອກາດບຸນປີໃໝ່ລາວ ຜ່ານຄະນະຜູ້ແທນສະຖານທູດ, ໂຮງຮຽນຂໍສົ່ງຄຳອວຍພອນປີໃໝ່ມາຍັງຄອບຄົວຂອງທ່ານອັກຄະລັດຖະທູດ ແລະ ພະນັກງານສະຖານທູດລາວ ປະຈຳຫວຽດນາມ. ຂໍອວຍພອນໃຫ້ປະຊາຊົນລາວ ອ້າຍນ້ອງພາຍໃຕ້ການຊີ້ນຳນຳພາຂອງພັກປະຊາຊົນປະຕິວັດລາວ ສືບຕໍ່ບັນລຸໄດ້ໝາກຜົນອັນຍິ່ງໃຫຍ່ໃນພາລະກິດແຫ່ງການປ່ຽນແປງໃໝ່ພັດທະນາປະເທດຊາດ.
ບຸນຄົງ
