ເປີດຕົວຄະນະບໍລິຫານງານຊຸດໃໝ່ຂອງສະມັດຊາໃຫຍ່ ສັນຕິພາບໂລກ

15:35 | 30/11/2022

ຍສໝ - ພາຍຫຼັງ 4 ວັນປະຕິບັດວຽກງານຢ່າງເຂັ້ມງວດ ແລະ ມີຄວາມຮັບຜິດຊອບ, ຕອນບ່າຍວັນທີ 24/11, ຢູ່ຮ່າໂນ້ຍ, ກອງປະຊຸມໃຫຍ່ຄັ້ງທີ 22 ຂອງສະມັດຊາໃຫຍ່ສັນຕິພາບໂລກ ເລືອກຕັ້ງໄດ້ຄະນະບໍລິຫານງານຊຸດໃໝ່ດ້ວຍສະມາຊິກ 40 ທ່ານ.

	ເປີດຕົວປື້ມເອເລັກໂຕນິກ “ຫວຽດນາມ ໃນສະໄໝໂຮ່ຈິີມິນ - ພົງສາວະດານໂທລະພາບ”
	ເປີດຕົວ 'ການທ່ອງທ່ຽວສີຂຽວ' ໂດຍລົດໄຟຟ້າ ສຳລັບ SEA Games 31

ເປີດຕົວຄະນະບໍລິຫານງານຊຸດໃໝ່ຂອງສະມັດຊາໃຫຍ່ ສັນຕິພາບໂລກ

ທ່ານ Pallab Sengupta ເປັນປະທານສະມັດຊາໃຫຍ່ ສັນຕິພາບໂລກໃນສະໄໝໃໝ່ນັບແຕ່ປີ 2022 (ພາບ: ທູຈາງ)

ຕາມນັ້ນແລ້ວ, ດ້ວຍຄວາມເຫັນດີເຫັນພ້ອມ 100%, ຄະນະບໍລິຫານງານສະໄໝໃໝ່ໄດ້ເລືອກຕັ້ງທ່ານ Pallab Sengupta - ເລຂາທິການໃຫຍ່ອົງການສັນຕິພາບ ແລະ ຄວາມສາມັກຄີທົ່ວອິນເດຍ - ເປັນປະທານສະມັດຊາໃຫຍ່ ສັນຕິພາບໂລກໃນສະໄໝໃໝ່ນັບແຕ່ປີ 2022. ໃນຂະນະນັ້ນທ່ານ Athanasios Pafilis ສືບຕໍ່ເລືອກຕັ້ງເປັນເລຂາທິການໃຫຍ່ສະມັດຊາໃຫຍ່ສັນຕິພາບໂລກໂດຍຄະນະບໍລິຫານງານເລືອກຕັ້ງ, ທ່ານ Iraklis Tsavdaridis ໄດ້ຮັບເລືອກຕັ້ງໃຫ້ດຳລົງຕຳແໜ່ງເປັນເລຂານຸການຖາວອນຂອງສະມັດຊາໃຫຍ່ສັນຕິພາບໂລກ.

ຄະນະບໍລິຫານງານສະໄໝໃໝ່ຍັງໄດ້ເລືອກຕັ້ງບຸກຄະລາກອນໃຫ້ 5 ຕຳແໜ່ງຮອງປະທານທີ່ຕາງໜ້າໃຫ້ບັນດາພາກພື້ນ, ລວມມີ: ສະມັດຊາໃຫຍ່ສັນຕິພາບອາເມລິກາ (ທະວີບອາເມລິກາ), ຄະນະກຳມະການສັນຕິພາບ ຫວຽດນາມ (ພາກພື້ນອາຊີ - ປາຊີຟິກ), ສະມາຄົມປ້ອງກັນ ສັນຕິພາບ, ຄວາມສາມັກຄີ ແລະ ປະຊາທິປະໄຕ (ຕາເວັນອອກກາງ), ສະຫະພັນມິດຕະພາບ ແລະ ຄວາມສາມັກຄີປະຊາຊົນ Angola (ອາຟຣິກາ), ການເຄື່ອນໄຫວສັນຕິພາບເຊັກ (ເອີຣົບ).

ທ່ານ Pallab Sengupta - ປະທານສະພາສັນຕິພາບໂລກຄົນໃໝ່ - ເກີດໃນວັນທີ 14 ມັງກອນ 1950 ຢູ່ປະເທດອິນເດຍ. ລາວມີຄວາມຮັກແພງເປັນພິເສດຕໍ່ຫວຽດນາມ. ໃນຊຸມປີແຫ່ງການເຄື່ອນໄຫວປະຕິວັດ, ບໍ່ວ່າໃນຖານະການໃດກໍຕາມ, ທ່ານ Pallab Sengupta ລ້ວນແຕ່ສະໜັບສະໜູນຫວຽດນາມ. ພິເສດ, ໃນໄລຍະດຳລົງຕຳແໜ່ງເປັນຜູ້ນຳບັນດາອົງການນັກສຶກສາ ແລະ ຊາວໜຸ່ມສາກົນ, ທ່ານ Pallab Sengupta ໄດ້ມານະພະຍາຍາມຊ່ວຍເຫຼືອພາລະກິດແຫ່ງການປົກປັກຮັກສາ ແລະ ສ້າງສາປະເທດຊາດຫວຽດນາມ.

ໃນຖານະເປັນທ່ານເລຂາທິການໃຫຍ່ອົງການສາມັກຄີທົ່ວປວງຊົນອິນເດຍ (AIPSO), ທ່ານ Pallab Sengupta ໄດ້ອຸທິດສ່ວນຫຼາຍກິດຈະກຳ AIPSO ໃຫ້ແກ່ຫວຽດນາມ, ເຊັ່ນ: 2 ຝ່າຍໄດ້ສົມທົບກັນຈັດຕັ້ງຫຼາຍການເຄື່ອນໄຫວສາມັກຄີ, ມິດຕະພາບ, ເພີ່ມທະວີຄວາມເຂົ້າອົກເຂົ້າໃຈລະຫວ່າງປະຊາຊົນສອງປະເທດກ່ຽວກັບການພົວພັນຫວຽດນາມ - ອິນເດຍ, ສົມທົບກັນຢ່າງແໜ້ນແຟ້ນໃນຂອບເຂດກອງປະຊຸມ ແລະເຄືອຂ່າຍປະຊາຊົນຫຼາຍຝ່າຍ.

ປີ 2017, ໂດຍໄດ້ຮັບການມອດສິດຈາກທ່ານປະທານປະເທດ, ສະຫະພັນອົງການຈັດຕັ້ງມິດຕະພາບຫວຽດນາມ (VUFO) ໄດ້ຈັດຕັ້ງພິທີມອບຫລຽນກາມິດຕະພາບແຫ່ງສາທາລະນະລັດສັງຄົມນິຍົມຫວຽດນາມ ໃຫ້ແກ່ ທ່ານ Pallab Sengupta, ລາງວັນນີ້ເປັນການເຊີດຊູ ແລະ ຮັບຮູ້ການປະກອບສ່ວນຢ່າງຕັ້ງໜ້າຂອງທ່ານ Pallab Sengupta ເຂົ້າໃນການພັດທະນາສາຍພົວພັນມິດຕະພາບ ແລະ ການຮ່ວມມືລະຫວ່າງ ຫວຽດນາມ ແລະ ອິນເດຍ.

ບຸນຄົງ