ຫ້ອງວ່າການສູນກາງພັກກອມມູນິດຫວຽດນາມ ແລະ ຫ້ອງວ່າການສູນກາງ ພັກປະຊາຊົນປະຕິວັດລາວ ຍູ້ແຮງການຮ່ວມມື

	ເລຂາທິການໃຫຍ່ພັກກອມມູນິດຫວຽດນາມປະທານປະເທດແຫ່ງ ສສ ຫວຽດນາມ ສົ່ງໂທລະເລກຊົມເຊີຍ ເລຂາທິການໃຫຍ່ ພັກປະຊາຊົນປະຕິວັດລາວ ປະທານປະເທດແຫ່ງ ສປປ ລາວ
	ທ່ານ ຫງວຽນຝຸຈ້ອງ ເລຂາທິການໃຫຍ່, ປະທານປະເທດຫວຽດນາມ ໄດ້ມີການສົນທະນາທາງໂທລະສັບກັບທ່ານ ທອງລຸນ ສີສຸລິດເລຂາທິການໃຫຍ່ ພັກປະຊາຊົນປະຕິວັດລາວ

ໂດຍຕອບຮັບຄໍາເຊີນຂອງສະຫາຍ ທອງສະລິດ ມັງໜໍ່ເມກ ເລຂາທິການສູນກາງພັກ, ຫົວໜ້າຫ້ອງວ່າສູນກາງພັກປະຊາຊົນປະຕິວັດລາວ, ສະຫາຍ ເລມິງຮຶງ ເລຂາທິການສູນກາງພັກກອມມູນິດຫວຽດນາມ, ຫົວໜ້າຫ້ອງວ່າການສູນກາງພັກກອມມູນິດຫວຽດນາມ ໄດ້ນໍາໜ້າຄະນະຜູ້ແທນຫ້ອງວ່າການສູນກາງພັກກອມມູນິດຫວຽດນາມ ໄປຢ້ຽມຢາມ ແລະ ເຮັດວຽກຢູ່ລາວ ໃນລະຫວ່າງວັນທີ 21-22 ພະຈິກ.

ຕອນເຊົ້າວັນທີ 22 ພະຈິກ, ສະຫາຍ ທອງລຸນ ສີສຸລິດ ເລຂາທິການໃຫຍ່, ປະທານປະເທດ ສປປ ລາວ ໄດ້ຕ້ອນຮັບຄະນະ.

ສະຫາຍ ທອງລຸນ ສີສຸລິດ ເລຂາທິການໃຫຍ່, ປະທານປະເທດ ສປປ ລາວ ຕ້ອຍຮັບສະຫາຍ ເລມິງຮຶງ ເລຂາທິການສູນກາງພັກກອມມູນິດຫວຽດນາມ, ຫົວໜ້າຫ້ອງວ່າການສູນກາງພັກກອມມູນິດຫວຽດນາມ. ພາບ: TTXVN

ທີ່ການພົບປະ, ສະຫາຍເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ໄດ້ສະເໜີໃຫ້ ຫ້ອງວ່າການສູນກາງພັກກອມມູນິດຫວຽດນາມ ແລະ ຫ້ອງວ່າການສູນກາງພັກປະຊາຊົນປະຕິວັດລາວ ສືບຕໍ່ສົມທົບກັນຢ່າງ ແໜ້ນແຟ້ນ ແລະ ມີປະສິດທິຜົນກວ່າອີກ, ປະຕິບັດສັນຍາຮ່ວມມືລະຫວ່າງ ສອງຫ້ອງວ່າການຢ່າງມີປະສິດທິຜົນ ປະກອບສ່ວນເຂົ້າໃນການປະຕິບັດມະຕິ ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIII ຂອງພັກກອມມູນິດຫວຽດນາມ ແລະ ມະຕິກອງປະຊຸມໃຫຍ່ຄັ້ງທີ XI ຂອງພັກປະຊາຊົນປະຕິວັດລາວຢ່າງມີໄຊ; ພ້ອມກັນນັ້ນ, ຮັກສາ ແລະ ເສີມສ້າງສາຍພົວພັນສາມັກຄີແບບພິເສດ ຫວຽດນາມ - ລາວ ໃຫ້ນັບມື້ນັບເລິກເຊິ່ງ, ແທດຈິງ ແລະ ມີປະສິດທິຜົນ ໃນທຸກຂົງເຂດ, ເພື່ອສັນຕິພາບ, ການຮ່ວມມື ແລະ ພັດທະນາໃນພາກພື້ນ ແລະ ໃນໂລກ.

ກໍໃນວັນດຽວກັນ, ສະຫາຍ ເລມິງຮຶງ ໄດ້ມີການເຈລະຈາກັບ ສະຫາຍ ທອງສະລິດ ມັງໜໍ່ເມກ. ທີ່ການພົບປະ, ສອງຝ່າຍໄດ້ຕີລາຄາບັນດາໝາກຜົນ ການຮ່ວມມືລະຫວ່າງສອງຫ້ອງວ່າການສູນກາງພັກສອງປະເທດໃນໄລຍະຜ່ານ ມາ; ແລກປ່ຽນບົດຮຽນໃນວຽກງານຄົ້ນຄ້ວາ ແລະ ເປັນເສນາທິການຮັບໃຊ້ ວຽກງານຊີ້ນຳນຳພາຂອງພັກ ແລະ ບາງຈຸດສຸມການຮ່ວມມືລະຫວ່າງສອງຫ້ອງ ວ່າການສູນກາງພັກໃນປີ 2023.