 |
| ກອງປະຊຸມຄະນະບໍລິຫານງານຂອງ AIPA 43 |
ຕອນບ່າຍວັນທີ 20 ພະຈິກ, ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫ້ວ, ທ່ານປະທານສະພາແຫ່ງຊາດກຳປູເຈຍ Samdech Heng Samrin ແລະ ທ່ານປະທານສະພາແຫງຊາດ ລາວ ໄຊສົມພອນ ພົມວິຫານ ໄດ້ເຊັນຖະແຫຼງການຮ່ວມຂອງບັນດາປະທານສະພາແຫ່ງຊາດ ກຳປູເຈຍ, ລາວ, ຫວຽດນາມ, ເປັນຄັ້ງທຳອິດສ້າງກົນໄກກອງປະຊຸມຂັ້ນສູງສະພາແຫ່ງຊາດສາມປະເທດ ກຳປູເຈຍ, ລາວ, ຫວຽນາມ (CLV).
ເຫດການດັ່ງກ່າວໄດ້ດຳເນີນຢູ່ນະຄອນຫຼວງ ພະນົມເປັນ, ລາຊະອານາຈັກກຳປູເຈຍ, ໃນຂອບເຂດກອງປະຊຸມສະມັດຊາໃຫຍ່ ລັດຖະສະພາລະຫວ່າງຊາດ ອາຊີຕາເວັນອອກສ່ຽງໃຕ້ ຄັ້ງທີ 43 (AIPA - 43), ດ້ວຍການເປັນສັກຂີພິຍານຂອງບັນດາຜູ້ແທນເຂົ້າຮ່ວມກອງປະຊຸມສະມັດຊາໃຫຍ່. ການສ້າງກົນໄກກອງປະຊຸມຂັ້ນສູງສະພາແຫ່ງຊາດ ກຳປູເຈຍ - ລາວ - ຫວຽດນາມ ເໝາະສົມກັບວິໄສທັດຂອງປະທານສະພາແຫ່ງຊາດ 3 ປະເທດຫຼາຍໆລຸ້ນ.
ປະທານສະພາແຫ່ງຊາດ 3 ປະເທດ ກຳປູເຈຍ, ລາວ, ຫວຽດນາມ ໄດ້ເຫັນດີຍົກລະດັບກົນໄກກອງປະຊຸມປະຈຸບັນລະຫວ່າງຄະນະກຳມະການສະພາແຫ່ງຊາດຂອງ 3 ປະເທດຂຶ້ນເປັນ “ກອງປະຊຸມສຸດຍອດສະພາແຫ່ງຊາດ 3 ປະເທດ ກຳປູເຈຍ - ລາວ. - ຫວຽດນາມ” ຈັດຂຶ້ນທຸກໆ 2 ປີ, ໂດຍປະທານສະພາແຫ່ງຊາດ 3 ທ່ານເປັນປະທານຮ່ວມຕາມລຳດັບ ແລະ ຕາມຕາຕະລາງຕົວອັກສອນ. ສະພາແຫ່ງຊາດຂອງສາມປະເທດ, ດ້ວຍບົດບາດ ແລະ ໜ້າທີ່ຈະຈັດຕັ້ງກອງປະຊຸມສຸດຍອດສະພາແຫ່ງຊາດຂອງ 3 ປະເທດໃຫ້ບັນລຸຕາມຄາດໝາຍທີ່ວາງໄວ້.
ບຸນຄົງ
