ຫວ່າງແລ້ວນີ້, ຢູ່ຮ່າໂນ້ຍ, ທ່ານນາງປະທານສະຫະພັນອົງການຈັດຕັ້ງມິດຕະພາບຫວຽດນາມ ຫງວຽນເຟືອງງາ ໄດ້ມີການພົບປະກັບທ່ານເອກອັກຄະລັດຖະທູດ Uzbekistan ປະຈຳ ອິນໂດເນເຊຍ ທັງປະຈໍາຢູ່ ຫວຽດນາມ Ulugbek Rozukulov.
 |
| ບັນຍາກາດທີ່ການຕ້ອນຮັບ. ພາບ:ຫວູແຄ໊ງ |
ທ່ານນາງປະທານ ຫງວຽນເຟືອງງາ ຂອບອົກຂອບໃຈປະຊາຊົນ Uzbekistan ທີ່ໄດ້ໃຫ້ການຊ່ວຍເຫຼືອອັນລ້ຳຄ່າໃນການຕໍ່ສູ້ຍາດເອົາເອກະລາດແຫ່ງຊາດ ແລະ ທ້ອນໂຮມປະເທດຊາດເປັນເອກະພາບ. ທ່ານນາງປະທານ VUFO ກໍ່ໃຫ້ຮູ້ວ່າ: ບັນດາການເຄື່ອນໄຫວແລກປ່ຽນປະຊາຊົນລະຫວ່າງສອງປະເທດລ້ວນແຕ່ມີບັນດາໝາກຜົນອັນດີງາມ, ພ້ອມກັນນັ້ນ, ທ່ານນາງກໍປາດຖະໜາວ່າ ສອງຝ່າຍຈະສ້າງເງື່ອນໄຂສະດວກໃຫ້ແກ່ການຈັດຕັ້ງບັນດາການເຄື່ອນໄຫວພົບປະແລກປ່ຽນ, ໂຄສະນາເຜີຍແຜ່ບັນດາຄຸນຄ່າວັດທະນະທຳ, ປະຫວັດສາດຂອງ ສອງປະເທດ; ເພີ່ມທະວີຄວາມເຂົ້າໃຈເຊິ່ງກັນ ແລະ ກັນ, ການສຶກສາມູນເຊື້ອ, ເພີ່ມທະວີການຮ່ວມມືມິດຕະພາບລະຫວ່າງປະຊາຊົນສອງປະເທດ ຫວຽດນາມ - Uzbekistan.
 |
| ທ່ານນາງປະທານ ຫງວຽນເຟືອງງາ ແລະທ່ານເອກອັກຄະລັດຖະທູດ Uzbekistan Ulugbek Rozukulov. ພາບ:ຫວູແຄ໊ງ |
ສ່ວນທ່ານເອກອັກຄະລັດຖະທູດ Uzbekistan Ulugbek Rozukulov ໄດ້ຂອບອົກຂອບໃຈທ່ານນາງປະທານ ຫງວຽນເຟືອງງາ ທີ່ໄດ້ສະຫລະເວລາມາຕ້ອນຮັບຄະນະ. ໂດຍເຫັນດີກັບຄຳເຫັນຂອງທ່ານນາງປະທານ VUFO ຫງວຽນເຟືອງງາ, ທ່ານເອກອັກຄະລັດຖະທູດ U.Rozukulov ໃຫ້ຮູ້ວ່າ ຈະໜູນຊ່ວຍ ແລະ ສ້າງເງື່ອນໄຂໃຫ້ແກ່ການພົບປະແລກປ່ຽນ ແລະ ການຮ່ວມມືປະຊາຊົນ ລະຫວ່າງ ຫວຽດນາມ ແລະ Uzbekistan ໃນໄລຍະຈະມາເຖິງ.
 |
| ທ່ານເອກອັກຄະລັດຖະທູດ Uzbekistan U.Rozukulov ມອບຫຼຽນກາທີ່ລະນຶກໃຫ້ທ່ານນາງປະທານ VUFO ຫງວຽນເຟືອງງາ. ພາບ:ຫວູແຄ໊ງ |
ທີ່ການພົບປະ, ໃນນາມຄະນະກຳມະການກ່ຽວກັບການພົວພັນລະຫວ່າງບັນດາຊາດ ແລະ ການຮ່ວມມືມິດຕະພາບກັບຕ່າງປະເທດ Uzbekistan, ທ່ານເອກອັກຄະລັດຖະທູດ Uzbekistan U.Rozukulov ໄດ້ມອບຫຼຽນກາທີ່ລະນຶກໃຫ້ທ່ານນາງປະທານ VUFO ຫງວຽນເຟືອງງາ ຍ້ອນມີບັນດາການປະກອບສ່ວນຊຸກຍູ້ການພົວພັນອັນດີງາມລະຫວ່າງຫວຽດນາມ - Uzbekistan.
ບູນມີ
