ຕອນບ່າຍວັນທີ 9 ພະຈິກ, ທ່ານ ຟ້າມມິງຈີ໊ງ ນາຍົກລັດຖະມົນຕີຫວຽດນາມ ແລະ ຄະນະຜູ້ແທນຂັ້ນສູງຫວຽດນາມ ໄດ້ໄປຢ້ຽມຢາມ, ພົບປະກັບພະນັກງານ, ພາລະກອນສະຖານທູດ, ຜູ້ຕາງໜ້າວິສາຫະກິດ ແລະ ປະຊາຄົມຊາວຫວຽດນາມ ຢູ່ກໍາປູເຈຍ.
ທ່ານ ຟ້າມມິງຈີ໊ງ ຢັ້ງຢືນວ່າ ພັກ ແລະ ລັດຍາມໃດກໍ່ເອົາໃຈໃສ່ ເຖິງປະຊາຄົມຊາວຫວຽດນາມ ຢູ່ຕ່າງປະເທດ, ຖືວ່ານີ້ແມ່ນພາກສ່ວນທີ່ບໍ່ ອາດຕັດແຍກອອກຈາກກຸ່ມກ້ອນມະຫາສາມັກຄີທົ່ວປວງຊົນທັງຊາດ; ຊົມເຊີຍ ແລະ ຕີລາຄາສູງນ້ຳໃຈຮັກຊາດ ແລະ ການປະກອບສ່ວນທີ່ສໍາຄັນຂອງຊາວ ຫວຽດນາມ ຢູ່ ກໍາປູເຈຍ ແລະ ປະຊາຄົມວິສາຫະກິດຫວຽດນາມ ຢູ່ກໍາປູເຈຍ ໃນພາລະກິດສ້າງສາ ແລະ ປົກປັກຮັກສາປະເທດຊາດ, ກໍ່ຄືໃນການພົວພັນສອງປະເທດ.
|
ທ່ານ ຟ້າມມິງຈີ໊ງ ປາດຖະໜາວ່າ ປະຊາຄົມວິສາຫະກິດຫວຽດນາມ ຢູ່ ກໍາປູເຈຍ ຈະສືບຕໍ່ຍູ້ແຮງການຮ່ວມມືລົງທຶນ, ການຄ້າຢູ່ກໍາປູເຈຍ, ພ້ອມທັງມານະພະຍາຍາມໜູນຊ່ວຍຊາວຫວຽດນາມ ອາໃສຢູ່ກໍາປູເຈຍ, ໂດຍສະເພາະແມ່ນໃນການຫັນປ່ຽນວິຊາອາຊີບ, ຮັບປະກັນຊີວິດສັງຄົມໃຫ້ຊາວຫວຽດນາມ ທີ່ດໍາລົງຊີວິດຢູ່ຕາມແມ່ນ້ຳລຳເຊ.
ທ່ານ ຟ້າມມິງຈີ໊ງ ໃຫ້ຮູ້ວ່າ ໃນໄລຍະຈະມາເຖິງ, ສະພາບການໃນ ໂລກສືບຕໍ່ມີຜັນແປຢ່າງສັບສົນ; ສະເໜີໝູ່ຄະນະພະນັກງານ, ພາລະກອນ ສະຖານທູດສືບຕໍ່ເສີມຂະຫຍາຍນໍ້າໃຈສາມັກຄີ, ຄວາມຮັບຜິດຊອບ, ມານະພະຍາຍາມແກ້ໄຂຄວາມຫຍຸ້ງຍາກ, ສິ່ງທ້າທາຍ, ໝູນໃຊ້ກາລະໂອກາດ, ຄວາມສະດວກ, ຄວາມສາມາດບົ່ມຊ້ອນ, ທ່າແຮງໃຫ້ໄດ້ຫຼາຍທີ່ສຸດເພື່ອຜັນຂະຫຍາຍປະສິດທິຜົນ, ສໍາເລັດໜ້າທີ່ທີ່ໄດ້ຮັບມອບໝາຍເປັນຢ່າງດີ; ສືບຕໍ່ເອົາໃຈໃສ່ ສົມທົບກັບບັນດາອົງການທີ່ກ່ຽວຂ້ອງຂອງກໍາປູເຈຍ ແກ້ໄຂບັນດາຄວາມຕ້ອງ ການທີ່ຊອບທຳຂອງປະຊາຄົມຊາວຫວຽດນາມ ທີ່ພວມດຳລົງຊີວິດ, ຮ່ຳຮຽນ ແລະ ເຮັດວຽກຢູ່ກໍາປູເຈຍ, ໜູນຊ່ວຍໃຫ້ບັນດາວິສາຫະກິດໃນການດໍາເນີນ ທຸລະກິດ, ລົງທຶນຢູ່ກໍາປູເຈຍ ຢ່າງທັນການ.
ບູນມີ
