ແຂວງ ເທື່ອທຽນເຫ້ວ ມອບເຂົ້າສານໃຫ້ກອງບັນຊາການທະຫານ ແຂວງສາລະວັນ ແລະ ແຂວງເຊກອງ (ລາວ)

10:21 | 12/11/2022

ຍສໝ - ຕອນບ່າຍວັນທີ 9 ພະຈິກ, ຢູ່ດ່ານຊາຍແດນສາກົນລາໄລ, ແຂວງກວາງຈິ, ກອງບັນຊາການທະຫານ ແຂວງ ເທື່ອ​ທຽນ​ເຫ້ວ ໄດ້ສົມທົບກັບບັນດາຫົວໜ່ວຍ ຈັດຕັ້ງການມອບເຂົ້າສານໃຫ້ກອງບັນຊາການທະຫານຂອງ 2 ແຂວງ ສາລະວັນ ແລະ ເຊກອງ (ສປປ ລາວ).

ເທື່ອທຽນ-ເຫ້ວ ຍູ້ແຮງການຮ່ວມມືກັບແຂວງ ສະຫວັນນະເຂດຂອງ ສປປ ລາວ ເທື່ອທຽນ-ເຫ້ວ ຍູ້ແຮງການຮ່ວມມືກັບແຂວງ ສະຫວັນນະເຂດຂອງ ສປປ ລາວ
ເທື່ອທຽນເຫ້ວ, ດ່ານັ້ງ, ໄຕນິງຈັດຕັ້ງຫຼາຍການເຄື່ອນໄຫວສະຫຼອງບຸນເຕັດປະຈຳຊາວປະເທດ ລາວ ເທື່ອທຽນເຫ້ວ, ດ່ານັ້ງ, ໄຕນິງຈັດຕັ້ງຫຼາຍການເຄື່ອນໄຫວສະຫຼອງບຸນເຕັດປະຈຳຊາວປະເທດ ລາວ

ຕາມ​ນັ້ນ​ແລ້ວ, ກອງບັນຊາການທະຫານ ແຂວງ ເທື່ອ​ທຽນ​ເຫ້ວ ໄດ້ສົມທົບ​ກັບ Viettel ເທື່ອ​ທຽນ​ເຫ້ວ, ທະນາຄານ​ຫຸ້ນ​ສ່ວນ​ການ​ຄ້າ​ທະຫານ MB ປະຈຳ​ເຫ້ວ, ທະນາຄານ Vietcombank ສາຂາເຫ້ວ ​ໄດ້​ມອບ​ເຂົ້າ​ສານໃຫ້ກອງບັນຊາການທະຫານຂອງ 2 ແຂວງ ສາລະວັນ ແລະ ເຊກອງ ​ຫົວໜ່ວຍລະ​ 2 ໂຕນ; ມູນຄ່າທັງໝົດ 52 ລ້ານດົ່ງ.

ກ່າວ​ຄຳ​ເຫັນ​ທີ່​ພິທີ​ມອບ​ເຂົ້າສານ, ທ່ານ​ພັນ​ເອກ ຫງວຽນ​ດິງ​ໂດ, ຮອງຫົວໜ້າ​ກອງບັນຊາການທະຫານ ແຂວງ ເທື່ອ​ທຽນ​ເຫ້ວ ​ໄດ້​ສົ່ງ​ກຳລັງ​ໃຈ ​ແລະ ​ແບ່ງປັນ​ກັບ​ການ​ນຳ, ພະນັກງານ, ນັກຮົບກອງ​ບັນຊາ​ການ​ທະຫານ​ເຂດ 2 ​ແຂວງ​ສາລະ​ວັນ ​ແລະ ​ເຊ​ກອງ; ໃນໄລຍະທີ່ຜ່ານມາ, ຍ້ອນຜົນກະທົບຈາກການລະບາດຂອງພະຍາດໂຄວິດ-19 ແລະ ຜົນກະທົບຈາກດິນຟ້າອາກາດທີ່ຮ້າຍແຮງ ໄດ້ສ້າງຄວາມລໍາບາກໃຫ້ແກ່ການດຳລົງຊີວິດ ແລະ ການເຄື່ອນໄຫວຂອງພະນັກງານ-ນັກຮົບກອງບັນຊາການທະຫານ ແຂວງສາລະວັນ ແລະ ແຂວງເຊກອງ.

ແຂວງ ເທື່ອທຽນເຫ້ວ ມອບເຂົ້າສານໃຫ້ກອງບັນຊາການທະຫານ ແຂວງສາລະວັນ ແລະ ແຂວງເຊກອງ (ລາວ)
ແຂວງ ເທື່ອທຽນເຫ້ວ ມອບເຂົ້າສານໃຫ້ກອງບັນຊາການທະຫານ ແຂວງສາລະວັນ ແລະ ແຂວງເຊກອງ (ລາວ)

ດ້ວຍຮີດຄອງປະເພນີຄວາມສາມັກຄີ ລະຫວ່າງແຂວງເທື່ອ​ທຽນ​ເຫ້ວ ແລະ ທ້ອງຖິ່ນຂອງລາວ, ກອງບັນຊາການທະຫານ ແຂວງ ເທື່ອ​ທຽນ​ເຫ້ວ ໄດ້ຫັກເອົາເງິນຈໍານວນໜຶ່ງ ເພື່ອຊື້ເຂົ້າສານ, ພ້ອມດຽວກັນນັ້ນ ກໍໄດ້ລະດົມການຊ່ວຍເຫຼືອຈາກບັນດາຫົວໜ່ວຍ ແລະ ວິສາຫະກິດໃນແຂວງຕື່ມອີກ ດ້ວຍ​ຄວາມ​ມຸ່ງ​ມາດ​ປາດ​ຖະໜາ​ຢາກ​ປະກອບສ່ວນ​ເລັກໜ້ອຍ​ໃຫ້ກອງບັນຊາການທະຫານ ​ແຂວງ​ສາລະ​ວັນ ​ແລະ ​ເຊ​ກອງ ​ຜ່ານ​ຜ່າ​ໄລຍະ​ຫຍຸ້ງຍາກ.

ການນຳກອງບັນຊາການທະຫານ ແຂວງເທື່ອ​ທຽນ​ເຫ້ວ ຫວັງວ່າ 2 ແຂວງ ສາລະວັນ ແລະ ເຊກອງ ຈະສືບຕໍ່ເອົາໃຈໃສ່, ສ້າງເງື່ອນໄຂສະດວກທີ່ສຸດ ເພື່ອກົມທະຫານເກັບໂຮມ 192 ແຂວງເທື່ອ​ທຽນ​ເຫ້ວ ປະສົບຜົນສຳເລັດໃນໜ້າທີ່ການຊອກຄົ້ນ ແລະ ການ​ເກັບ​ກຳອັດຖິ​ຂອງ​ອາ​ສາ​ສະ​ໝັກ ແລະ ນັກ​ຊ່ຽວ​ຊານ​ຫວຽດ​ນາມ ທີ່​ເສຍ​ຊີ​ວິດ​ຢູ່ 2 ແຂວງ ​ໃນ​ລະ​ດູ​ແລ້ງ 2022-2023.

ແຂວງ ເທື່ອທຽນເຫ້ວ ມອບເຂົ້າສານໃຫ້ກອງບັນຊາການທະຫານ ແຂວງສາລະວັນ ແລະ ແຂວງເຊກອງ (ລາວ)
ແຂວງ ເທື່ອທຽນເຫ້ວ ມອບເຂົ້າສານໃຫ້ກອງບັນຊາການທະຫານ ແຂວງສາລະວັນ ແລະ ແຂວງເຊກອງ (ລາວ)

ກ່າວ​ຄຳ​ເຫັນ​ທີ່​ພິທີ​ມອບ​-ຮັບ​ເຂົ້າ​ສານ, ​ຜູ້ຕາງໜ້າ​ກອງບັນຊາການທະຫານ ​ແຂວງ​ສາລະ​ວັນ (ລາວ) ​ໄດ້ສະແດງຄວາມ​ຂອບ​ໃຈ​ຢ່າງ​ຈິງ​ໃຈ ​ຕໍ່​ກອງບັນຊາການທະຫານ ​ແຂວງ​ເທື່ອ​ທຽນ​ເຫ້ວ ທີ່​ໄດ້​ເອົາ​ໃຈ​ໃສ່​ເປັນ​ປະຈຳ, ​ໃຫ້ການ​ຊ່ວຍ​ເຫຼືອ ​ແລະ ມອບ​ຂອງ​ຂວັນ​ທີ່​ມີ​ຄວາມ​ໝາຍ​ຫຼາຍ​ຢ່າງ ​ເພື່ອ​ຊ່ວຍ​ເຫລືອກອງບັນຊາການທະຫານ ​ແຂວງ​ສາລະ​ວັນ ແລະ ແຂວງເຊກອງ ໃນໄລຍະທີ່ປະສົບກັບຄວາມຫຍຸ້ງຍາກນີ້.

ການນຳ​ກອງບັນຊາການທະຫານ ​ແຂວງ​ສາລະ​ວັນ ​ໃຫ້​ຮູ້​ວ່າ: ​ເຂົ້າສານ​ທີ່​ກອງບັນຊາການທະຫານ ​ແຂວງເທື່ອ​ທຽນ​ເຫ້ວ ​ມອບ​ໃຫ້​ໃນ​ມື້​ນີ້ ​ແມ່ນ​ຂອງຂວັນ​ທີ່​ມີ​ຄວາມ​ໝາຍ ​ແລະ ສະ​ແດງ​ໃຫ້​ເຫັນ​ຄວາມ​ສົນ​ໃຈ​ເປັນ​ພິ​ເສດ ​ແລະ ​ເປັນ​ມູນ​ເຊື້ອ​ຂອງ​ຄວາມ​ສາມັກຄີ​ອັນ​ເລິກ​ເຊິ່ງລະຫວ່າງ​ກອງບັນຊາການທະຫານ ​ແຂວງເທື່ອ​ທຽນ​ເຫ້ວ ​ແລະ ​ກອງບັນຊາການທະຫານແຂວງ​ສາລະ​ວັນ ​ແລະ ​ເຊ​ກອງ.

ແຂວງ ເທື່ອທຽນເຫ້ວ ມອບເຂົ້າສານໃຫ້ກອງບັນຊາການທະຫານ ແຂວງສາລະວັນ ແລະ ແຂວງເຊກອງ (ລາວ)
ແຂວງ ເທື່ອທຽນເຫ້ວ ມອບເຂົ້າສານໃຫ້ກອງບັນຊາການທະຫານ ແຂວງສາລະວັນ ແລະ ແຂວງເຊກອງ (ລາວ)

ກ່ອນ​ໜ້າ​ນີ້​ໃນ​ເດືອນ​ກັນຍາ 2022 ທີ່​ບ້ານ​ ກະ​ໂລ, ເມືອງ​ກະ​ລືມ, ແຂວງ​ເຊ​ກອງ, ສປປ ລາວ, ​ຄະນະ​ກຳມະການ​ປະຊາຊົນ​ແຂວງ​ເທື່ອ​ທຽນ​ເຫ້ວ ​ໄດ້​ຈັດ​ຕັ້ງ​ມອບ​ລະບົບ​ສະໜອງນ້ຳປະປາ ​ໃຫ້​ກອງຮ້ອຍ​ປ້ອງ​ກັນ​ຊາຍ​ແດນ 531 ຂຶ້ນກັບ​ໂດຍ​ກອງບັນຊາການທະຫານ ​ແຂວງເຊກອງ.

ໂຄງການ​ລະບົບ​ສະໜອງນ້ຳປະປາ​ນີ້ ​ປະກອບມີລະບົບ​ທໍ່​ນ້ຳ, ທໍ່ສົ່ງ​ນ້ຳໃຊ້ປະຈຳວັນ ​ແລະ ຫ້ອງ​ນ້ຳ, ສົມທົບ​ກັບ​ຖັງ​ນ້ຳ ດ້ວຍ​ມູນ​ຄ່າ 2,1 ຕື້​ດົ່ງ ດ້ວຍ​ຄວາມ​ປາດ​ຖະໜາ​ຢາກ​ປະກອບສ່ວນ​ປັບປຸງ ​ແລະ ຍົກສູງ​ຄຸນ​ນະພາ​ບຊີວິດ​ການ​ເປັນ​ຢູ່ ​ແລະ ສະພາບ​ການ​ເຮັດ​ວຽກ​ຂອງ​ພະນັກງານ, ນັກຮົບ ກອງຮ້ອຍ​ປ້ອງ​ກັນ​ຊາຍ​ແດນ 531; ພ້ອມ​ກັນ​ນັ້ນ, ນີ້​ກໍ່​ແມ່ນ​ວຽກ​ງານ​ທີ່​ມີ​ຄວາມ​ໝາຍ​ແທດ​ຈິງ​ ເພື່ອ​ສະ​ເຫຼີ​ມສະຫຼອງ 60 ປີ​ແຫ່ງ​ວັນ​ສ້າງ​ຕັ້ງ​ການ​ພົວພັນ​ທາງ​ການ​ທູດ ​ແລະ 45 ປີ​ແຫ່ງ​ວັນ​ເຊັນ​ສົນທິສັນຍາ​ມິດຕະພາບ ​ແລະ ການ​ຮ່ວມ​ມື ຫວຽດນາມ - ລາວ.

ແຂວງ ເທື່ອທຽນເຫ້ວ ມອບເຂົ້າສານໃຫ້ກອງບັນຊາການທະຫານ ແຂວງສາລະວັນ ແລະ ແຂວງເຊກອງ (ລາວ)
ແຂວງ ເທື່ອທຽນເຫ້ວ ມອບເຂົ້າສານໃຫ້ກອງບັນຊາການທະຫານ ແຂວງສາລະວັນ ແລະ ແຂວງເຊກອງ (ລາວ)
ແຂວງ ເທື່ອທຽນເຫ້ວ ມອບເຂົ້າສານໃຫ້ກອງບັນຊາການທະຫານ ແຂວງສາລະວັນ ແລະ ແຂວງເຊກອງ (ລາວ)

ຄຳຮຸ່ງ

ທ່ານອາດຈະມັກ

ເຫດການ