| ນັກຊ່ຽວຊານ ຈີນ ມີຄວາມປະທັບໃຈຕໍ່ປະສິດທິຜົນບໍລິຫານເສດຖະກິດຂອງລັດຖະບານ ຫວຽດນາມ | |
| ເຂົ້າຈີ່ຫວຽດນາມ ລອດເຂົ້າທອັບ 10 ອາຫານແຄມຖະຫນົນທີ່ແຊບທີສຸດໃນໂລກ |
 |
| ຫວຽດນາມ ເນັ້ນໜັກຄວາມຈຳເປັນຂອງການຍົກສູງປະສິດທິຜົນການເຄື່ອນໄຫວຂອງສະມັດຊາໃຫຍ່ ສປຊ. ພາບ: baoquocte.vn |
ທີ່ກອງປະຊຸມ, ທ່ານເອກອັກຄະລັດຖະທູດ ດັ້ງຮ່ວາງຢາງ, ຫົວໜ້າຜູ້ຕາງໜ້າ ຫວຽດນາມ ປະຈຳ ສປຊ ໄດ້ເນັ້ນໜັກເຖິງຄວາມຈຳເປັນຂອງການຍົກສູງປະສິດທິຜົນການເຄື່ອນໄຫວຂອງສະມັດຊາໃຫຍ່ ສປຊ, ເຊິ່ງເປັນອົງການປຶກສາຫາລື, ຍົກອອກລັດຖະນະໂຍບາຍ ແລະ ມີລັກສະນະຕາງໜ້າທີ່ກ້ວາງຂວາງທີ່ສຸດຂອງ ສປຊ. ທ່ານເອກອັກຄະລັດຖະທູດ ຖືວ່າ: ຄວນເພີ່ມທະວີຄວາມສຳຄັນຂອງການສົມທົບກັນ, ແບ່ງປັນຂໍ້ມູນຂ່າວສານລະຫວ່າງ ສະມັດຊາໃຫຍ່ ກັບບັນດາອົງການຫຼັກແຫຼ່ງຂອງ ສປຊ ກໍ່ຄືຮັບປະກັນລັກສະນະໂປ່ງໃສໃນວິວັດການສ້າງ, ກະກຽມບັນດາຂໍ້ຕົກລົງ, ມະຕິ; ພ້ອມກັບບັນດາມາດຕະການຮັບປະກັນການເຊື່ອມຕໍ່ລະຫວ່າງບັນດາອາຍຸການຂອງປະທານສະມັດຊາໃຫຍ່ ສປຊ, ຄິດໄລ່ເຖິງບັນດາມາດຕະຖານກ່ຽວກັບຄວາມສະໝີພາບລະຫວ່າງຍິງ - ຊາຍ ແລະ ຕາງໜ້າດ້ານພູມສາດເພື່ອແຕ່ງຕັ້ງການນຳຂອງ ສປຊ. ຜູ້ຕາງໜ້າ ຫວຽດນາມ ເນັ້ນໜັກວ່າ ໃນໄລຍະປະຈຸບັນ, ສະມັດຊາໃຫຍ່ ສປຊ ຄວນບຸລິມະສິດເພີ່ມທະວີຄວາມມານະພະຍາຍາມຊອກຫາມາດຕະການ ແລະ ການໜູນຊ່ວຍປະຕິບັດໂຄງການດຳເນີນງານ 2030 ກ່ຽວກັບການພັດທະນາແບບຍືນຍົງ.
ໄຊພອນ
