| ຫັນປ່ຽນພະລັງງານແມ່ນປັດໄຈສຳຄັນເພື່ອໃຫ້ ຫວຽດນາມ ຫລຸດຜ່ອນ ອາຍພິດລົງເປັນ 0 ໃນປີ 2050 | |
| ຫວຽດນາມ - ຟີລິບປີນ ເພີ່ມທະວີການຮ່ວມມືດ້ານປ້ອງກັນຊາດ |
 |
| ພິທີເປີດຊຸດຝຶກອົບຮົມວຽກງານການຈັດຕັ້ງ ແລະ ຊຸດຝຶກອົບຮົມວຽກງານໂຄສະນາສຶກສາໃຫ້ແກ່ພະນັກງານຂອງພັກປະຊາຊົນປະຕິວັດລາວ ປີ 2022 ໄດ້ດຳເນີນໃນວັນທີ 9 ພະຈິກ 2022 ຢູ່ສະຖາບັນການເມືອງແຫ່ງຊາດໂຮ່ຈິມິນ. (ພາບ: ທູຮ່າ) |
ຜູ້ຕາງໜ້າສະຖາບັນການເມືອງແຫ່ງຊາດ ໂຮ່ຈີມິນ ແບ່ງປັນວ່າ: ຫຼັກສູດການສຶກສາ ແລະ ຄົ້ນຄວ້າຂອງ 2 ຊຸດຝຶກອົບຮົມໄດ້ດຳເນີນໃນໄລຍະ 2 ເດືອນຢູ່ ຫວຽດນາມ. ບັນດາເນື້ອໃນການຮຽນຂອງ 2 ຫຼັກສູດນີ້ແມ່ນໄດ້ຮຽບຮຽງຢ່າງລະອຽດ, ປະສານສົມທົບກັນຢ່າງແໜ້ນແຟ້ນກັບບັນດາເນື້ອໃນກ່ຽວກັບທິດສະດີ ແລະ ພາກປະຕິບັດ, ກ່ຽວກັບບົດຮຽນປະສົບການ ແລະ ທັກສະວິຊາການຈຳນວນໜຶ່ງ; ອັບເດດບັນດາບັນຫາໂລກ; 35 ປີແຫ່ງການປ່ຽນແປງໃໝ່ຂອງຫວຽດນາມ; ບົດຮຽນປະສົບການ ແລະ ທັກສະໃນການແກ້ໄຂບັນຫາທີ່ເກີດຂຶ້ນໃນຕົວຈິງຢູ່ໃນຫຼາຍຂົງເຂດສະເພາະ.
ສະຫຼັບລະຫວ່າງບັນດາຊຸດຮຽນ, ສະຖາບັນການເມືອງແຫ່ງຊາດ ໂຮ່ຈີມິນ ຈະຈັດໃຫ້ສຳມະນາກອນໄປລົງຄົ້ນຄ້ວາຕົວຈິງຢູ່ບາງທ້ອງຖິ່ນຂອງຫວຽດນາມ ເພື່ອຊ່ວຍໃຫ້ບັນດາສຳມະນາກອນສະສົມຄວາມຮູ້ໃນພາກປະຕິບັດຕົວຈິງ, ມີການລົງພຶດຕິກຳຕົວຈິງທີ່ອຸດົມສົມບູນ ແລະ ແທດຈິງໃນບັນດາຂົງເຂດ.
ໃນດ້ານຮູບແບບການຮຽນ, ຊຸດຮຽນແມ່ນຈະຜັນຂະຫຍາຍວິທີການປະສົມຫຼາຍວິທີການເຊັ່ນ: ການສອນໃນຫ້ອງ, ການສົນທະນາ, ການແລກປ່ຽນປະສົບການ, ການຢ້ຽມຢາມທັດສະນະຕົວຈິງ...
 |
| ທ່ານ ຮສ.ປອ. ຮ່ວາງຟຸກເລີມ, ຮອງເລຂາຄະນະພັກ, ຮອງອໍານວຍກການສະຖາບັນການເມືອງແຫ່ງຊາດໂຮ່ຈິມິນ ກ່າວຄຳເຫັນທີ່ພິທີເປີດ. (ພາບ: ທູຮ່າ) |
ທ່ານ ຮສ.ປອ. ຮ່ວາງຟຸກເລີມ, ຮອງເລຂາຄະນະພັກ, ຮອງອໍານວຍການສະຖາບັນການເມືອງແຫ່ງຊາດ ໂຮ່ຈີມິນ ໃຫ້ຮູ້ວ່າ: “ວຽກງານການກໍ່ສ້າງ ແລະ ບຳລຸງສ້າງພະນັກງານການນໍາ ແລະ ຄຸ້ມຄອງ ໃຫ້ແກ່ພັກປະຊາຊົນປະຕິວັດລາວ ແມ່ນວຽກງານທີ່ສຳຄັນທີ່ກົມການເມືອງ, ຄະນະເລຂາທິການສູນກາງພັກກອມມູນິດຫວຽດນາມ ໄດ້ມອບໝາຍໃຫ້ສະຖາບັນການເມືອງແຫ່ງຊາດ ໂຮ່ຈີມິນ. ໃນຊຸມປີຜ່ານມານີ້, ພັກ ແລະ ລັດລາວ ຍາມໃດກໍ່ໄດ້ເອົາໃຈໃສ່ເປັນພິເສດເຖິງການຝຶກອົບຮົມ ແລະ ບຳລຸງສ້າງຖັນແຖວພະນັກງານການນຳ, ຜູ້ຄຸ້ມຄອງຫຼັກແຫຼ່ງໃນທຸກຂັ້ນຂອງລະບົບການເມືອງຢູ່ລາວ. ແຕ່ລະປີ, ພັກ ແລະ ລັດລາວ ໄດ້ສົ່ງພະນັກງານການນຳ, ຜູ້ຄຸ້ມຄອງຂັ້ນກາງ, ຂັ້ນສູງຫຼາຍຮ້ອຍຄົນ ມາຮ່ຳຮຽນ, ຍົກສູງຄວາມຮູ້ຢູ່ສະຖາບັນການເມືອງແຫ່ງຊາດ ໂຮ່ຈີມິນ. ພວກຂ້າພະເຈົ້າຖືນັ້ນແມ່ນຄວາມເປັນກຽດທີ່ໄດ້ມີການປະກອບສ່ວນເຂົ້າໃນການກໍ່ສ້າງ ແລະ ບຳລຸງສ້າງຖັນແຖວພະນັກງານການນຳ, ຜູ້ຄຸ້ມຄອງຂອງພັກປະຊາຊົນປະຕິວັດລາວ, ຜ່ານນັ້ນ ກໍປະກອບສ່ວນເຂົ້າໃນການປັບປຸງ, ພັດທະນາ, ຍົກລະດັບນໍ້າໃຈຄວາມສາມັກຄີມິດຕະພາບແບບພິເສດຫວຽດນາມ - ລາວ.
ທ່ານ ວັນນະໄຊ ເທບທິລາດ, ເລຂາເອກສະຖານທູດລາວ ປະຈຳ ຫວຽດນາມ ເນັ້ນໜັກວ່າ: “ໂດຍຕາງໜ້າໃຫ້ສະຖານທູດລາວ ປະຈຳ ຫວຽດນາມ, ຂ້າພະເຈົ້າຕີລາຄາສູງຕໍ່ບັນດາໝາກຜົນການຮ່ວມມືລະຫວ່າງສະຖາບັນການເມືອງແຫ່ງຊາດໂຮ່ຈິມິນ ແລະ ຄະນະໂຄສະນາອົບຮົມສູນກາງ; ຄະນະຈັດຕັ້ງສູນກາງພັກປະຊາຊົນ ປະຕິວັດລາວ ໃນໄລຍະຜ່ານມາ. ຕາງໜ້າສະຖານທູດລາວ ປະຈຳ ຫວຽດນາມ, ຂໍສະແດງຄວາມຂອບໃຈຢ່າງຈິງໃຈມາຍັງບັນດາການນຳຂອງພັກ, ລັດ ຫວຽດນາມ ທີ່ຍາມໃດກໍ່ເອົາໃຈໃສ່ ແລະ ຊ່ວຍເຫຼືອໃນການກໍ່ສ້າງ, ບຳລຸງສ້າງພະນັກງານ ແລະ ພັດທະນາແຫຼ່ງຊັບພະຍາກອນມະນຸດຂອງສາທາລະນະລັດ ປະຊາທິປະໄຕ ປະຊາຊົນ ລາວ”.
 |
| ທ່ານ ວັນນະໄຊ ເທບທິລາດ, ເລຂາເອກ ສະຖານທູດລາວ ປະຈຳ ຫວຽດນາມ ກ່າວຄຳເຫັນທີ່ພິທີເປີດ. (ພາບ: ທູຮ່າ) |
“ສອງຂົງເຂດວຽກງານການຈັດຕັ້ງ ແລະ ໂຄສະນາສຶກສາ ແມ່ນສອງຂົງເຂດສຳຄັນທີ່ສຸດ ໂດຍພັກ ແລະ ລັດລາວ ຍາມໃດກໍ່ເອົາໃຈໃສ່ ແລະ ຖືເປັນບຸລິມະສິດ. ໃນໄລຍະຜ່ານມາ, ຫວຽດນາມ ໄດ້ຊ່ວຍເຫຼືອ ແລະ ໜູນຊ່ວຍລາວໃນການກໍ່ສ້າງ ແລະ ບຳລຸງສ້າງພະນັກງານ ກໍ່ຄືໃນວຽກງານບຳລຸງສ້າງການເມືອງແນວຄິດ ໃຫ້ແກ່ຖັນແຖວພະນັກງານການນຳ, ຜູ້ຄຸ້ມຄອງພັກປະຊາຊົນປະຕິວັດລາວ. ນີ້ແມ່ນການສະແດງໃຫ້ເຫັນຄວາມມີຊີວິດຊີວາໃຫ້ແກ່ນ້ຳໃຈມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງປະເທດ, ແມ່ນສາຍພົວພັນອັນໂປ່ງໃສ, ຊື່ສັດບໍລິສຸດ, ສາຍພົວພັນມີໜຶ່ງບໍ່ມີສອງໃນໂລກ. ປິ 2022 ກໍ່ແມ່ນປິທີ່ສອງພັກ, ສອງລັດຈັດຕັ້ງພິທີສະເຫຼີມສະຫຼອງສອງເຫດການຂອງສອງຊາດຄື: ຄົບຮອບ 60 ປີແຫ່ງວັນສ້າງຕັ້ງການພົວພັນທາງການທູດ ແລະ 45 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມືລະຫວ່າງ ຫວຽດນາມ ແລະ ລາວ. ພວກຂ້າພະເຈົ້າເຊື່ອໝັ້ນທີ່ສຸດວ່າ ພວກເຮົາຈະສືບຕໍ່ໄດ້ຮັບການໜູນຊ່ວຍ ແລະ ຊ່ວຍເຫຼືອຈາກບັນດາສະຫາຍໃນໄລຍະຈະມາເຖິງ", ທ່ານ ວັນນະໄຊ ເທບທິລາດ ແບ່ງປັນ.
ໄຊພອນ
