ໂດຍການເຂົ້າຮ່ວມ ມີສະຫາຍ ພົນຕີ ປະສິດ ທ່ຽງທຳ ຮອງຫົວໜ້າກົມໃຫຍ່ເສນາ ທິການກອງທັບ, ຝ່າຍ ສ ຣັດເຊຍ ນຳໂດຍ ສະຫາຍ ພັນເອກ ຍ.ອ ໂປ ປົບ ຮອງຫົວໜ້າກົມທະຫານອາ ກາດກອງທັບເຮືອ ສ ຣັດເຊຍພ້ອມ ດ້ວຍຄະນະ ແລະ ພາກສ່ວນທີ່ ກ່ຽວຂ້ອງທັງສອງຝ່າຍເຂົ້າຮ່ວມ.
 |
ສະຫາຍ ພົນຕີ ປະສິດ ທ່ຽງທຳ ແລະ ສະຫາຍ ພັນເອກ ຍ.ອ ໂປ ປົບ ໃນພິທີມອບ-ຮັບອຸປະກອນ. (ພາບ: pasaxon)
ຕາງໜ້າກະຊວງປ້ອງກັນປະເທດໄດ້ເຊັນຮັບອຸປະກອນດ້ານ ການທະຫານດັ່ງກ່າວ ໂດຍສະ ຫາຍ ພັນເອກ ທອງຈັນ ວັນນະສີຫົວໜ້າກົມແຜນທີ່ກົມໃຫຍ່ເສ ນາທິການກອງທັບ, ອຸປະກອນ ທີ່ນຳມາມອບໃນຄັ້ງນີ້ແມ່ນ ອຸປະກອນການພິມແຜນທີ່ທັນສະ ໄໝເພື່ອນຳໃຊ້ເຂົ້າໃນຂົງເຂດ ວຽກງານການພິມແຜນທີ່ຂອງ ກອງທັບປະຊາຊົນລາວ.
ໂອກາດ ດັ່ງກ່າວຄະນະທັງສອງຝ່າຍຍັງ ໄດ້ເຂົ້າຢ້ຽມຊົມຫ້ອງຮຽນ ການຜະລິດ ແລະ ພິມແຜນທີ່ ແລະ ຮັບຟັງການອະທິບາຍ, ການໃຊ້ງານຂອງອຸປະກອນແຕ່ ລະຊະນິດຈາກນັກວິຊາການທີ່ ກ່ຽວຂ້ອງ. ໃນຕອນເຊົ້າວັນດຽວກັນນີ້, ທີ່ ກອງພັນໃຫຍ່ 703 ສະຫາຍ ພັນ ເອກ ຍ.ອ ໂປປົບ ຮອງຫົວໜ້າ ກົມທະຫານອາກາດກອງທັບເຮືອ ສ ຣັດເຊຍ ພ້ອມດ້ວຍຄະນະຍັງ ໄດ້ໄປມອບອຸປະກອນການບິນ ເພື່ອບັນຈຸເຂົ້າໃນຫ້ອງຮຽນເຝິກ ບິນຂອງຍົນຂຶ້ນຊື່ ແລະ ອຸປະກອນ ຕິດຕັ້ງສະໜາມບິນຈຳນວນໜຶ່ງ ຕາງໜ້າກະຊວງປ້ອງກັນປະເທດ ແຫ່ງ ສປປ ລາວ ເຊັນຮັບ ໂດຍ ສະຫາຍ ພັນເອກ ພັນມະມິດ ວໍລະ ບຸດ ຮອງຫົວໜ້າກົມທະຫານອາ ກາດກົມໃຫຍ່ເສນາທິການກອງ ທັບ ໂດຍມີພະນັກງານ ແລະ ພາກ ສ່ວນທີ່ກ່ຽວຂ້ອງທັງສອງຝ່າຍ ເຂົ້າຮ່ວມ.
（ແຫຼ່ງຂໍ້ມູນ： pasaxon.org.la）
