13 ປະເທດ ແລະ ເຂດແຄວ້ນເຂົ້າຮ່ວມງານວາງສະແດງສາກົນ MTA Hanoi 2022

	ງານວາງສະແດງກ່ຽວກັບອະທິປະໄຕເຂດທະເລ, ໝູ່ເກາະຈັດຂຶ້ນ ຢູ່ແຂວງ ບັກກ້ານ
	ອັດຕະປື ເປີດງານວາງສະແດງ ແລະ ຈຳໜ່າຍສິນຄ້າ ສະເຫຼີມສະຫຼອງ ປີສາມັກຄີມິດຕະພາບ ລາວ - ຫວຽດນາມ

ຫວ່າງແລ້ວນີ້, ຢູ່ສູນວາງສະແດງສາກົນຮ່າໂນ້ຍ ໄດ້ໄຂງານວາງສະແດງ MTA Hanoi 2022 ​ຄັ້ງ​ທີ 8 ເຊິ່ງເປີດ​ການ​ຕ້ອນຮັບ​ແຂກ​ແຕ່​ວັນ​ທີ 12-14 ຕຸລາ 2022.

MTA Hanoi 2022 ໄດ້​ເຕົ້າ​ໂຮມ​ການ​ເຂົ້າ​ຮ່ວມ​​ວາງສະ​ແດງຂອງ​ເກືອບ 100 ຫົວໜ່ວຍ​ທີ່​ມາ​ຈາກ 13 ປະ​ເທດ ​ແລະ ​ເຂດ​ແຄ້ວ​ນ ປະກອບມີ: ​ເຢຍລະ​ມັນ, ອັງກິດ, ໂອຕຣິດ, ​ຕວັກກີ, ຍີ່ປຸ່ນ, ຈີນ, ​ໄຕ້​ຫວັນ (ຈີນ), ສ.​ເກົາຫຼີ, ສິງກະ​ໂປ, ອິດສະຣາ​ແອນ, ມາ​ເລ​ເຊຍ, ​ໄທ ​ແລະ ຫວຽດນາມ.

13 ປະເທດ ແລະ ເຂດແຄວ້ນເຂົ້າຮ່ວມງານວາງສະແດງສາກົນ MTA Hanoi 2022.

ງານ​ວາງສະ​ແດງ ​ໄດ້ນຳ​ສະ​ເໜີບັນດາປະສົບ​ການຕົວຈິງ​ທີ່ພິເສດ​ຂອງບັນດາຫົວໜ່ວຍທີ່ເຂົ້າຮ່ວມງານວາງສະ​ແດງ​ທີ່​ມີ​ຄຸນ​ນະພາ​ບ ຄຽງຄູ່ກັບ​ບັນດາ​ຜະລິດ​ຕະພັນ​ເຕັກ​ໂນ​ໂລ​ຢີນະ​ວັດຕະກຳ​ໃຫ້​ຜູ້ທີ່ໄປເຂົ້າຊົມ​ສ່ວນ​ບຸກຄົນ ​ແລະ ​ເປັນ​ກຸ່ມ. ກວ່າ 20 ປີ​ແຫ່ງ​ການ​ຮ່ວມ​ມື ​ແລະ ​ເຊື່ອມ​ຕໍ່ພ້ອມ​ກັບ​ຂະ​ແໜງກົນຈັກປະດິດສ້າງ​ຢູ່​ຫວຽດນາມ, ລະບົບງານ​ວາງສະ​ແດງ MTA ຫວຽດນາມ ​ແລະ MTA ຮ່າ​ໂນ້ຍ ​ໄດ້​ກາຍ​ເປັນ​ພາກສ່ວນໜຶ່ງ​ທີ່​ສຳຄັນ​ ໃນ​ບັນດາ​ພາບພົດ​ການ​ພັດທະນາ​ຂອງຂະແໜງ​ໃນ 2 ທົດ​ສະ​ວັດທີ່​ຜ່ານ​ມາ.

ໃນ​ຂອບ​ເຂດ MTA Hanoi 2022 ຍັງ​ມີ​ບັນດາ​ກອງ​ປະຊຸມ​ສຳ​ມະ​ນາ ​ກ່ຽວ​ກັບ​ຫົວຂໍ້ການ​ຜະລິດທັນສະໄໝ, ​ເຕັກ​ໂນ​ໂລ​ຢີການ​ພິມ 3D ​ໂລຫະ ​ແລະ ການ​ອອກ​ແບບ​ດີ​ຈີ​ຕອນ. MTA Hanoi 2022 ຄາດ​ວ່າ​ຈະ​ໄດ້​ຕ້ອນ​ຮັບ​ການເຂົ້າຊົມ ແລະ ການ​ເຊື່ອມ​ຕໍ່​ຂອງແຂກ ​ກວ່າ 5.000 ຄົນ.