| ການເສັງຊອກຮູ້ກ່ຽວກັບປະຫວັດສາດສາຍພົວພັນ ຫວຽດນາມ - ລາວ | |
| ຫວຽດນາມ ຕັດສິນໃຈປະຕິບັດບັນດາຄຳເໝັ້ນສັນຍາສາກົນ ກ່ຽວກັບການປ່ຽນແປງຂອງດິນຟ້າອາກາດ |
 |
| ພາບປະກອບ |
ຕາມ Nikkei ແລ້ວ, ພາຍຫຼັງຢືນຢູ່ອັນດັບທີ 100 ໃນເວລາທີ່ຕາຕະລາງໄດ້ຮັບການປະກາດຄັ້ງທຳອິດໃນເດືອນກໍລະກົດ 2021, ກຳປູເຈຍ ແລະ ຫວຽດນາມ ໄດ້ມີບາດກ້າວຫັນປ່ຽນຢ່າງກະໂດດຂັ້ນ, ຢືນໃນ Top 10 ປະເທດ 4 ເດືອນລຽນຕິດກັນ. ຈຳນວນສະມາຊິກອື່ນຂອງອາຊຽນກໍ່ໄດ້ຮັບການປັບປຸງພໍສົມຄວນເມື່ອທຽບໃສ່ກັບໜຶ່ງປີກ່ອນທີ່ບັນດາປະເທດ ອາຊຽນ ຢືນຢູ່ອັນດັບທ້າຍໆ.
ຫວຽດນາມ ແລະ ກຳປູເຈຍ ໄດ້ຮັບການຕີລາຄາສູງເມື່ອປະສົບກັບຜົນສຳເລັດພາຍຫຼັງໄລຍະຕົ້ນຂອງພະຍາດໂຄວິດ - 19. ເຖິງຢ່າງໃດກໍ່ຕາມ ການແຜ່ລະບາດຂອງເຊື້ອໄວຣັດສາຍພັນ Delta ໃນວົງກວ້າງ ແລະ ມີຈຸດເວລາທີ່ດັດຊະນີຟື້ນຟູຢືນຢູ່ອັນດັບຕ່ຳ, ແຕ່ພາຍຫຼັງຜັນຂະຫຍາຍສຳເລັດບັ້ນສັກວັກຊິນກັນໂຄວິດ - 19, ສອງປະເທດ ກໍ່ຄ່ອຍໆຜ່ອນຜັນບັນດາມາດຕະການປ້ອງກັນ, ຕ້ານພະຍາດໂຄວິດ - 19 ແລະ ເປີດປະຕູສຳລັບແຂກທ່ອງທ່ຽວສາກົນ.
Nikkei ໃຫ້ຂໍ້ສັງເກດວ່າ ຫວຽດນາມ ແລະ ກຳປູເຈຍ ແມ່ນສິ່ງທີ່ພິສູດໃຫ້ເຫັນວ່າ ບັນດາປະເທດທີ່ໄດ້ຮັບຜົນກະທົບຢ່າງຮ້າຍແຮງຈາກພະຍາດໂຄວິດ - 19 ລ້ວນແຕ່ສາມາດຫັນປ່ຽນສະພາບການ ດ້ວຍຄວາມຕັດສິນໃຈກ່ຽວກັບການເປີດກວ້າງການສັກວັກຊິນ ແລະ ຖັດຈາກນັ້ນແມ່ນການເລືອກຜ່ອນຜັນການແຍກຫ່າງສັງຄົມ. ບາດກ້າວນີ້ຊ່ວຍສ້າງແງ່ຫວັງດ້ານເສດຖະກິດທີ່ດີກ່ວາ. ໃນບົດລາຍງານສະບັບອັບເດດຫຼ້າສຸດ, ທະນາຄານໂລກ ໄດ້ຍົກການຄາດຄະເນການເຕີບໂຕຂອງ ຫວຽດນາມ ໃນປີ 2022 ແຕ່ 5,3% ຂຶ້ນເຖິງ 7,2%.
 |
 |
ດ້ວຍຄະແນນ 76,5, ກຳປູເຈຍ ຢືນຢູ່ອັນດັບທີ 4 ກ່ຽວກັບດັດຊະນີຟື້ນຟູໂຄວິດ - 19. ຫວຽດນາມ ແບ່ງປັນອັນດັບທີ 8 ກັບກູເວດ (75 ຄະແນນ). ໃນບັນດາປະເທດອາຊຽນທີ່ຍັງເຫຼືອ, ມາເລເຊຍ ຢືນຢູ່ອັນດັບທີ 38 (67 ຄະແນນ), ໄທຢູ່ອັນດັບທີ 70 (61 ຄະແນນ), ລາວອັນດັບ ທີ 89 (57 ຄະແນນ), ຟີລິບປິນຢືນຢູ່ອັນດັບທີ 101 (53 ຄະແນນ).
ບຸນຄົງ
