ຕອນເຊົ້າວັນທີ 5 ຕຸລາ ຢູ່ຮ່າໂນ້ຍ, ຄະນະກຳມະການແຫ່ງລັດ ກ່ຽວກັບຊາວ ຫວຽດນາມ ອາໄສຢູ່ຕ່າງປະເທດ ໄດ້ຈັດຕັ້ງພິທີມອບຮັບວັດຖຸອຸປະກອນປ້ອງ ກັນ, ຕ້ານ ແລະ ໜູນຊ່ວຍການປິ່ນປົວພະຍາດໂຄວິດ - 19 ດ້ວຍມູນຄ່າ ປະມານ 1,8 ຕື້ດົ່ງ ໂດຍສູນວັດທະນະທຳພຸດທະສາສະໜາ ຫວຽດນາມ ຢູ່ ສ.ເກົາຫຼີ ມອບໃຫ້.
 |
 |
| ບັນຍາກາດທີ່ພິທີຮັບ-ເອົາ. ພາບ: thoidai.com.vn |
ທີ່ພິທີ, ທ່ານຮອງລັດຖະມົນຕີການຕ່າງປະເທດ ຫວຽດນາມ ຟ້າມກວາງຫ້ຽວ, ຫົວໜ້າຄະນະກຳມະການແຫ່ງລັດ ກ່ຽວກັບຊາວຫວຽດນາມ ອາໄສຢູ່ຕ່າງ ປະເທດ ໄດ້ຮັບນ້ຳຢາສີດດັງ, ນ້ຳຢາບ້ວນປາກ God’s Water 5.000 ກ່ອງ ເພື່ອປ້ອງກັນ, ຕ້ານ ແລະ ໜູນຊ່ວຍປິ່ນປົວພະຍາດໂຄວິດ - 19 ແລະ ພະຍາດຕ່າງໆທີ່ເກີດຈາກໄວຣັດ ແລະ ເຊື້ອລາ. ຈຳນວນວັດຖຸອຸປະກອນ ດັ່ງກ່າວຈະໄດ້ສົ່ງໄປໃຫ້ວົງຄະນະຍາດ, ພຸດທະສາສະນິກະຊົນ ຊາວຫວຽດນາມ ທີ່ພວມດຳລົງຊີວິດ, ເຮັດວຽກ ແລະ ຮ່ຳຮຽນຢູ່ ສ.ເກົາຫຼີ ເພື່ອແນໃສ່ແບ່ງ ເບົາຄວາມຫຍຸ້ງຍາກໃຫ້ກັບພໍ່ແມ່ປະຊາຊົນໃນສະພາບທີ່ພະຍາດໂຄວິດ - 19 ກັບຄືນມາລະບາດຮອບໃໝ່ຢູ່ ສ.ເກົາຫຼີ.
ທ່ານ ຟ້າມກວາງຫ້ຽວ ໃຫ້ຮູ້ວ່າ: ນອກຈາກວຽກດັ່ງກ່າວນັ້ນ ກໍ່ແມ່ນຄວາມ ຮັບຜິດຊອບຂອງອົງການລັດ, ພວກຂ້າພະເຈົ້າກໍ່ຮຽກຮ້ອງໃຫ້ປະຊາຄົມຊາວ ຫວຽດນາມ ອາໄສຢູ່ຕ່າງປະເທດ ຈົ່ງຊ່ວຍເຫຼືອເຊິ່ງກັນແລະກັນ. ນີ້ແມ່ນການ ກະທຳອັນສູງສົ່ງ, ພວກເຮົາແມ່ນຄົນຊາດດຽວກັນ ສະນັ້ນ ກໍ່ຕ້ອງຊ່ວຍເຫຼືອ ເຊິ່ງກັນແລະກັນ, ຊ່ວຍເຫຼືອບ້ານເກີດເມືອງນອນ ແລະ ປະເທດຊາດ.
ບູນມີ
