| ງານວາງສະແດງ “ສາຍພົວພັນ ຫວຽດນາມ - ລາວ: ຍືນຍົງ ແລະ ພັດທະນາ” | |
| ການພົວພັນແບບພິເສດ ຫວຽດນາມ -ລາວ: 60 ປີແຫ່ງຄວາມສາມັກຄີ, ມິດຕະພາບ, ການຮ່ວມມື ແລະ ພັດທະນາ. |
 |
| ທ່ານເອກອັກຄະລັດຖະທູດ ດັ້ງຮວາງຢາງ ກ່າວຄຳເຫັນທີ່ກອງປະຊຸມ |
 |
ຄະນະກຳມະການກ່ຽວກັບບັນດາບັນຫາເສດຖະກິດ ແລະ ການເງິນຂອງສະພາຄວາມໝັ້ນຄົງ ສປຊ ຄັ້ງທີ 77 ໄດ້ດຳເນີນເປັນເວລາ 2 ວັນແຕ່ວັນທີ 3-4 ຕຸລາ ແລະ ດຳເນີນກອງປະຊຸມສົນທະນາທົ່ວໄປປະຈຳປີພາຍໃຕ້ການເປັນປະທານຂອງທ່ານປະທານຄະນະກຳມະການ, ເອກອັກຄະລັດຖະທູດ Lachezara Stoeva, ຫົວໜ້າຄະນະປະຈຳບຸນກາຣີ ປະຈຳ ສະຫະປະຊາຊາດ.
ທີ່ນີ້, ຫວຽດນາມ ຮຽກຮ້ອງໃຫ້ຈັດຕັ້ງປະຕິບັດບັນດາຄວາມມານະພະຍາຍາມຢູ່ລະດັບຊາດ, ພາກພື້ນ ແລະ ໃນທົ່ວໂລກ ເພື່ອຊຸກຍູ້ການພັດທະນາແບບຍືນຍົງ.
 |
ກ່າວຄຳເຫັນໄຂກອງປະຊຸມ, ທ່ານເອກອັກຄະລັດຖະທູດ ດັ້ງຮວ່າງຢາງ, ຫົວໜ້າຄະນະຜູ້ຕາງໜ້າຫວຽດນາມ ປະຈຳ ສະຫະປະຊາຊາດ ໄດ້ແບ່ງປັນການຕີລາຄາກ່ຽວກັບບັນດາສິ່ງທ້າທາຍທີ່ທົ່ວໂລກພວມປະເຊີນໜ້າ ແລະ ເນັ້ນໜັກວ່າ ເພື່ອຫັນຄຳໝັ້ນສັນຍາດ້ານການເມືອງກາຍເປັນການກະທຳຢ່າງແທດຈິງ, ບັນດາປະເທດຕ້ອງເພີ່ມທະວີຄວາມມານະພະຍາຍາມຢູ່ລະດັບຊາດ, ພາກພື້ນ ແລະ ທົ່ວໂລກ.
 |
| ແຫ່ງໂລກພວມປະເຊີນໜ້າກັບສິ່ງທ້າທາຍຫຼາຍຢ່າງ ທີ່ສົ່ງຜົນກະທົບຫຍໍ້ທໍ້ ຕໍ່ການປະຕິບັດເປົ້າໝາຍພັດທະນາແບບຍືນຍົງ (SDGs). |
ໃນລະດັບຊາດ, ມະນຸດຕ້ອງໄດ້ຕັ້ງຢູ່ໃຈກາງຂອງບັນດານະໂຍບາຍ ແລະ ຍຸດທະສາດພັດທະນາ. ບັນດາປະເທດຄວນໃຫ້ຄວາມສຳຄັນໃນການກໍ່ສ້າງພື້ນຖານເສດຖະກິດມະຫາພາກທີ່ໝັ້ນຄົງ, ເພີ່ມທະວີຄວາມທົນທານຂອງພື້ນຖານເສດຖະກິດຕໍ່ບັນດາເຫດທີ່ເກີດຂຶ້ນໃໝ່.
ໃນຂອບເຂດພາກພື້ນ, ທ່ານເອກອັກຄະລັດຖະທູດຮຽກຮ້ອງໃຫ້ເພີ່ມທະວີຄວາມສາມັກຄີ ແລະ ການຮ່ວມມືກັບບັນດາກົນໄກພາກພື້ນ ແລະ ອະນຸພາກພື້ນໃນການແກ້ໄຂບັນດາສິ່ງທ້າທາຍ, ຊຸກຍູ້ການພັດທະນາແບບຍືນຍົງ, ຜ່ານການແລກປ່ຽນບົດຮຽນ, ຕົວຈິງ, ຮູບແບບ, ວິທີການປະຕິບັດທີ່ດີ ແລະ ເໝາະສົມ.
ການຈັດຕັ້ງຜະຕິບັດຢູ່ລະດັບທົ່ວໂລກ, ທ່ານເອກອັກຄະລັດຖະທູດ ດັ້ງຮວ່າງຢາງ ເນັ້ນໜັກເຖິງ ສັນຕິພາບ, ຄວາມໝັ້ນຄົງ ແລະ ສະຖຽນລະພາບແມ່ນເງື່ອນຕັດສິນຊີ້ຂາດເພື່ອນຳໂຄງການດຳເນີນງານ ປີ 2030 ກ່ຽວກັບການພັດທະນາແບບຍືນຍົງກັບຄືນສູ່ຖືກທິດ, ຕາມນັ້ນແລ້ວ, ທ່ານເອກອັກຄະລດຖະທູດ ກໍໄດ້ຮຽກຮ້ອງໃຫ້ຢຸດຕິການປະທະນກັນ, ແກ້ໄຂບັນດາການຂັດແຍ້ງກັນໂດຍສັນຕິວິທີບົນພື້ນຖານກົດໝາຍສາກົນ ແລະ ກົດບັດຂອງອົງການສະຫະປະຊາຊາດ.
ທ່ານເອກອັກຄະລັດຖະທູດກ່າວວ່າ ຍັງຕ້ອງຮັບປະກັນການເຂົ້າເຖິງດ້ານການເງິນໃນໄລຍະຍາວ, ຮັດແຄບຊ່ອງຫວ່າງໃນໂຄງປະກອບໜີ້ສິນທົ່ວໂລກ, ເພີ່ມທະວີການລົງທຶນພື້ນຖານໂຄງລ່າງຄົມມະນາຄົມ, ພະລັງງານ, ເຕັກໂນໂລຊີຂໍ້ມູນຂ່າວສານ, ນະວັດຕະກຳ, ວິທະຍາສາດ ແລະ ການສຶກສາ.
 |
| ຫວຽດນາມ ບັນລຸໄດ້ບັນດາຜົນງານຫຼາຍຢ່າງໃນການປູກປ່າຢູ່ໃຕ້ນ້ຳເຄັມ |
ໃນການປະຕິບັດນັ້ນ, ທ່ານເອກອັກຄະລັດຖະທູດ ດັ້ງຮວ່າງຢາງ ເນັ້ນໜັກວ່າຕ້ອງເອົາໃຈໃສ່ເຖິງປະເທດດ້ອຍພັດທະນາທີ່ສຸດ, ປະເທດກຳລັງພັດທະນາທີ່ບໍ່ມີທະເລ ແລະ ບັນດາປະເທດເກາະນ້ອຍທີ່ພວມພັດທະນາເກາະນ້ອຍ ກໍ່ຄືຄວາມຕ້ອງການຕົວຈິງຂອງປະເທດທີ່ມີລາຍຮັບປານກາງ.
ທ່ານເອກອັກຄະລັດຖະທູດ ຮຽກຮ້ອງຍົກເລີກບັນດາມາດຕະການຂວ້ຳບາດແບບພຽງລຳພັງຝ່າຍດຽວທີ່ຜິດກົດໝາຍສາກົນ ຢ່າງທັນທີ ແລະ ເນັ້ນໜັກຄວນສືບຕໍ່ປັບປຸງລະບົບ ສປຊ, ເພີ່ມທະວີການຮ່ວມມື ແລະ ຄວາມສາມັກຄີສາກົນ, ໃນນັ້ນມີການຮ່ວມມືໃຕ້ - ໃຕ້ ແລະ ການຮ່ວມມືສາມຝ່າຍ.
ທ່ານເອກອັກຄະລັດຖະທູດ ດັ້ງຮວ່າງຢາງ ໄດ້ແບ່ງປັນບັນດາຜົນງານທີ່ຫວຽດນາມ ບັນລຸໄດ້ໃນການປະຕິບັດ SDGs ແລະ ຢັ້ງຢືນວ່າ ຫວຽດນາມ ຍາມໃດກໍ່ເຂົ້າຮ່ວມໃນບັນດາຄວາມມານະພະຍາຍາມທົ່ວໂລກ ແລະ ພາກພື້ນຢ່າງຕັ້ງໜ້າ ເພື່ອຊຸກຍູ້ການພັດທະນາແບບຍືນຍົງ ແລະ ປັບປຸງຊີວິດການເປັນຢູ່ຂອງປະຊາຊົນ ແລະ ສະເໜີປະຊາຄົມສາກົນ ສະໜັບສະໜູນ ຫວຽດນາມ ທີ່ອອກສະໝັກເລືອກຕັ້ງເຂົ້າເປັນສະມາຊິກຂອງ ສະພາສິດທິມະນຸດ ສປຊ ອາຍຸການ 2023 – 2025 ເພື່ອສືບຕໍ່ປະກອບສ່ວນເຂົ້າຮ່ວມວຽກງານລວມຂອງໂລກໃຫ້ຫຼາຍກ່ວາອີກ.
ບຸນຄົງ
